Asebter amenzawi

Yemugger Bouteflika aɣella n unabaḍ atunsi

LEZZAYER– Aselway n Tegduda, Abdelaziz Bouteflika, yemugger, ass n lḥed deg Lezzayer tamanaɣt, aɣella n unabaḍ atunsi, Habib Essid, deg tirzi-s tunṣibt ɣer Lezzayer. Teḍra-d temlilit s tilin n Uneɣlaf amezwaru, Abdelmalek Sellal, n umazun n uneɣlaf n temḥaddit taɣelnawt, Aɣella n yifesyanen n yigen aɣelnaw aɣerfan (ANP), Ajiniral tfekka n yigen, Ahmed Gaid Salah, n uneɣlaf n Tɣawsiwin n beṛṛa, Ramtane Lamamra, d uneɣlaf n tɣawsiwin n tefriqt n ugafa, n tefriqt d umedhel agraɣlan, Abdelkader Messahel. Mass Essid yebda, ass n ssebt, yiwet n tirzi n sin wussan ɣer Lezzayer yersen deg ukatar n umciwer asertan, yewḍen s aswir unnig n snat tmura, d isegganen aya. Tirzi-a d tagnit ara farṣent, snat tamiwin-a akken ad walin s telqey assaɣen ucriken deg taɣult tasertan, n tɣellist, tmettu d tdamsant akken ad walin asektazal n uswir n umedhel d wanda ssawḍen isenfaren ucriken.