Asebter amenzawi

Takurt tamafagt/Uraren Ifriqiyen: Ldzayer terbeḥ timlilit tamezwarut d Tunes

Lbuṛj Buɛṛiṛij – Taɣlamt tadzayrit n yimeqranen (tilawin) n tkurt tamafagt terbeḥ, ass n lexmis tameddit, timlilit tamezwarut d Tunes deg tzeɣɣa tagtaddalt n Boubaia Saad, deg Lbuṛj Buɛṛiṛij, s ugmuḍ n 3 n yiḥricen ɣer 2.

Timlilit-a d aḥric seg telɣuɣa n uɛeddi ɣer wuraren ifriqiyen n tkurt tamafagt ay d-yellan deg yiwen n zzhu d ameqran aydeg ḥedṛen aṭas n lɣaci. Sin n yiḥricen imezwura n temlilit-a terbeḥ-iten teɣlamt tatunsit s 28 ɣer 26 d 25 ɣer 23. Sakkin, d Tidzayriyin ay d-yezzin ɣef Ttunsiyin s 28 ɣer 26, sakkin 25 ɣer 23. Deg tgara, yerna s ussebɣes n lɣaci ay d-yusan ad feṛṛjen, ssawḍent Tdzayriyin ad rebḥent sin-nni n yiḥricen ay d-iḍefren s 24 ɣer 23 d 25 d 16, am wakken ay rebḥent aneggaru s 15 ɣer 10.

D acu kan, arma d timlilit tis snat ara d-tban anta ay d taɣlamt ara iɛeddin, yerna timlilit-a ad d-tili ass n ljemɛa deg tzeɣɣa-a n Lbuṛj Buɛṛiṛij ɣef 5s00 n tmeddit.

Talɣuɣa-a n uɛeddi n Wasun 1 n wuraren ifriqiyen ay la ssefrayen ad d-tili deg Kungu-Brazzaville deg Ctembeṛ, d Ldzayer kan d Tunes ara yuraren deg-s imi ay jebdent iman-nsent Meṛṛuk d Libya.