ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴰⵏ ⵏ ⵜⵉⵙⵙⵉⵜ: 10 ⵏ ⵜⴻⵖⵙⴰⵔ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴷⴻⴳ ⵓⵏⵥⵓⵍ ⴰⵎⴻⵇⵔⴰⵏ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵎⵔⴰⵡ (10) ⵏ ⵜⴻⵖⵙⴰⵔ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴰⵔⴰ ⵢⴻⴱⴷⵓⵏ ⴰⵅⴻⴷⴷⵉⵎ ⴷⴻⴳ ⵓⵏⵥⵓⵍ ⴰⵎⴻⵇⵔⴰⵏ ⵏ ⵜⵎⵓⵔⵜ ⴷⴻⴳ ⴰⴽⴽⴻⵏ ⴰⴷ ⵙⵙⴻⵍⵀⵓⵏ ⵜⴰⵖⴰⵔⴰ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵏ ⵜⵖⴻⵎⵙⴰ ⵏ ⵍⴷⵣⴰⵢⴻⵔ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ ⵏ ⵡⴰⵎⴰⵏ (ⴰⴷⴻ), ⴰⴱⴷⴻⵏⵏⵧⵓⵔ ⴰⵉⵜ ⵎⴰⵏⵙⵧⵓⵔ.

ⵙⴻⴳ ⵓⵊⴻⵎⵎⴰⵍ ⵏ 15 ⵏ ⵜⴻⵖⵙⴰⵔ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴰⵢ ⵢⴻⵙⵙⴻⴼⵔⴰ ⵓⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴰⴷ ⵜⴻⵏⵜ-ⵢⴻⴱⵏⵓ ⵙ ⵓⵙⵙⴻⴼⵜⵉ ⵏ 18 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, 10 ⴱⴷⴰⵏⵜ ⵢⴰⴳⵉ ⴰⵅⴻⴷⴷⵉⵎ.

ⴰⵎⴰⵏ ⵏ ⵓⵏⵥⵓⵍ ⵚⴻⵍⵃⴻⵏ ⵉ ⵜⵉⵙⵙⵉⵜ, ⵎⴰⵛⴰ ⵙⵄⴰⵏ ⴰⵟⴰⵙ ⵏ ⵢⵉⵣⴰⵔⴰⵜⴻⵏ ⵏ ⵡⴰⴽⴰⵍ ⴰⵢ ⵉⵄⴻⴷⴷⴰⵏ ⵉ ⵍⵎⵉⵣⴰⵏ-ⵏⵏⵉ ⴰⵢ ⵢⴻⵜⵜⵡⴰⵇⴱⴰⵍⴻⵏ, ⴷⵖⴰ ⵖⴻⴼ ⵡⴰⵢⴰ ⴰⵢ ⵜⵜⵉⵍⵉⵏ ⴷ ⵉⵎⴰⵥⴰⵢⴻⵏ ⵢⴻⵔⵏⴰ ⵓⵔ ⵓⵍⴰⵛ ⴷⴻⴳ-ⵙⴻⵏ ⵜⵉⴽⵓⴼⴼⵜⴰ.

« ⵜⵓⵖⴷⴰⴹⵜ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ ⵏ ⵡⴰⵎⴰⵏ ⵏⴻⵜⵜⴰⵜ ⴷ ⴰⵙⵙⴻⵏⵇⴻⵙ ⵏ ⵢⵉⵣⴰⵔⴰⵜⴻⵏ ⴷⴻⴳ ⵡⴰⵎⴰⵏ-ⴰ ⴰⴽⴽⴻⵏ ⴰⴷ ⵙⵄⵓⵏ ⵜⴰⵙⵎⴻⴽⵜⴰ ⴰⵢ ⵙⵄⴰⵏ ⵡⴰⵎⴰⵏ ⵏ ⵜⵇⴻⵔⵄⵓⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⵙ ⵡⴰⵢⴰ, ⵜⴻⴱⴷⴰ ⵢⵉⵡⴻⵜ ⵏ ⵜⴻⵖⵙⴻⵔⵜ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴰⵅⴻⴷⴷⵉⵎ ⴷⴻⴳ ⵜⵓⴳⴳⵓⵔⵜ ⵢⴻⵔⵏⴰ ⵜⴻⵙⵄⴰ ⵜⴰⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵏ 34.500 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⴷⴻⴳ ⵡⴰⵙⵙ.

ⵜⴰⵖⵙⴻⵔⵜ-ⴰ ⵢⴻⴱⵏⴰ-ⵜⵜ ⵢⵉⵡⴻⵏ ⵏ ⵓⵙⵙⴻⴳⵔⴻⵡ ⵏ ⵜⴽⴻⴱⴱⴰⵏⵉⵢⵉⵏ ⵏ ⵍⴷⵣⴰⵢⴻⵔ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⵜⴼⴻⵔⵔⴻⵇ ⴰⵎⴰⵏ ⵉ ⵡⴰⴽⴽ ⵜⴰⵎⴷⵉⵏⵜ ⵏ ⵜⵓⴳⴳⵓⵔⵜ ⴷ ⵜⴻⵎⴷⵉⵏⵉⵏ ⴰⵢ ⴷ-ⵉⵇⴻⵔⴱⴻⵏ ⵖⴻⵔ-ⵙ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴱⴷⴰⵏ-ⴷ ⴷⴰⵖ ⵢⵉⵅⴻⴷⴷⵉⵎⴻⵏ ⵏ ⵓⵚⴻⴳⴳⴻⵎ ⵏ ⵓⵥⴻⴹⴹⴰ ⵏ ⵓⴼⵔⴰⵇ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵜⴻⵎⴷⵉⵏⵜ-ⴰ.

ⵜⴰⵎⴰ ⵏ ⵡⴰⵔⴻⴳⵍⴰ ⵜⴻⵙⴼⴰⵢⴷⵉ-ⴷ ⴷⴰⵖ ⵙⴻⴳ 9 ⵏ ⵜⴻⵖⵙⴰⵔ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴰⵢ ⴷ-ⵢⴻⵜⵜⴰⵙⴻⵏ ⵙⴻⴳ 9 ⵏ ⵍⴻⴱⵢⵓⵔ ⵢⴻⵔⵏⴰ ⵜⴼⴻⵔⵔⴻⵇ ⴰⵎⴰⵏ ⵉ ⵜⵎⵉⵡⴰ ⵢⴻⵎⴳⴻⵔⵔⴰⴷⴻⵏ ⵏ ⵜⴻⵎⴷⵉⵏⵜ-ⴰ.

ⵜⵉⵖⵙⴰⵔ-ⴰ, ⵙ ⵓⵊⴻⵎⵎⴰⵍ, ⵣⴻⵎⵔⴻⵏⵜ ⴰⴷ ⵙⵙⵉⵣⴻⴷⴳⴻⵏⵜ 510.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⴷⴻⴳ ⵡⴰⵙⵙ: « ⴰⵢⴰ ⴰⴷ ⴷ-ⵉⵇⴰⵎ ⵙ ⵍⵉⵜⵜⴻⵄ ⵉⵎⴻⵣⴷⴰⵖⴻⵏ ⵏ ⵜⵎⵉⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵉⵜ ⵎⴰⵏⵙⵧⵓⵔ.

ⵜⵉⵏⴷⵓⴼ ⴰⴷ ⵜⴻⵙⵄⵓ ⵓⵍⴰ ⴷ ⵏⴻⵜⵜⴰⵜ ⵜⴰⵖⵙⴻⵔⵜ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⴰⵔⴰ ⵢⴻⵙⵄⵓⵏ ⵜⴰⵣⵎⴻⵔⵜ ⵏ 10.500 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ, ⵙⴰⴽⴽⵉⵏ ⴰⴷ ⵜⴰⵡⴻⴹ ⵖⴻⵔ 15.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ. ⵜⴰⵖⵙⴻⵔⵜ-ⴰ ⴰⴷ ⵜⴻⴱⴷⵓ ⴰⵅⴻⴷⴷⵉⵎ ⴷⴻⴳ ⵔⴻⵎⴹⴰⵏ ⴰⴽⴽⴻⵏ ⴰⴷ ⵜⴻⴼⵔⴻⵇ ⴰⵎⴰⵏ ⵉ ⵡⴰⵣⴰⵍ ⵏ 60.000 ⵏ ⵢⵉⵎⴻⵣⴷⴰⵖⴻⵏ.

ⵉⵎⴻⵣⴷⴰⵖⴻⵏ ⵏ ⵜⵡⵉⵍⴰⵢⵜ ⵏ ⵉⵍⵍⵉⵣⵉ ⴰⴷ ⵙⵄⵓⵏ ⵓⵍⴰ ⴷ ⴰⴷ ⵙⵄⵓⵏ ⵜⴰⵖⵙⴻⵔⵜ ⵉ ⵓⵙⵙⴻⵏⵇⴻⵙ ⵏ ⵡⵓⵣⵣⴰⵍ ⴷⴻⴳ ⵡⴰⵍⴰⵏ-ⵏⵙⴻⵏ, ⴷⵖⴰ ⵖⴻⴼ ⵡⴰⵢⴰ ⴰⵢ ⴰⵙ-ⵙⴻⵎⵎⴰⵏ « ⵜⴰⵖⵙⴻⵔⵜ ⵏ ⵜⵓⴽⴽⵙⴰ ⵏ ⵡⵓⵣⵣⴰⵍ ».

ⵜⴰⵖⵙⴻⵔⵜ-ⴰ ⴷ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵏ ⵍⴻⴱⵏⵉ ⴰⵔⴰ ⵜⵜ-ⵉⴼⴰⴽⴻⵏ ⵓⵇⴱⴻⵍ ⵜⴳⴰⵔⴰ ⵏ 2015 ⵢⴻⵔⵏⴰ ⴰⴷ ⵜⴻⵣⵎⴻⵔ ⴰⴷ ⵜⴻⵜⵜⵙⴻⴽⴽⵉⵔ 10.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵏⴻⵏ ⵏ ⵡⴰⵎⴰⵏ ⴷⴻⴳ ⵡⴰⵙⵙ ⴰⵔⴰ ⵢⴻⵜⵜⵡⴰⴼⴻⵔⵇⴻⵏ ⵖⴻⴼ 17.000 ⵏ ⵢⵉⵎⴻⵣⴷⴰⵖⴻⵏ ⴷⴻⴳ ⵜⴻⵎⴷⵉⵏⵜ ⵏ ⵉⵍⵍⵉⵣⵉ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴰⵉⵜ ⵎⴰⵏⵙⵧⵓⵔ.

ⵜⴰⵖⵙⴻⵔⵜ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⵏ ⵉⵏ ⵚⴰⵍⴻⵃ ⵜⴻⴱⴷⴰ ⴰⵅⴻⴷⴷⵉⵎ ⵙⴻⴳ ⵎⴻⵍⵎⵉ ⴽⴰⵏ, ⵢⴻⵔⵏⴰ ⴰⴷ ⵜⴻⵇⵇⴻⵍ ⴰⴷ ⵜⴻⵙⵙⵉⵥⵉⴷ ⴰⴽⴽ ⴰⵎⴰⵏ ⴰⵢ ⴷ-ⵢⴻⵜⵜⴻⴽⴽⴻⵏ ⵖⴻⴼ ⵢⵉⵇⵓⴷⴰⵙ ⵏ ⵉⵏ-ⵚⴰⵍⴻⵃ-ⵜⴰⵎⴻⵏⵖⴻⵙⵜ (750 ⵏ ⵢⵉⴽⵉⵍⵓⵎⵉⵜⵔⴻⵏ).

ⵜⴰⵖⵙⴻⵔⵜ-ⴰ ⵜⴰⵎⴻⵇⵔⴰⵏⵜ ⵜⴻⵙⵄⴰ ⵜⴰⵣⵎⴻⵔⵜ ⵏ 50.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ ⵢⴻⵔⵏⴰ ⴰⴷ ⵜⴻⴱⴷⵓ ⴰⵅⴻⴷⴷⵉⵎ ⵛⵡⵉⵟ, ⵛⵡⵉⵟ ⵙⴻⴳ-ⴰ ⵖⴻⵔ 2016. ⵜⴰⵣⵎⴻⵔⵜ-ⵏⵏⴻⵙ, ⴷⴻⴳ ⵜⴰⵣⵡⴰⵔⴰ, ⴰⴷ ⵜⵉⵍⵉ 25.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵜⴰⵖⵙⴻⵔⵜ-ⴰ ⴰⴷ ⵜⴼⴻⵔⵔⴻⵇ ⴰⵎⴰⵏ ⵉ ⵜⴻⵎⴷⵉⵏⵉⵏ ⵏ ⵉⵏ-ⵚⴰⵍⴻⵃ ⴷ ⵜⵎⴻⵏⵖⴻⵙⵜ.

ⴷⴻⴳ ⵓⵏⵥⵓⵍ-ⴰⴳⵎⵓⴹⴰⵏ ⵏ ⵍⴷⵣⴰⵢⴻⵔ, ⴰⵃⵔⵉⵛ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⴱⵏⵓ ⵜⴰⵖⵙⴻⵔⵜ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴷⴻⴳ ⵡⴰⴷ ⵙⵓⴼ.

ⵙ ⵓⵊⴻⵎⵎⴰⵍ, ⴰⵙⵙⴻⴼⵜⵉ ⴰⵢ ⵢⴻⴼⴽⴰ ⵓⵡⴰⵏⴰⴽ ⵉ ⵍⴻⴱⵏⵉ ⵏ ⵜⴻⵖⵙⴰⵔ-ⴰ ⵢⴻⵡⵡⴻⴹ ⵖⴻⵔ 18 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴳⴰⵔ-ⴰⵙⴻⵏ 6,7 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵉⵏ-ⵚⴰⵍⴻⵃ ⴽⴰⵏ.

ⵎⴻⵏⵖⵉⵔ ⵜⵉⵖⵙⴰⵔ-ⴰ ⴰⵢ ⵢⴻⵜⵜⵡⴰⴱⵏⴰⵏ ⴷ ⵜⵉⴷ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ, ⵜⴰⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ ⵏ ⵡⴰⵎⴰⵏ ⵜⵇⴻⴷⴷⴻⵎ-ⴷ ⴷⴰⵖ ⵉⴽⴰⵔⴰⵎⴻⵏ ⵏⵉⴹⴻⵏ ⵉ ⵓⵖⵍⵉⴼ ⵏ ⵜⴻⴷⵔⵉⵎⵜ, ⴳⴰⵔ-ⴰⵙⴻⵏ ⴰⵙⴻⵏⴼⴰⵔ ⵏ ⵢⵉⵡⴻⵜ ⵏ ⵜⴻⵖⵙⴻⵔⵜ ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⴷⴻⴳ ⵓⵎ ⵍⴻⵄⵙⴻⵍ (ⵜⵉⵏⴷⵓⴼ) ⴷ ⵜⴰⵢⴻⴹ ⴷⴻⴳ ⵉⵏ-ⴰⵎⴻⵏⵏⴰⵙ.