ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵎⵡⴰⵊ ⵏ ⵕⵕⴰⴷⵢⵓ ⵜⵜⴰⵡⴹⴻⵏⵜ ⵖⴻⵔ 77% ⵙⴻⴳ ⵡⴰⴽⴰⵍ ⵏ ⵜⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ, ⴳⴰⵔ-ⴰⵙⴻⵏⵜ 23% ⴷⴻⴳ ⵜⴻⵎⵏⴰⴹⵉⵏ ⵉⴷⴻⵔⴳⴻⵏ

ⴱⵓⵎⴻⵔⴷⴰⵙ – ⵍⴻⵎⵡⴰⵊ ⵏ ⵕⵕⴰⴷⵢⵓ ⴷⴻⴳ ⴱⵓⵎⴻⵔⴷⴰⵙ ⵜⵜⴰⵡⴹⴻⵏ ⵖⴻⵔ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵎⵉ ⴰⵔⴰ ⵏⵇⴰⵔⴻⵏ ⵜⴰⵡⵉⵍⴰⵜ-ⴰ ⵖⴻⵔ ⵜⵉⵢⴰⴹ, ⵢⴻⵔⵏⴰ ⵃⵓⵣⴰⵏⵜ-ⴷ 77% ⵙⴻⴳ ⵡⴰⴽⴰⵍ ⵏ ⴱⵓⵎⴻⵔⴷⴰⵙ, ⴳⴰⵔ-ⴰⵙⴻⵏ 23% ⴷⴻⴳ ⵜⴻⵎⵏⴰⴹⵉⵏ ⵉⴷⴻⵔⴳⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵏ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ.

« ⴰⴼⵎⵉⴹⵉ ⵏ ⵜⵏⴻⵣⵡⵉⵜ, ⴷⴻⴳ ⴱⵓⵎⴻⵔⴷⴰⵙ, ⴰⴷ ⵢⴰⵡⴻⴹ ⵖⴻⵔ 95% ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2016, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⴷⴻⴳ ⵡⴰⴽⴽ ⴰⵙⵓⵏⴻⵏ ⵢⴻⵜⵜⵡⴰⵣⴻⴷⵖⴻⵏ ⵏ ⵜⵎⵓⵔⵜ, ⴰⴽⴽⴻⵏ ⴰⴷ ⵇⴻⴹⵄⴻⵏ ⴰⵙⵡⵉⵔ ⴰⴳⵔⴰⵖⵍⴰⵏ ⴷⴻⴳ ⵜⴻⵎⵙⴰⵍⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴷⴻⴳ ⵜⵡⵉⵍⴰⵢⵜ-ⴰ.

ⵎⴰⵙⵙ ⴳⵔⵉⵏⴻ ⵢⴻⵙⵙⴰⵡⴻⵍ-ⴷ ⵙⵔⵉⴷ ⴷⴻⴳ ⵕⵕⴰⴷⵢⵓ ⵜⴰⵎⵏⴰⴹⴰⵏⵜ ⵏ ⴱⵓⵎⴻⵔⴷⴰⵙ, ⵢⴻⵔⵏⴰ ⵉⵅⴻⴱⴱⴻⵔ-ⴷ ⴷⴰⴽⴽⴻⵏ « ⵙⴻⴳ 2014, ⵢⴻⴱⴷⴰ-ⴷ ⵓⵅⴻⴷⴷⵉⵎ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵍⴻⵎⵡⴰⵊ ⵖⴻⵔ ⵡⴰⵙⵓⵏⵓⵏ ⵉⴷⴻⵔⴳⴻⵏ ⴰⵢ ⵉⴹⵓⵔⵔⴻⵏ ⵜⴰⵏⴻⵣⵡⵉⵜ ⵏ ⵕⵕⴰⴷⵢⵓ ⴷ ⵜⵍⵉⵥⵔⵉ ⴷⴻⴳ ⵜⵎⵓⵔⵜ ».

ⵜⴰⵙⵓⴷⴷⴻⵙⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵉⵙⵡⵉ-ⵏⵏⴻⵙ ⴷ « ⴰⵙⵎⴰⵜⵓ ⵏ ⵓⵙⵙⴻⵇⴷⴻⵛ ⵏ ⵡⴰⵢⴻⵏ ⵓⵎⵉ ⵇⵇⴰⵔⴻⵏ ⵔⴰⴷⵉⵧ ⴷⵉⴼⴼⵓⵙⵉⵧⵏ ⵙⵢⵙⵜⴻⵎ (ⵔⴷⵙ) ⵙⴻⴳ-ⴰ ⵖⴻⵔ 2017 », ⵢⴻⵔⵏⴰ ⴰⵏⴰⴳⵔⴰⵡ-ⴰ ⴰⴷ ⵢⴻⵊⵊ ⵎⴻⴷⴷⴻⵏ ⴰⴷ ⴷ-ⵜⵜⴰⴹⴹⴰⴼⴻⵏ ⵙ ⵓⴳⴻⵏⵙⴰ ⵜⵉⵔⴻⴳⵡⴰ ⵏ ⵕⵕⴰⴷⵢⵓ ⴷ ⵜⵍⵉⵥⵔⵉ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵜⵜⴰⴹⴹⴰⴼⴻⵏ ⵉⵏⵜⴻⵔⵏⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ.

ⵙⴻⴳ ⵢⵉⴷⵉⵙ ⵏⵉⵒⴷⴻⵏ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ, ⴰⵔ ⴰⵙⵙ-ⴰ, ⵜⵜⵡⴰⴼⴻⵔⵇⴻⵏⵜ 2600 ⵏ ⵜⴽⴰⵔⴹⵉⵡⵉⵏ ⵏ ⵢⵉⵏⴻⵖⵎⴰⵙⴻⵏ ⵓⵄⴹⵉⵍⴻⵏ ⴷⴻⴳ ⵓⴽⴰⵜⴰⵔ ⵏ ⵓⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵓⵃⵔⵉⵛ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⵙⴻⵇⵇⴰⵎⵓⵜ ⵜⵓⵄⴹⵉⵍⵜ ⴰⵢ ⵉⴼⴻⵔⵔⵇⴻⵏ ⵜⵉⴽⴰⵔⴹⵉⵡⵉⵏ-ⴰ ⵢⴻⵙⵙⴻⴼⴽ ⴰⴷ ⵜⴻⴼⵔⴻⵇ ⴳⴰⵔ 3000 ⴷ 3500 ⵏ ⵜⴽⴰⵔⴹⵉⵡⵉⵏ ⵓⵇⴱⴻⵍ « ⵎⴰ ⵍⵍⴰⵏⵜ-ⴷ ⵜⴻⴼⵔⴰⵏⵉⵏ ». ⵎⴰⵙⵙ ⴳⵔⵉⵏⴻ ⵉⴳⴻⵔ-ⴷ ⵜⵉⵖⵔⵉ, ⴷⴻⴳ ⵜⴻⴳⵏⵉⵜ-ⴰ, ⵉ ⵢⵉⵏⴻⵖⵎⴰⵙⴻⵏ ⴰⴽⴽⴻⵏ « ⴰⴷ ⵙⵙⵓⴷⴷⵙⴻⵏ ⵉⵎⴰⵏ-ⵏⵙⴻⵏ ⵎⵍⵉⵃ » ⴷⴻⴳ « ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵉⵊⴻⵀⴷⴻⵏ » ⵏⴻⵖ « ⴰⵏⵎⴰⵍⵓ ⴰⵎⵙⴰⴷⵓⵔ » ⴰⵔⴰ ⵢⵉⵍⵉⵏ « ⴷ ⵜⵜⴰⵡⵉⵍ ⵏ ⵜⴻⵖⵡⴰⵍⵜ ⵢⴻⵔⵏⴰ ⵏ ⵓⵃⵕⴰⵙ », ⴰⵔⴰ ⴷ-ⵢⴻⵙⵙⴰⵡⴰⵍⴻⵏ ⵙ ⵢⵉⵙⴻⵎ-ⵏⵙⴻⵏ ⵢⴻⵔⵏⴰ ⴰⴷ ⵢⴻⵜⵜⴷⴰⴼⴰⵄ ⵖⴻⴼ ⵢⵉⵣⴻⵔⴼⴰⵏ-ⵏⵙⴻⵏ, ⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵎⵉⵙⴻⵏ, ⵍⴰⴷⵖⴰ ⵓⵙⵍⵉⴳⴻⵏ, ⴰⴽⴽⴻⵏ « ⴰⴷ ⴷ-ⵃⴰⵣⴻⵏ 3% ⵙⴻⴳ ⵢⵉⴷⵔⵉⵎⴻⵏ ⴰⵢ ⴷ-ⵔⴻⴱⴱⵃⴻⵏ ⵙⴻⴳ ⵓⴷⴻⵍⵍⴻⵍ ⴰⴽⴽⴻⵏ ⴰⴷ ⵙⵙⴻⵍⵀⵓⵏ ⵢⴻⵙ-ⵙⴻⵏ ⵜⴰⴳⵏⵉⵜ ⵏ ⵓⵅⴻⴷⴷⵉⵎ ⵏ ⵢⵉⵏⴻⵖⵎⴰⵙⴻⵏ-ⵏⵙⴻⵏ, ⴰⵎⴰ ⵙⴻⴳ ⵢⵉⴷⵉⵙ ⵏ ⵍⴻⵅⵍⴰⵚ ⵏⴻⵖ ⵙⴻⴳ ⵡⵉⵏ ⵏ ⵓⵙⵙⵉⵍⴻⵖ ».

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵢⴻⵙⵙⵓⴷⴷⴻⵙ, ⴰⵔ ⴰⵙⵙ-ⴰ, 13 ⵏ ⵜⵖⵉⵎⵉⵢⵉⵏ ⵏ ⵓⵙⵙⵉⵍⴻⵖ ⵉ ⵍⴼⴰⵢⴷⴰ ⵏ ⵢⵉⵏⴻⵖⵎⴰⵙⴻⵏ ⵉⵎⵙⴰⴷⵓⵔⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⴷⵔⵓⵙⵉⵜ » ⵢⵉⵎⴰⵡⵍⴰⵏ ⵏ ⵢⵉⵖⵎⵉⵙⴻⵏ ⵢⵓⵔⴰⵏ « ⴰⵢ ⵢⴻⵜⵜⵇⴰⴷⴰⵔⴻⵏ ⵍⵇⴰⵏⵓⵏ » ⴷⴻⴳ ⵓⵏⵔⴰⵔ-ⴰ ⵓⵍⴰ ⵎⴰ ⵙⴼⴰⵢⴷⴰⵢⴻⵏ-ⴷ ⵙⴻⴳ 80% ⵙⴻⴳ ⵢⵉⴷⵉⵔⵉⵎⴻⵏ ⴰⵢ ⵜⴻⵏ-ⵉⴷ-ⵉⴽⴻⵛⵛⵎⴻⵏ ⵙⴻⴳ ⵓⴷⴻⵍⵍⴻⵍ ⴰⵏⴰⴳⴷⵓⴷ.