ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴻⵎⵎⴻⵍ ⵏ ⵛⵛⵕⴻⵄ ⵏ ⴽⵀⴰⵍⵉⴼⴰ ⴱⴰⵏⴽ ⴰⵙⵙ ⵏ ⵙⵙⴻⴱⵜ ⵙ ⵜⵎⴻⵙⵍⵉⵡⵜ ⵏ ⵢⵉⵎⴻⵜⵜⵀⵓⵎⴻⵏ ⵉⵎⴰⵢⵏⵓⵜⴻⵏ

ⵍⴻⴱⵍⵉⴷⴰ – ⵛⵛⵕⴻⵄ ⵏ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ ⵉⴽⴻⵎⵎⴻⵍ ⴰⵙⵙ ⵏ ⵙⵙⴻⴱⵜ ⵜⴰⵚⴻⴱⵃⵉⵜ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ, ⴷⴻⴳ ⵡⴰⵙⵙ-ⵏⵏⴻⵙ ⵡⵉⵙ 10, ⵙ ⵜⵎⴻⵙⵍⵉⵡⵜ ⵏ ⴰⴱⴷⴰⵍⵍⴰⵀ ⴱⵧⵓⵍⴻⴼⵔⴰⴷ ⴰⵢ ⵢⴻⵍⵍⴰⵏ ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵍⵍⵓⵣⵉⵏ ⵏ ⵜⵉⵙⵙⵉⵜⵉⵏ ⵏ ⵢⵉⵖⵉⵙⴻⵎ (ⵍⴰⵍⴽⵓⵍ) ⵏ ⵡⴻⵀⵕⴰⵏ, ⵢⴻⵔⵏⴰ ⵉⴽⴻⵎⵎⴻⵍ ⵡⴰⵙⵙ-ⵏⵏⵉ ⵙ ⵜⵎⴻⵙⵍⵉⵡⵜ ⵏ ⵢⵉⵎⴻⵜⵜⵀⵓⵎⴻⵏ ⵏⵉⴹⴻⵏ.

ⵛⵛⵕⴻⵄ-ⴰ ⵢⴻⴱⴷⴰ ⴷⴻⴳ ⵡⴰⵙⵙ ⵏ 4 ⵎⴰⵢⵓ ⵢⴻⵣⵔⵉⵏ, ⵢⴻⵔⵏⴰ ⴷⴻⴳ ⵙⵉⵏ ⵏ ⵡⵓⵙⵙⴰⵏ ⵉⵎⴻⵣⵡⵓⵔⴰ, ⵖⵔⴰⵏ-ⴷ ⵕⵕⴰⵢ ⵏ ⵓⵡⴻⵅⵅⴻⵔ, ⵙⴰⴽⴽⵉⵏ ⵙⴻⴳ ⵡⴰⵙⵙ-ⵏⵏⵉ, ⴰⵣⴰⵍ ⵏ 20 ⵏ ⵢⵉⵎⴻⵜⵜⵀⵓⵎⴻⵏ ⴰⵢ ⵉⴱⴻⴷⴷⴻⵏ ⵙⴷⴰⵜ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴻⵔ.

ⴰⵎⴻⵜⵜⵀⵓⵎ ⴰⴳⴻⵊⴷⴰⵏ, ⴰⴱⴷⴻⵍⵎⵧⵓⵎⴻⵏⴻ ⵔⴰⴼⵉⴽ ⴽⵀⴻⵍⵉⴼⴰ, ⴷ ⵏⴻⵜⵜⴰ ⴰⵢ ⴷ ⴰⵎⴻⵣⵡⴰⵔⵓ ⴰⵢ ⵉⵄⴻⴷⴷⴰⵏ ⵙⴷⴰⵜ ⵍⵇⴰⴹⵉ ⴰⴽⴽⴻⵏ ⴰⴷ ⴷ-ⵢⴻⵔⵔ ⵖⴻⴼ ⵜⵜⴻⵀⵎⴰⵜ ⴰⵢⵢⴻⵙ ⵢⴻⵜⵜⵡⴰⵜⵜⵀⴻⵎ, ⵎⴻⵃⵙⵓⴱ « ⴰⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵉ ⵓⵙⵙⴻⴼⵙⴻⴷ, ⴰⴽⴻⵍⵍⴰⵅ ⴷⴻⴳ ⵢⵉⴷⵔⵉⵎⴻⵏ, ⴰⴽⴻⵍⵍⴻⵅ ⵙ ⵍⴰⵎⴰⵏ, ⴰⵙⵙⴻⵇⴷⴻⵛ ⵏ ⵍⴻⴽⵡⴰⵖⴻⴹ ⵏ ⵜⴽⴻⵍⵍⴰⵅ ⵏ ⵜⴱⴰⵏⴽⴰ ⴷ ⵍⵇⴰⵏⵓⵏ, ⴰⴼⵍⴰⵙ ⵏ ⵜⴽⴻⵍⵍⴰⵅ, ⵜⵓⴽⵛⵉ ⵏ ⵜⵊⵓⵄⴰⵍ ⴷ ⵜⵓⴽⴻⵔⴹⴰ ⵏ ⵢⵉⴷⵔⵉⵎⴻⵏ ».

ⴷⴻⴳ ⵙⵉⵏ-ⵏⵏⵉ ⵏ ⵡⵓⵙⵙⴰⵏ ⴰⵢⴷⴻⴳ ⴰⵢ ⴰⵙ-ⴷ-ⵙⵍⴰⵏ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ, ⴽⵀⴻⵍⵉⴼⴰ ⵢⴻⵏⴽⴻⵕ ⴷⴰⴽⴽⴻⵏ ⵢⴻⴼⴼⴻⵖ ⵉ ⵢⵉⵍⵓⴳⴰⵏ ⴰⵢ ⵢⴻⵙⵙⴻⴷⴷⴰⵢⴻⵏ ⴻⵍ ⴽⵀⴰⵍⵉⴼⴰ ⴱⴰⵏⴽ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵎⵉ ⴰⵢ ⵢⴻⴼⴼⴻⵖ ⵙⴻⴳ ⵍⴷⵣⴰⵢⴻⵔ ⴷⴻⴳ 2003, ⵢⴻⵊⵊⴰ-ⴷ ⵜⴰⴳⵔⴰⵡⵜ-ⵏⵏⴻⵙ ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵍⴼⴰⵢⴷⴰ.

ⵜⵉⵖⵉⵎⵉⵜ ⵏ ⵡⴰⵙⵙ ⵏ ⵍⴻⵅⵎⵉⵙ ⵉⵄⴻⴷⴷⴰ ⴷⴻⴳ-ⵙ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵜⴻⴳⵔⴰⵡⵜ ⵏ ⵙⴰⵉⴷⴰⵍ, ⴰⵍⵉ ⴰⵧⵓⵏ, ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵏⴻⵜⵜⴰ ⵢⴻⵍⵍⴰ ⴷ ⵢⵉⵡⴻⵏ ⵙⴻⴳ 25 ⵏ ⵢⵉⵙⴻⴼⵔⴰⴽⴻⵏ ⵏ ⵜⴻⴳⵔⴰⵡⵜ-ⴰ ⴰⵢ ⵢⵓⴳⵉⵏ ⴰⴷ ⵙⵙⴻⵔⵙⴻⵏ ⵉⴷⵔⵉⵎⴻⵏ ⴷⴻⴳ ⴽⵀⴰⵍⵉⴼⴰ ⴱⴰⵏⴽ, ⵓⵍⴰ ⵎⴰ ⵜⴻⵍⵍⴰ-ⴷ ⵍⴻⵡⵚⴰⵢⴰ ⵉ ⵍⵎⴻⵏⴷ ⵏ ⵡⴰⵢⴰ ⵙⵖⵓⵔ ⵓⵙⴻⵏⴷⵓⵇ ⵏ ⵓⵜⵜⴻⴽⴽⵉ ⵏ ⵓⵡⴰⵏⴰⴽ.

ⴰⵙⵙ ⵏ ⵍⴰⵕⴻⴱⵄⴰ, ⴷ ⴰⵎⴻⵜⵜⵀⵓⵎ ⴼⵧⵓⴷⴰⴷ ⴰⴷⴷⴰ, ⴰⵏⴻⵎⵀⴰⵍ ⴰⵇⴱⵓⵔ ⵏ ⵓⵖⴻⵔⴱⴰⵣ ⵏ ⵜⴻⵎⵙⵓⵍⵜⴰ ⵏ ⵄⵉⵏ ⵍⴱⴻⵏⵢⴰⵏ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⴰⵢ ⵉⴱⴻⴷⴷⴻⵏ ⴷⴻⴳ ⵓⵅⴻⴷⴷⴰⵎ ⵏ ⵛⵛⵕⴻⵄ ⴰⴽⴽⴻⵏ ⴰⴷ ⵢⴻⵏⴽⴻⵕ ⵜⵜⴻⵀⵎⴰⵜ ⴰⵢⵢⴻⵙ ⵢⴻⵜⵜⵡⴰⵜⵜⵀⴻⵎ ⴷⴻⴳ ⵜⴻⵎⵙⴰⵍⵜ-ⴰ, ⵎⴻⵃⵙⵓⴱ ⴰⴽⴻⵍⵍⴻⵅ ⴷⴻⴳ ⵢⵉⴷⵔⵉⵎⴻⵏ, ⵜⴰⵊⴰⵄⴰⵍⵜ, ⴰⴷⵖⴰⵍ ⵏ ⵍⴻⴽⵡⴰⵖⴻⴹ ⵏ ⵍⵇⴰⵏⵓⵏ ⴷ ⵜⴻⴷⴱⴻⵍⵜ, ⴰⴽⴻⵍⵍⴻⵅ ⵙ ⵍⴰⵎⴰⵏ ⴷ ⵓⵙⵙⴻⵇⴷⴻⵛ ⵏ ⵍⴻⵃⴽⴻⵎ ⵉⵄⴻⴷⴷⴰⵏ ⵉ ⵜⵍⵉⵙⴰ.

ⴼⵧⵓⴷⴰⴷ ⴰⴷⴷⴰⴷ, ⴰⵢ ⵢⴻⵍⵍⴰⵏ ⴷ ⴰⵎⴰⵙⵍⴰⴹ ⴰⵇⴱⵓⵔ ⵏ ⵜⵙⴻⵇⵇⴰⵎⵓⵜ ⵏ ⵜⵄⴻⵙⵙⴰⵙⵜ ⵏ ⵜⵎⵉⵍⴰⵍⵜ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵢⴻⵜⵜⵡⴰⵜⵜⵀⴻⵎ ⵙ ⵡⴰⵣⵣⵓⵏ ⵏ ⵢⵉⴷⵔⵉⵎⴻⵏ ⵖⴻⵔ ⵜⵏⴻⴳⴳⴰ ⵏ ⴽⵀⴰⵍⵉⴼⴰ ⴱⴰⵏⴽ ⴷⴻⴳ ⵛⵛⵔⴰⴳⴰ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⴷ ⵜⵉⵏ ⵏ ⵢⵉⴱⴰⵟⵡⴰⵔⴻⵏ ⵏ ⵃⵓⵙⵉⵏ ⴷⴰⵢ, ⵢⴻⵔⵏⴰ ⵢⴻⵙⴼⴰⵢⴷⵉ-ⴷ ⵙⴻⴳ ⵙⵙⵔⴰⴱⴻⵙ ⵙⵖⵓⵔ ⵜⴻⴳⵔⴰⵡⵜ ⵏ ⴽⵀⴰⵍⵉⴼⴰ ⵉ ⵍⵎⴻⵏⴷ ⵏ ⵡⴰⵢⴰ.

ⵎⴰⵙⵙ ⴼⵧⵓⴷⴰⴷ ⵢⴻⵏⴽⴻⵕ ⴰⵢⴰ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵄⴰ ⵍⴻⴽⵡⴰⵖⴻⴹ ⴰⵢⵢⴻⵙ ⴰⵔⴰ ⴷ-ⵢⴻⵙⵙⴽⴻⵏ ⴰⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵓⵔ ⵢⴻⵙⵄⵉ ⴰⵔⴰ ⴰⴽⴽ « ⴰⵙⵙⴰⵖ ⵓⴷⵎⴰⵡⴰⵏ » ⴷ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ. ⴰⵙⵙ-ⵏⵏⵉ ⴷⴰⵖ, ⵉⵎⴷⴻⵇⵇⴻⵇⴻⵏ ⵏ ⵍⴻⵃⵙⴰⴱⴰⵜ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵍⴰⴽⵀⴷⴰⵔ ⵎⵉⵎⵉ ⴷ ⵀⴰⵎⵉⴷ ⵙⴻⴽⵀⴰⵔⴰ, ⵏⵏⴰⵏ-ⴷ, ⴷⴻⴳ ⵜⵎⴻⵙⵍⵉⵡⵜ-ⵏⵙⴻⵏ, ⴷⴰⴽⴽⴻⵏ ⵍⵍⴰⵏⵜ ⵜⵖⴰⵡⵙⵉⵡⵉⵏ « ⵉⵣⴻⵍⴳⴻⵏ » ⴷⴻⴳ ⵓⵙⵙⴻⴷⴷⵓ ⵏ ⵍⴻⵃⵙⴰⴱⴰⵜ ⵏ ⵜⴱⴰⵏⴽⴰ-ⵏⵏⵉ ⴷⴻⴳ ⵜⴰⵍⵍⵉⵜ ⵏ 1998-2000 ⵢⴻⵔⵏⴰ ⴷⴻⴳ ⵙⵉⵏ ⵢⵉⴷ-ⵙⴻⵏ « ⵓⵔ ⵍⵍⵉⵏ ⴰⵔⴰ ⵥⵔⴰⵏ » ⴷⴰⴽⴽⴻⵏ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⴰⵙ-ⵄⴻⵢⵢⵏⴻⵏ ⵉ ⵢⵉⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ.

ⵙ ⵓⵊⴻⵎⵎⴰⵍ, 71 ⵏ ⵢⵉⵎⴻⵜⵜⵀⵓⵎⴻⵏ ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷⴻⴳ ⵜⴻⵎⵙⴰⵍⵜ-ⴰ, 21 ⵙⴻⴳ-ⵙⴻⵏ ⴰⵜⵏⵉ ⴷⴻⴳ ⵍⵃⴻⴱⵙ ⴷⴻⴳ ⵡⴰⴽⵓⴷ ⴰⵢⴷⴻⴳ ⵡⵉⵢⴰⴹ ⵍⴰ ⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷ ⵉⵍⴻⵍⵍⵉⵢⴻⵏ. ⵎⴻⵏⵖⵉⵔ ⵉⵎⵛⴻⵜⴽⵉⵢⴻⵏ ⴷ ⵡⵉⴷ ⵢⴻⵏⴹⴻⵔⵔⴻⵏ, ⵓⴳⴰⵔ ⵏ 300 ⵏ ⵢⵉⵏⴰⴳⴰⵏ ⴰⵔⴰ ⴷ-ⵉⵛⴻⵀⴷⴻⵏ ⴷⴻⴳ ⵜⴻⵎⵙⴰⵍⵜ-ⴰ ⴰⵢⴷⴻⴳ ⴷ-ⵜⴻⵍⵍⴰ ⵜⵖⵉⵎⵉⵜ ⵜⴰⵎⴻⵣⵡⴰⵔⵓⵜ ⵏ ⵛⵛⵕⴻⵄ ⴷⴻⴳ 2007.