Asebter amenzawi

Tella « tzarazt iwatan » ger Lezzayer d Tunes i ṭṭmana n tlisa yezdin

Lezzayer – Aneɣlaf n tɣawsiwin timaɣribiyin akk d tefriqiyin d lemɛiwna tageraɣlant, Abdelkader Messahel, iwekked-d ass n lḥedd di Lezzayer tamanaɣt, belli tella tzarazt iwatan ger Lezzayer d Tunes i ṭṭmana n tlisa yemmezdin. Ɣer taggara n temlilit d-yellan d umaray uwanek atunsi yettukelfen s tɣawsiwin n waɛṛaben akk d tefriqt, Touhami Abdouli, M. Messahel yenna-yasen i tɣamsa belli mmeslayen ɣef waddad n laman di temnaḍt, anda d ibeggen belli yella uzaraz amatu ger Lezzayer d Tunes i ṭṭmana n tlisa yemmezdin. Am wakken d-issefhem belli timlilit-agi d tagnitt i webdar «  n liḥala n temnaḍt ladɣa tin tettidir Libya yella d taǧṛett n tmurt-agi n Tunes". "nqeddec akken ad d-nerr talwit ɣer tmurt-agi ukud necrek tagmatt, nesɛa daɣen yiwet n tmuɣli u nettnadi akken ad d-naf tifrat tasertant s telwit mebla cwal i teɣzent-agi tettidir Libya ", ikemmel yenna s umenni n Lezzayer d Tunes yessaramen ad d-yili " wesbeddi unabaḍ ara yezdin n uzdukkel aɣelnaw di Libya di tikelt tamezwarut akken ad d-ters lahna d telwit di tmurt-agi" ddaw laɛnaya n waɣlan yeddukklen.