ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴳⴻⵏ ⵏ ⵓⵎⴰⵔⴰⵟⵓⵏ ⵏ ⵀⴰⵎⵎⴰ-ⴱⵧⵓⵣⵉⴰⵏⴻ: ⵢⴻⵔⴱⴻⵃ ⴼⴻⵜⵀⵉ ⵎⴻⴼⵜⴰⵀ (ⵙⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ)

ⵇⵙⴻⵏⵟⵉⵏⴰ – ⴰⵏⴰⴷⴷⴰⵍ ⵎⴻⴼⵜⴰⵀ ⴼⴻⵜⵀⵉ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵏⴻⵜⵜⴰ ⴰⵢ ⵉⵔⴻⴱⵃⴻⵏ ⴷⴻⴳ ⵓⵣⴳⴻⵏ ⵏ ⵓⵎⴰⵔⴰⵟⵓⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵖⵉⵡⴰⵏⵜ ⵏ ⵀⴰⵎⵎⴰ-ⴱⵧⵓⵣⵉⴰⵏⴻ (ⴷⴻⴳ ⵇⵙⴻⵏⵟⵉⵏⴰ) ⴰⵢ ⵢⴻⵜⵜⵡⴰⵅⴻⴷⵎⴻⵏ ⵙ ⵓⵎⵄⴰⵡⴻⵏ ⴷ ⵜⴻⵎⵖⵓⵏⵜ ⵏ ⵜⵡⵉⵍⴰⵢⵜ ⵏ ⵜⴰⵜⵍⵉⵜⵉⵜ ⴷ ⵜⵎⴻⵀⵍⴰ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵇⵙⴻⵏⵟⵉⵏⴰ.

ⵎⴻⴼⵜⴰⵀ ⵢⴻⵙⵙⴰⵡⴻⴹ ⴰⴷ ⵢⴻⵊⵊ ⵡⵉⴷ ⴰⵢ ⵜ-ⵉⴷ-ⵉⴹⴻⴼⵔⴻⵏ, ⴰⴳⵧⵓⵏⴻ ⴽⵀⵧⵓⴷⵉⵔ ⴷ ⴱⴻⵍⵧⵓⵏⵉⵙ ⵎⵧⵀⴰⵎⴻⴷ (ⵏ ⵇⵙⴻⵏⵟⵉⵏⴰ) ⵢⴻⵔⵏⴰ ⴷ ⵏⴻⵜⵜⴰ ⴰⵢ ⴷ ⴰⵎⴻⵣⵡⴰⵔⵓ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵢⵉⵣⵉⵔⵉⴳ ⵏ ⵡⴰⵡⵡⴰⴹ ⵡⴰⵔ ⵍⵃⵉⴼ ⴰⵎⴻⵇⵔⴰⵏ.

ⵙⴻⴳ ⵢⵉⴷⵉⵙ ⵏ ⵜⵍⴰⵡⵉⵏ, ⴷ ⵙⴰⴱⵧⵓⵔ ⵏⴰⵙⵙⵉⵎⴰ (ⵙⴻⴳ ⵍⴻⵎⴷⴻⵢⵢⴰ) ⴰⵢ ⵉⵔⴻⴱⵃⴻⵏ, ⵖⴰⵙ ⴰⴽⴽⴻⵏ ⵜⵜⴻⴽⴽⴰⵏⵜ ⴰⵟⴰⵙ ⵏ ⵜⵍⴰⵡⵉⵏ ⵏⵉⴹⴻⵏ ⴰⵢ ⵢⴻⵜⵜⵡⴰⵙⵏⴻⵏ ⵏ ⵓⵥⵡⴰⵔ-ⵏⵙⴻⵏⵜ ⴷⴻⴳ ⵡⴰⴷⴷⴰⵍ-ⴰ.

ⴰⵣⴳⴻⵏ-ⴰ ⵏ ⵓⵎⴰⵔⴰⵟⵓⵏ ⴷ ⵡⵉⵏ ⴰⵢⴷⴻⴳ ⵍⵍⴰⵏ 21 ⵏ ⵢⵉⴽⵉⵍⵓⵎⵉⵜⵔⴻⵏ ⵙⴻⴳ ⵜⴻⵏⵇⵉⴹⵜ-ⵏⵏⴻⵙ ⵏ ⴱⴻⴷⴷⵓ ⴷⴻⴳ ⵜⴷⴰⵢⵕⴰ ⵏ ⵣⵉⴳⵀⵧⵓⴷ ⵢⵧⵓⵛⴻⴼ ⵖⴻⵔ ⵜⴻⵏⵇⵉⴹⵜ-ⵏⵏⴻⵙ ⵏ ⵡⴰⵢⵢⴰⴹ ⴷⴻⴳ ⵜⴻⵎⴷⵉⵏⵜ ⵏ ⵀⴰⵎⵎⴰ ⴱⵧⵓⵣⵉⴰⵏⴻ, ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ 287 ⵏ ⵢⵉⵏⴰⴷⴷⴰⵍⴻⵏ ⵙⴻⴳ ⵡⴰⴽⴽ ⵜⴰⴳⴳⴰⵢⵉⵏ ⵢⴻⵔⵏⴰ ⵓⵙⴰⵏ-ⴷ ⵙⴻⴳ 18 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.

ⵡⵉⴷ ⴰⵢ ⵢⴻⵙⵙⵓⴷⴷⵙⴻⵏ ⵜⵉⵎⵙⵉⵣⵣⴻⵍⵜ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴱⵔⵉⴷ, ⵓⵎⴰⵔⴻⵏ (ⴼⴻⵕⵃⴻⵏ) ⵙ ⵔⵔⴱⴻⵃ-ⵏⵏⴻⵙ, ⵢⴻⵔⵏⴰ ⵙⴻⴳ-ⴰ ⴷ ⴰⵙⴰⵡⴻⵏ ⴰⴷ ⵜⴻⵇⵇⴻⵍ ⴷ ⵜⵉⵎⵙⵉⵣⵣⴻⵍⵜ ⵜⴰⵖⴻⵍⵏⴰⵡⵜ ⴰⵎ ⵜⴰⵣⵣⵍⴰ ⵏ ⵓⴳⴰⵎⴰ ⵏ ⵛⵀⵉⵀⴰⵏⵉ ⴱⴰⵛⵀⵉⵔ ⴷⴻⴳ ⵜⵖⵉⵡⴰⵏⵜ ⵏ ⵅⵔⵓⴱ.

ⵉⴳⵎⴰⴹ ⵏ ⵜⴻⵎⵙⵉⵣⵣⴻⵍⵜ:

18/39 ⵏ ⵢⵉⵙⴻⴳⴳⴰⵙⴻⵏ : ⵎⴻⴼⵜⴰⵀ ⴼⴻⵜⵀⵉ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ)

ⴰⴳⵧⵓⵏⴻ ⴽⵀⵧⵓⴷⵉⵔ

ⴱⴻⵍⵧⵓⵏⵉⵙ ⵎⵧⵀⴰⵎⴻⴷ

40/49 ⵏ ⵢⵉⵙⴻⴳⴳⴰⵙⴻⵏ: ⵛⵀⴻⵜⵜⵧⵓⵀ ⵏⵧⵓⵔⴻⴷⴷⵉⵏⴻ (ⵜⴱⴻⵙⵙⴰ)

ⵀⴰⴷⵊⵊ ⵢⵧⵓⵛⴻⴼ ⴰⴱⴷⴻⵍⴰⵣⵉⵣ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ)

ⴷⴻⴱⴱⴰⵛⵀⴻ ⵀⵉⵛⵀⴻⵎ

50/59 ⵏ ⵢⵉⵙⴻⴳⴳⴰⵙⴻⵏ: ⵔⴻⴳⵓⵉⴻⴳ ⴱⵔⴰⵀⵉⵎ (ⴰⵙⴼⴰ- ⵇⵙⴻⵏⵟⵉⵏⴰ )

ⴳⵧⵓⴼⵉ ⵎⵧⵀⴰⵎⵎⴻⴷ (ⴰⵙⴼⴰ – ⵇⵙⴻⵏⵟⵉⵏⴰ)

ⴰⵎⴰⵎⵔⴰ ⴷⴰⵧⵓⴷ (ⵊⵉⵊⴻⵍ)

60 ⵏ ⵢⵉⵙⴻⴳⴳⴰⵙⴻⵏ ⴷ ⵡⵓⴳⴰⵔ: ⴽⵀⴻⵍⵉⵍ ⴰⵍⵍⵧⵓⴰ (ⵜⴰⴱⴰⵜⴻⵏⵜ)