Asebter amenzawi

Tamɣunt 1 : USM Lezzayer, d alɣuɣ yellan deg waluḍ

LEZZAYER- L'USMA, d talɣuɣt useggas yezrin, ur nessaweḍ ad taf iberdan yettawin ɣr yigmaḍ yelhan, armi tettwaṭṭef ger tid izemmren ad ɣlint ɣr temɣunt tis snat, yerna ḥala snat n temliliyin ay d-yeqqimen. Tfeṛḍ-d fell-as amtawi terbaɛt n Lmuludya n Bgayet (MOB) (1-1) deg wannar n Omar-Hamadi, tarbaɛt n ṣuṣṭaṛa tettidir acḥal aya tura tagnitt takerfuft, is-yesṛuḥen azwel n welɣuɣ, ay terbaḥ deg useggas yezrin asmi tesseḍfeṛ 26 n temliliyin ur texṣir yiwet. S 38 n tneqḍtin, l'USMA tebɛed kan s 3 n tneqḍatin ɣef tin yellan yakan seg tid ara yadren ma qqiment akka, l'ASO Chlef, addad yesḥeyren wid iḥemmlen tarbaɛt-agi n Lezzayer tamanaɣt. Ayen texdem l'USMA di temliliyin n tuɣalin yessewham: snat temliliyin ay terbaḥ , taneggarut d asmi turar d CS Constantine (2-0) ass n 24 fuṛaṛ yezrin.