ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵜⵜⴰⵏⵜ ⵏ ⴼⵔⴰⵏⵛⵉⵙ ⵊⴰⵛⵧⴱ, ⴷ ⴰⵎⴻⵖⵏⴰⵙ ⵢⴻⵏⵏⵓⵖⴻⵏ ⵖⴻⴼ ⵓⵣⴰⵔⵓⴳ ⵏ ⵍⴷⵣⴰⵢⴻⵔ

ⵍⴻⵣⵣⴰⵢⴻⵔ – ⴰⴽⴻⵔⵡⴰ ⴼⵔⴰⵏⵛⵉⵙ ⵊⴰⵛⵧⴱ, ⵢⴻⵎⵎⵓⵜ ⴷⴻⴳ ⵒⴰⵔⵉⵙ ⵖⴻⵔ 82 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵢⵉⵡⴻⵏ ⵡⴰⴹⴹⴰⵏ ⵖⴻⵣⵣⵉⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵏ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⵓⵣⴻⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ. ⵊⴰⵛⵧⴱ ⴷ ⴰⵎⴻⵖⵏⴰⵙ ⵢⴻⵏⵏⵓⵖⴻⵏ ⵖⴻⴼ ⵢⵉⵣⴻⵔⴼⴰⵏ ⴷ ⵜⵍⴻⵍⵍⵉ, ⵢⴻⴼⴽⴰ-ⴷ ⴰⴽⴽ ⵜⵉⵣⴻⵎⵎⴰⵔ-ⵏⵏⴻⵙ ⴰⴽⴽⴻⵏ ⴰⴷ ⵜⴰⵡⵉ ⵍⴷⵣⴰⵢⴻⵔ ⴰⵣⴰⵔⵓⴳ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵏⵏⵓⵖ ⴷⴰⵖ ⵖⴻⴼ ⵢⵉⵣⴻⵔⴼⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ.

ⴰⵙⵎⵉ ⴰⵢ ⵢⴻⵍⵍⴰ ⵎⴻⵥⵥⵉⵢ, ⴰⴽⴻⵔⵡⴰ ⵊⴰⵛⵧⴱ ⵢⵓⴷⴻⴼ ⵉⵎⴻⵏⵖⵉ ⵖⴻⴼ ⵓⵣⴰⵔⵓⴳ ⵏ ⵍⴷⵣⴰⵢⴻⵔ ⵙⴻⴳ ⵡⵓⵍ ⴷ ⵍⵇⴰⵏⴰⵄⴰ. ⴷⵖⴰⵣ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵜⵜⴻⴽⴽⴰ ⴷⴻⴳ ⵓⵎⴰⵣⴷⴰⵢ ⵏ ⵢⵉⴱⵓⴳⴰⵟⵓⵜⴻⵏ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ (ⴼⵍⵏ).

ⴼⵔⴰⵏⵛⵉⵙ ⵊⴰⵛⵧⴱ ⵢⴻⵍⵍⴰ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵏ ⵓⵎⴰⴹⴰⵍ ⵡⵉⵙ ⴽⵔⴰⴹ ⵢⴻⵔⵏⴰ ⴷ ⴰⵥⵔⴰⴳⵔⴰⵖⵍⴰⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⴻⴽⴽⴰ ⴷⴻⴳ ⵡⴰⴽⴽ ⵉⵎⴻⵏⵖⵉⵢⴻⵏ ⵏ ⵜⴰⵍⵍⵉⵜ-ⵏⵏⴻⵙ: ⵎⴳⴰⵍ ⵟⵟⵔⴰⴷ ⵏ ⵠⵉⴻⵜⵏⴰⵎ, ⵉ ⵓⵙⵙⴻⵔⴱⴻⵃ ⵏ ⵜⴻⴳⵔⴰⵡⵍⴰ ⵏ ⴽⵓⴱⴰ, ⵢⴻⵔⵏⴰ ⵢⴻⵏⵏⵓⵖ ⵙ ⵓⵄⴻⵡⵡⴻⵍ ⵎⴳⴰⵍ ⵓⵙⵙⴻⵀⵔⴻⵙ ⴷⴻⴳ ⵍⴷⵣⴰⵢⴻⵔ ⵉ ⵍⵎⴻⵏⴷ ⵏ ⵓⵣⴰⵔⵓⴳ ⵏ ⵓⵖⵔⴻⴼ ⴰⴷⵣⴰⵢⵔⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵊⴰⵛⵧⴱ ⵢⴻⵏⵏⵓⵖ ⴰⵔⵎⵉ ⴷ ⵓⵙⵙⴰⵏ-ⵏⵏⴻⵙ ⵉⵏⴻⴳⴳⵓⵔⴰ ⵖⴻⵔ ⵢⵉⴷⵉⵙ ⵏ ⵢⵉⵚⴻⵃⵔⴰⵡⵉⵢⴻⵏ ⵉ ⵍⵎⴻⵏⴷ ⵏ ⵜⴻⵎⵙⴰⵍⵜ-ⵏⵙⴻⵏ ⵜⵓⵣⵔⵉⴼⵜ ⴰⴽⴽⴻⵏ ⴰⴷ ⴰⵡⵉⵏ ⴰⵣⵔⴻⴼ-ⵏⵙⴻⵏ ⴰⴷ ⵜⵜ-ⵉⴷ-ⴼⵔⵓⵏ ⵖⴻⴼ ⵓⵣⴻⴽⴽⴰ-ⵏⵙⴻⵏ ⵢⴻⵔⵏⴰ ⴰⴷ ⴷⴷⵔⴻⵏ ⴷ ⵉⵍⴻⵍⵍⵉⵢⴻⵏ, ⴷ ⵉⵎⵣⵉⵔⴳⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⴹⵔⵉⵙ-ⴰ.

ⴰⴱⵓⴳⴰⵟⵓ ⴼⵔⴰⴱⵛⵉⵙ ⵊⴰⵛⵧⴱ ⴰⵢ ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⵉⵎⴹⴻⴱⴱⵔⴻⵏ ⵏ ⵜⴻⵎⵖⵓⵏⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵍⴷⵀ), ⵢⴻⵍⵍⴰ-ⴷ ⴷⴰⵖ ⴷ ⴰⵙⴻⵍⵡⴰⵢ ⴰⵎⴻⵣⵡⴰⵔⵓ ⵏ ⵓⵏⵎⴰⵍⵓ ⵏ ⵢⵉⴱⵓⴳⴰⵟⵓⵜⴻⵏ ⵏ ⴼⵕⴰⵏⵙⴰ (ⵙⴰⴼ).

« ⵙ ⵍⵊⴻⵀⴷ ⵏ ⵢⵉⵎⴻⵏⵖⵉⵢⴻⵏ-ⵏⵏⴻⵙ, ⵢⴻⵙⵎⴻⴽⵜⵉ-ⴰⵖ-ⴷ ⴷⴰⴽⴽⴻⵏ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⵉⵍⵉ ⵜⵎⴻⵜⵜⵉ ⵜⴰⵎⴻⴳⴷⴰⵢⵜ ⵎⴰ ⵢⴻⵍⵍⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵉⵎⴻⵏⵖⵉ ⵢⴻⵜⵜⴽⴻⵎⵎⵉⵍⴻⵏ ⵖⴻⴼ ⵜⵍⴻⵍⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵙⴻⵍⵡⴰⵢ ⵏ ⵓⵏⵎⴰⵍⵓ ⵏ ⵢⵉⴱⵓⴳⴰⵟⵓⵜⴻⵏ ⵏ ⴼⵕⴰⵏⵙⴰ, ⴼⵍⵧⵔⵉⴰⵏ ⴱⵧⵔⴳ ⵢⴻⵔⵏⴰ ⴱⴻⴷⵔⴻⵏ-ⵜ-ⵉⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⴰⵙⴻⵍⵡⴰⵢ ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵏ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⵔⵔⴰⵏ-ⴰⵙ ⵜⴰⵊⵎⵉⵍⵜ ⵉ ⵜⵉⴽⵍⵉ-ⵏⵏⴻⵙ ⵜⴰⵇⴻⵄⴷⴰⵏⵜ, ⴰⵅⴻⴷⴷⵉⵎ-ⵏⵏⴻⵙ ⵉ ⵓⵄⴰⵡⴻⵏ ⵏ ⵡⵉⵢⴰⴹ ⴷ ⵓⵖⵏⴰⵙ-ⵏⵏⴻⵙ ⴰⵢ ⵢⴻⵙⵙⴰⵡⴰⴹⴻⵏ ⵙ ⵉⵙⵡⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⵏⵏⵉ.

ⵍⵊⴰⵏⴰⵣⴰ ⵏ ⴼⵔⴰⵏⵛⵉⵙ ⵊⴰⵛⵧⴱ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⵊⴻⵎⵄⴰ 22 ⵎⴰⵢⵓ ⴷⴻⴳ ⵜⵏⴻⵔⵖⵓⵜ ⵏ ⵒèⵔⴻ-ⵍⴰⵛⵀⴰⵉⵙⴻ ⴷⴻⴳ ⵒⴰⵔⵉⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⴼⵔⴰⵏⵛⵉⵙ ⵊⴰⵛⵧⴱ ⵉⵍⵓⵍ ⴷⴻⴳ ⵙⵜⵔⴰⵙⴱⵧⵓⵔⴳ ⴰⵙⵙ ⵏ 17 Ɣⵓⵛⵜ 1930. ⵢⴻⵅⴷⴻⵎ ⴷ ⴰⴱⵓⴳⴰⵟⵓ ⴷⴻⴳ ⵒⴰⵔⵉⵙ ⵙⴻⴳ 1964 ⵖⴻⵔ 2002, ⵢⴻⵔⵏⴰ ⵢⴻⵜⵜⴻⴽⴽⴰ ⴷⴰⵖ ⴷⴻⴳ ⵓⴽⴰⴱⴰⵔ ⴰⵙⴷⵓⴽⵍⴰⵏ ⴰⴼⵕⴻⵏⵙⵉⵙ. ⵊⴰⵛⵧⴱ ⵢⴻⵍⵍⴰ ⴷ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵉ ⵜⵓⴳⴷⵓⵜ ⴷⴻⴳ ⵒⴰⵔⴰⴳⵓⴰⵢ ⴳⴰⵔ 1985 ⴷ 1995 ⵢⴻⵔⵏⴰ ⴷ ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵏ ⵢⵉⵎⴻⴷⴷⵓⴽⴰⵍ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵏⵎⴰⵍⵓ ⵏ ⵢⵉⴱⵓⴳⴰⵟⵓⵜⴻⵏ ⵏ ⴼⵕⴰⵏⵙⴰ.