ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⴷ ⵟⵟⴰⵍⵢⴰⵏ « ⴳⵔⴻⵏⵜ ⵉⵎⴰⵏ-ⵏⵙⴻⵏⵜ ⵎⵍⵉⵃ » ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⴷ ⵟⵟⴰⵍⵢⴰⵏ « ⴳⵔⴻⵏⵜ ⵉⵎⴰⵏ-ⵏⵙⴻⵏⵜ ⵎⵍⵉⵃ » ⴷⴻⴳ ⵓⵏⴰⴷⵉ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵍⵉⴱⵢⴰ ⵢⴻⵔⵏⴰ ⵙⵙⴰⵔⴰⵎⴻⵏⵜ ⴰⴷ ⵙⵙⵉⵡⴹⴻⵏⵜ « ⵖⴻⴼ ⵣⵉⴽ ⵍⵃⴰⵍ » ⵖⴻⵔ ⴱⴻⵏⵏⵓ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵍⴰⵒⵧ ⵒⵉⵙⵜⴻⵍⵍⵉ.
« ⴰⵇⵍ-ⴰⵖ (ⵍⴷⵣⴰⵢⴻⵔ ⴷ ⵟⵟⴰⵍⵢⴰⵏ) ⵏⴳⴻⵔ ⵉⵎⴰⵏ-ⵏⵏⴻⵖ ⵎⵍⵉⵃ, ⵍⵡⴰⵃⵉⴷ, ⴷⴻⴳ ⵛⵛⵖⴻⵍ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⴷⴻⴳ ⵍⵉⴱⵢⴰ. ⴰⵇⵍ-ⴰⵖ ⵖⴻⵔ ⵢⵉⴷⵉⵙ ⵏ ⵜⵉⴽⵍⵉ ⵏ ⵓⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⴷⵉⵏⵧ ⵍⴻⵧⵏⴻ, ⵢⴻⵔⵏⴰ ⵍⴰ ⵏⵅⴻⴷⴷⴻⵎ ⴷⴰⵖ ⴷ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⵖⴻⵔ ⴱⴻⵏⵏⵓ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵖⴻⵎⵙⴰ ⵎⴰⵙⵙ ⵒⵉⵙⵜⴻⵍⵍⵉ, ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵜ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴰⴷⵣⴰⵢⵔⵉ-ⴰⵟⴰⵍⵢⴰⵏⵉ ⵉ ⵓⵙⵙⴻⵡⵊⴻⴷ ⵏ ⵜⴻⵎⵍⵉⵍⵉⵜ ⵏ ⵓⵙⵡⵉⵔ ⵓⵏⵏⵉⴳ ⵏ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⵓⵛⵔⵉⴽ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 27 ⵎⴰⵢⵓ ⴷⴻⴳ ⵕⵓⵎⴰ.
ⵉⵎⴹⴻⴱⴱⴻⵔ-ⴰ ⴰⵟⴰⵍⵢⴰⵏⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴰⵔⴰⵎ ⴰⴷ ⴷ-ⵢⴻⵜⵜⵡⴰⴱⵏⵓ ⵓⵏⴰⴱⴰⴹ-ⴰ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ « ⵖⴻⴼ ⵣⵉⴽ ⵍⵃⴰⵍ » ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⴷ ⵍⴷⵣⴰⵢⴻⵔ ⵙⵄⴰⵏⵜ « ⵢⵉⵡⴻⵜ ⵏ ⵜⵎⵓⵖⵍⵉ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵍⴰⴹ ⵏ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴻⵎⵏⴰⴹⵜ-ⴰ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵏ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⵍⴰⵏⵜ « ⵜⵎⵓⵖⵍⵉⵡⵉⵏ ⵜⵓⵛⵔⵉⴽⵉⵏ » ⴳⴰⵔ ⵍⴷⵣⴰⵢⴻⵔ ⴷ ⵟⵟⴰⵍⵢⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴱⵔⵉⴷⴻⵏ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ « ⵖⴻⴼ ⵣⵉⴽ ⵍⵃⴰⵍ ».
« ⵢⴻⵙⵙⴻⴼⴽ ⴰⴷ ⵜⵖⵉⵡⴻⵍ ⵜⴻⴳⵏⵉⵜ ⵉ ⴱⴻⵏⵏⵓ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵜⵓⵇⵇⵍⴰ ⵏ ⵓⵔⴽⴰⴷ ⴷⴻⴳ ⵜⵎⵓⵔⵜ-ⴰ ⵜⴰⵏⴰⵔⴰⴳⵜ », ⴰⵢ ⴷ-ⵢⴻⵏⵏⴰ.
ⴰⵏⴻⵖⵍⴰⴼ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ ⵏ ⵍⵉⴱⵢⴰ ⴷⴻⴳ ⵏⴷⵊⴰⵎⴻⵏⴰ (ⵜⵛⴰⴷ) ⴷⴻⴳ 5 ⵢⵓⵏⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ, ⵙⴰⴽⴽⵉⵏ ⴰⴷ ⵜⵜ-ⵉⴷ-ⵜⴻⴹⴼⴻⵔ ⵜⴻⵎⵍⵉⵍⵉⵜ ⵏ ⴽⵔⴰⴹ ⵏ ⵢⵉⴷⵉⵙⴰⵏ (ⵍⴷⵣⴰⵢⴻⵔ, ⵎⴰⵚⴻⵔ ⴷ ⵟⵟⴰⵍⵢⴰⵏ) ⴷⴻⴳ 7 ⵢⵓⵏⵢⵓ ⴷⴻⴳ ⵍⵇⴰⵀⵉⵔⴰ.
ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵇⴻⵔⴷⴻⵛ ⴷⴰⵖ ⴷ ⵢⵉⵏⴻⴱⴳⵉ-ⵏⵏⴻⵙ ⵖⴻⴼ « ⵢⵉⴱⵔⵉⴷⴻⵏ ⴷ ⵜⵜⴰⵡⵉⵍⴰⵜ » ⴰⵢⵢⴻⵙ ⴰⵔⴰ ⵄⴰⵡⵏⴻⵏ ⴰⴳⴻⵏⵙⴰⵙ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ.
« ⴷ ⴰⵢⴻⵏ ⵉⴱⴰⵏⴻⵏ ⴷⴰⴽⴽⴻⵏ ⵜⵉⵎⵓⵔⴰ-ⵏⵏⴻⵖ ⴷⴻⴳ ⵙⵏⴰⵜ ⴱⴻⴷⴷⴻⵏⵜ ⵖⴻⵔ ⵢⵉⴷⵉⵙ ⵏ ⵍⵎⴻⵊⵀⵓⴷ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵔⴰ ⵉⴼⴰⴽⴻⵏ ⵜⴰⵍⵓⴼⵜ ⵏ ⵍⵉⴱⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
