ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵎⵓⴳⴳⴻⵔ ⴱⵧⵓⵜⴻⴼⵍⵉⴽⴰ ⴰⵖⴻⵍⵍⴰ ⵏ ⵓⵏⴰⴱⴰⴹ ⴰⵜⵓⵏⵙⵉ

ⵍⴻⵣⵣⴰⵢⴻⵔ– ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵎⵓⴳⴳⴻⵔ, ⴰⵙⵙ ⵏ ⵍⵃⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵖⴻⵍⵍⴰ ⵏ ⵓⵏⴰⴱⴰⴹ ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ, ⴷⴻⴳ ⵜⵉⵔⵣⵉ-ⵙ ⵜⵓⵏⵚⵉⴱⵜ ⵖⴻⵔ ⵍⴻⵣⵣⴰⵢⴻⵔ. ⵜⴻⴹⵔⴰ-ⴷ ⵜⴻⵎⵍⵉⵍⵉⵜ ⵙ ⵜⵉⵍⵉⵏ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵏ ⵓⵎⴰⵣⵓⵏ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴰⵖⴻⵍⵍⴰ ⵏ ⵢⵉⴼⴻⵙⵢⴰⵏⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ), ⴰⵊⵉⵏⵉⵔⴰⵍ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ, ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ, ⵏ ⵜⴻⴼⵔⵉⵇⵜ ⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ. ⵎⴰⵙⵙ ⴻⵙⵙⵉⴷ ⵢⴻⴱⴷⴰ, ⴰⵙⵙ ⵏ ⵙⵙⴻⴱⵜ, ⵢⵉⵡⴻⵜ ⵏ ⵜⵉⵔⵣⵉ ⵏ ⵙⵉⵏ ⵡⵓⵙⵙⴰⵏ ⵖⴻⵔ ⵍⴻⵣⵣⴰⵢⴻⵔ ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⵎⵛⵉⵡⴻⵔ ⴰⵙⴻⵔⵜⴰⵏ, ⵢⴻⵡⴹⴻⵏ ⵙ ⴰⵙⵡⵉⵔ ⵓⵏⵏⵉⴳ ⵏ ⵙⵏⴰⵜ ⵜⵎⵓⵔⴰ, ⴷ ⵉⵙⴻⴳⴳⴰⵏⴻⵏ ⴰⵢⴰ. ⵜⵉⵔⵣⵉ-ⴰ ⴷ ⵜⴰⴳⵏⵉⵜ ⴰⵔⴰ ⴼⴰⵔⵚⴻⵏⵜ, ⵙⵏⴰⵜ ⵜⴰⵎⵉⵡⵉⵏ-ⴰ ⴰⴽⴽⴻⵏ ⴰⴷ ⵡⴰⵍⵉⵏ ⵙ ⵜⴻⵍⵇⴻⵢ ⴰⵙⵙⴰⵖⴻⵏ ⵓⵛⵔⵉⴽⴻⵏ ⴷⴻⴳ ⵜⴰⵖⵓⵍⵜ ⵜⴰⵙⴻⵔⵜⴰⵏ, ⵏ ⵜⵖⴻⵍⵍⵉⵙⵜ, ⵜⵎⴻⵜⵜⵓ ⴷ ⵜⴷⴰⵎⵙⴰⵏⵜ ⴰⴽⴽⴻⵏ ⴰⴷ ⵡⴰⵍⵉⵏ ⴰⵙⴻⴽⵜⴰⵣⴰⵍ ⵏ ⵓⵙⵡⵉⵔ ⵏ ⵓⵎⴻⴷⵀⴻⵍ ⴷ ⵡⴰⵏⴷⴰ ⵙⵙⴰⵡⴹⴻⵏ ⵉⵙⴻⵏⴼⴰⵔⴻⵏ ⵓⵛⵔⵉⴽⴻⵏ.