Asebter amenzawi

Habib Essid yenna-d dakken tirzi-nnes ɣef Ldzayer tella-d i ussejhed n wassaɣen ucriken

LDZAYER TAMANEƔT – Aɣella n unabaḍ atunsi, Habib Essid, yenna-d ass n ssebt dakken tirzi-nnes ɣef Ldzayer tella-d i ussejhed n wassaɣen ucriken deg wakk inurar s ussejhed n umɛawen deg tdamsa d tɣellist (laman).

Deg yiwet n tseɣrut i tɣemsa mi d-yewweḍ ɣer unafag agraɣlan n Houari Boumediene, Aɣella n unabaḍ atunsi yenna-d dakken « yesseḥbibir » akken ad yesmel assaɣen gar Ldzayer d Tunes deg uqaleb n « ticcurka tasuddsant tasurfant » deg wakk inurar.

Dɣa i lmend n waya, Mass Essid yenna-d yessaram dakken sin-a n yidisan « ad d-rrent taṛwiḥt i wassaɣen n tegmat d umɛawen gar snat-a n tmura d sin-a n yiɣerfan aytmaten, deg wakud aydeg assaɣen ucriken la ttgerrizen deg wakk inurar ».

Aɣella n unabaḍ atunsi yerna-d dakken assaɣen-a « la d-ttbanen s ussejhed n umciweṛ d ussemyuddes deg umɛawen ucrik d temsal n nnfeɛ ucrik ».