Asebter amenzawi

Libya: tigrawin timsellḥin gant tijrimin n ṭṭrad (Iɣlanen Yeddukklen)

ṬRABLES – Iɣlanen Yeddukklen ttehmen ass n ljemɛa tigrawin timsellḥin deg Libya s uxḍaf d uɛetteb n yiɣermanen ɣef ljal n laṣel-nsen neɣ ṛṛay-nsen, yerna nnan-d Yiɣlanen Yeddukklen dakken tiɣawsiwin am ti d « tijrimin n ṭṭrad », ɣef leḥsab n yiwen n ulɣu.

« Tuḍḍfiwin n yimeṛhan, aɛetteb d tmenɣiwt d tijrimin n ṭṭrad. Wid ay yettgen, ttakfen lameṛ neɣ ur ḥebbsen ara tijrimin am ti mi ara ilin deg udabu ttwaḥesben d imasayen yerna uklalen aɛaqeb ula deg Uxxam n ccṛeɛ agraɣlan n uɛaqeb », ɣef wakken ay d-tɛeyyen Tuɣdaḍt n uɛawen n Yiɣlanen Yeddukklen deg Libya (Manul) deg yiwen n ulɣu.

Ɣef leḥsab n Tuɣdaḍt-a, kra n tegrawin timsellḥin ay ixeddmen deg Libya xeḍfent yerna ɛettbent iɣermanen, gar-asen ula d wid imeẓyanen, ɣef ljal n laṣel-nsen, ṛṛay-nsen, tiwaculin-nsen neɣ ɣef ssebba tasertit.

Ɣef leḥsab n ulɣu-nni n Yiɣlanen Yeddukklen, « imdanen ay yettwaxeḍfen, s umata, ttwaɛettaben yerna sseqacen yid-sen iɣil, am wakken aṭas seg-sen ur tent-ttajjan ara ad sɛun anermis d twaculin-nsen. Kra seg-sen mmuten mi ttwaḥebsen, yerna ahat ad ilin ttwenɣen war ma ɛeddan deg ccṛeɛ neɣ ttwaɛettben armi ay mmuten ».

Deg Libya, Axxam n ccṛeɛ agraɣlan n uɛaqeb yelha-d, taswiɛt-a, s wid yettekkan d deg tejrimin n usnaraf aqbur Maamar El Gueddafi, ay yettwakksen seg udabu deg 2011.

Iɣalen Yeddukklen la xeddmen ccɣel n ubdammas deg tmurt-a, yerna la d-ssewjaden i tikkelt tis kuẓet (4) asenfar n umtawa ara yefrun taluft-a, imi isenfaren yezrin ur msefhamen ara fell-asen akk wid ay yemxaṣamen deg Libya.