ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⵉⵡⴻⵏ ⵏ ⵓⵕⴰⴱⵓⵍ ⵏ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵢⴻⴽⵛⴻⴼ-ⴷ ⴰⵄⴻⵜⵜⴻⴱ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⵎⴻⵕⵕⵓⴽ ⴷ ⵓⵏⴻⵥⵔⵓⴼ ⵓⵜⵔⵉⵎ

ⵒⴰⵔⵉⵙ – ⵢⵉⵡⴻⵏ ⵏ ⵓⵕⴰⴱⵓⵍ ⴰⵢ ⴷ-ⵜⵀⴻⵢⵢⴰ ⵜⵓⴷⴷⵙⴰ ⵏ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵢⴻⴽⵛⴻⴼ-ⴷ ⴰⵄⴻⵜⵜⴻⴱ ⴰⵢ ⴷ-ⵢⴻⵜⵜⵉⵍⵉⵏ ⵙⵖⵓⵔ ⵢⵉⴷⵓⴱⴰ ⵏ ⵎⴻⵕⵕⵓⴽ ⴰⵎⴰ ⴷⴻⴳ ⵜⵎⵓⵔⵜ ⵏ ⵎⴻⵕⵕⵓⴽ, ⴰⵎⴰ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⴰⴷ ⴷ-ⵢⴻⴼⴼⴻⵖ ⵓⵕⴰⴱⵓⵍ-ⴰ ⴰⵙⵙ ⵏ 19 ⵎⴰⵢⵓ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴽⵔⴰ ⵏ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⵍⴰ ⴷ-ⴽⴽⴰⵜⴻⵏⵜ ⴷⴻⴳ ⵢⵉⵡⴻⵏ ⵏ ⵓⵎⵜⴰⵡⴰ ⵏ ⵓⵎⵄⴰⵡⴻⵏ ⴷⴻⴳ ⵜⴻⵖⴷⴻⵎⵜ ⴳⴰⵔ ⴼⵕⴰⵏⵙⴰ ⴷ ⵎⴻⵕⵕⵓⴽ.

ⴰⵕⴰⴱⵓⵍ-ⴰ ⵉⵙⴻⵎ-ⵏⵏⴻⵙ « ⵜⵉⵍⵉ ⵏ ⵜⵔⴻⵡⵍⴰ ⵉ ⵓⵄⴰⵇⴻⴱ: ⴰⵄⴻⵜⵜⴻⴱ ⴷⴻⴳ ⵎⴻⵕⵕⵓⴽ ⴷ ⵓⵏⴻⵥⵔⵓⴼ ⵓⵜⵔⵉⵎ », ⴰⴷ ⵜ-ⵉⴷ-ⵜⵇⴻⴷⴷⴻⵎ ⴳⴻⵏⴻⵠⵉⴻⵠⴻ ⴳⴰⵔⵔⵉⴳⵧⵙ, ⵜⴰⵙⴻⵍⵡⴰⵢⵜ ⵏ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵏ ⴼⵕⴰⵏⵙⴰ (ⴰⵉⴼ), ⵢⴻⵔⵏⴰ ⴷ ⵢⵓⴷⴻⴼ ⴷⴻⴳ ⵜⵃⴻⵎⵍⴰ ⵏ « ⵃⴻⴱⵙⴻⵜ ⴰⵄⴻⵜⵜⴻⴱ » ⴰⵢ ⴷ-ⵜⴻⴱⴷⴰ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⴰⵕⴰⴱⵓⵍ-ⴰ ⵢⴻⴽⵛⴻⴼ-ⴷ ⵍⴰⴷⵖⴰ « ⴰⵙⵙⴻⵇⴷⴻⵛ ⵏ ⵓⵄⴻⵜⵜⴻⴱ ⴷ ⵢⵉⵖⵉⵍ ⵙⵖⵓⵔ ⵢⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ ⵜⴰⵎⴻⵕⵕⵓⴽⵉⵜ, ⵍⴰⴷⵖⴰ ⵎⵉ ⴰⵔⴰ ⵢⴻⵜⵜⵡⴰⴹⴹⴻⴼ ⵓⵎⴷⴰⵏ ⵙⴻⴳ ⵍⴻⵄⴹⵉⵍ ⴰⴷ ⵉⵄⴻⴷⴷⵉ ⴷⴻⴳ ⵛⵛⵕⴻⵄ ⵏⴻⵖ ⵎⵉ ⴰⵔⴰ ⵢⴻⵜⵜⵡⴰⴱⵃⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⴻⵖⴱⵓⵍⴰ-ⴰ.

ⴰⵢⴰ ⵢⴻⵔⵏⴰ-ⴷ ⴷⴻⴳ ⵡⴰⵡⴰⵍ ⵏ ⵢⵉⵙⴰⵍⴰⵏ-ⵏⵏⵉ ⴰⵢ ⵢⴻⴷⴷⴰⵏ ⵢⴰⴳⵉ ⵖⴻⴼ ⵜⴻⵎⵙⴰⵍⵜ-ⴰ. ⵙⴻⴳ ⵎⴻⵍⵎⵉ ⴽⴰⵏ, ⵜⴰⵙⴻⵍⵡⴰⵢⵜ ⵏ ⵡⴰⵎⵎⴰⵙ ⵏ ⵔⵧⴱⴻⵔⵜ ⴼ. ⴽⴻⵏⵏⴻⴷⵢ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵎⴰⵙⵙⴰ ⴽⴻⵔⵔⵢ ⴽⴻⵏⵏⴻⴷⵢ ⵜⴻⵏⵏⴰ-ⴷ ⴷⴰⴽⴽⴻⵏ « ⵉⵕⴰⴱⵓⵍⴻⵏ ⴰⵢ ⴷ-ⵢⴻⵙⵙⴰⵡⴰⵍⴻⵏ ⵖⴻⴼ ⵓⵄⴼⴰⵙ ⵏ ⵎⴻⵕⵕⵓⴽ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵓⵔ ⵣⵎⵉⵔⴻⵏ ⴰⴷ ⵜⵜⵡⴰⵏⴻⴽⵕⴻⵏ ».

ⴰⵕⴰⴱⵓⵍ-ⴰ ⵏ ⴰⵎⵏⴻⵙⵜⵢ ⵢⴻⵙⵎⴻⴽⵜⴰⵢ-ⴷ ⴷⴰⴽⴽⴻⵏ « ⵎⴻⵏⵡⴰⵍⴰ ⴷⴻⴳ ⵎⴻⴷⴷⴻⵏ ⴰⴷ ⵢⴻⵜⵜⵡⴰⵄⴻⵜⵜⴻⴱ: ⵙⴻⴳ ⵢⵉⵎⴻⵙⴱⴰⵏⵉⵢⴻⵏ ⵖⴻⵔ ⵢⵉⵎⴻⵖⵏⴰⵙⴻⵏ ⵉⵙⴻⵔⵜⵉⵢⴻⵏ, ⵉⵏⴻⵍⵎⴰⴷⴻⵏ ⵏⴻⵖ ⵉⵎⴷⴰⵏⴻⵏ ⴰⵢⴷⴻⴳ ⵛⵉⴽⴽⴻⵏ ⵜⵜⴻⴽⴽⴰⵏ ⴷⴻⴳ ⵔⵔⴻⴱⵔⴰⴱ ⵏⴻⵖ ⴷⴻⴳ ⵜⴻⵊⵔⵉⵎⵉⵏ ⵏ ⵍⵇⴰⵏⵓⵏ ⵏ ⵎⴻⵏⵡⴰⵍⴰ ».

ⴰⵕⴰⴱⵓⵍ-ⴰ ⵢⴻⵙⵙⵓⴽⴽ-ⴷ ⵜⵉⵟ ⵖⴻⴼ 173 ⵏ ⵍⵉⵃⴰⵍⴰⵜ ⵏ ⵓⵄⴻⵜⵜⴻⴱ ⴰⵢ ⴷ-ⵢⴻⵍⵍⴰⵏ ⴳⴰⵔ 2010 ⴷ 2014, ⵢⴻⵔⵏⴰ ⵢⴻⴱⴷⴻⵔ-ⴷ ⴰⵢⴻⵏ ⴷ-ⵏⵏⴰⵏ ⵙⵉⵏ ⵏ ⵢⵉⵎⴻⵕⵕⵓⴽⵉⵢⴻⵏ ⴰⵢ ⵢⴻⵜⵜⵡⴰⵄⴻⵜⵜⴱⴻⵏ, ⴳⴰⵔ-ⴰⵙⴻⵏ ⵢⵉⵡⴻⵏ ⴷ ⴰⵇⴻⴱⵟⴰⵏ ⵏ ⵢⵉⴳⴻⵏ ⵏ ⵢⵉⴳⴻⵏⵏⵉ ⴰⵎⴻⵕⵕⵓⴽⵉ, ⵃⴻⴽⵎⴻⵏ-ⴰⵙ ⵙ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴷ ⵓⵣⴳⴻⵏ ⵏ ⵍⵃⴻⴱⵙ ⵢⴻⵔⵏⴰ ⵢⴻⵜⵜⵡⴰⵃⴱⴻⵙ ⴱⴻⵕⵕⴰ ⵉ ⵍⵇⴰⵏⵓⵏ 30 ⵏ ⵡⴰⵢⵢⵓⵔⴻⵏ ⵙⴷⴻⴼⴼⵉⵔ ⵎⴰ ⵢⴻⴽⵛⴻⴼ-ⴷ ⵉ ⵓⵖⵎⵉⵙ ⵏ ⵍⴻ ⵎⵧⵏⴷⴻ ⴰⴳⴳⵓⴼⵙⵓ (ⵜⵉⵊⵓⵄⴰⵍ) ⴰⵢ ⵉⵛⴰⵄⴻⵏ ⴷⴻⴳ ⵢⵉⴳⴻⵏ ⴰⵎⴻⵕⵕⵓⴽⵉ.

ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵜⴻⴱⴷⴻⵔ-ⴷ ⴷⴰⵖ ⵍⵉⵃⴰⵍⴰ ⵏ ⵢⵉⵡⴻⵏ ⵏ ⵓⵍⵖⵓⵖ ⵏ ⵓⵎⴰⴹⴰⵍ ⴰⵇⴱⵓⵔ ⵏ ⵜⵍⴻⴳⴳⵉⵎⵜ ⵜⴰⵜⴰⵢⵍⴰⵏⴷⵉⵜ, ⵣⴰⴽⴰⵔⵉⴰ ⵎⵧⵓⵎⵏⵉ, ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2010 ⴷⴻⴳ ⵎⴻⵕⵕⵓⴽ ⵢⴻⵔⵏⴰ ⵢⴻⵜⵜⵡⴰⵄⴻⵜⵜⴻⴱ ⴰⵛⵃⴰⵍ ⵏ ⵡⵓⵙⵙⴰⵏ, ⵓⵇⴱⴻⵍ ⵎⴰ ⵢⴻⵜⵜⵡⴰⵃⴱⴻⵙ 18 ⵏ ⵡⴰⵢⵢⵓⵔⴻⵏ.

ⴰⵕⴰⴱⵓⵍ-ⴰ ⵏ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵢⵓⵙⴰ-ⴷ ⴷⴻⴳ ⵜⴻⵙⵡⵉⵄⵜ ⴰⵢⴷⴻⴳ ⴽⵔⴰⵏ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⵏ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏⵏⴰⵏⵜ-ⴷ ⴷⴰⴽⴽⴻⵏ « ⵢⴻⵛⵖⴻⴱ-ⵉⵜⴻⵏⵜ ⵓⵎⵜⴰⵡⴰ-ⴰ ⵏ ⵓⵎⵄⴰⵡⴻⵏ ⴷⴻⴳ ⵜⴻⵖⴷⴻⵎⵜ » ⴳⴰⵔ ⴼⵕⴰⵏⵙⴰ ⴷ ⵎⴻⵕⵕⵓⴽ ⴰⵛⴽⵓ ⴰⵢⴰ « ⴰⴷ ⵢⴻⴹⵎⴻⵏ ⵉ ⵙ ⴽⵔⴰ ⵏ ⵓⵎⴻⵕⵕⵓⴽⵉ ⴰⵢ ⵢⴻⴼⴼⵖⴻⵏ ⵜⵓⴼⴼⵖⴰ ⵜⵓⴼⴹⵉⵃⵜ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵓⵔ ⵢⴻⵜⵜⵡⴰⵄⴰⵇⴰⴱ ⴰⵔⴰ ».