ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ: ⴷⵊⴻⵍⵍⴰⴱ ⴷ ⵍⴰⴽⵙⴰⵛⵉ ⴰⴷ ⴱⴻⴷⴷⴻⵏ ⴷⴻⴳ ⵛⵛⵕⴻⵄ ⴷ ⵉⵏⴰⴳⴰⵏ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ
ⵍⴻⴱⵍⵉⴷⴰ – ⴰⵏⴻⴷⴱⴰⵍ ⴰⵇⴱⵓⵔ ⵏ ⴽⵀⴰⵍⵉⴼⴰ ⴱⴰⵏⴽ, ⵎⵧⵀⴰⵎⴻⴷ ⴷⵊⴻⵍⵍⴰⴱ ⴷ ⵓⵏⴻⴱⴱⴰⴹ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, ⵎⵧⵀⴰⵎⴻⴷ ⵍⴰⴽⵙⴰⵛⵉ, ⴰⴷ ⴱⴻⴷⴷⴻⵏ, ⴰⵎⴻⵣⵡⴰⵔⵓ ⴷⴻⴳ-ⵙⴻⵏ ⴰⵙⵙ ⵏ ⵍⵃⴻⴷⴷ, ⵎⴰ ⴷ ⵡⵉⵙ ⵙⵉⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷ ⵢⵉⵙⴻⵎ-ⵏⵙⴻⵏ ⴷ ⵉⵏⴰⴳⴰⵏ ⴷⴻⴳ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⴱⵍⵉⴷⴰ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ.
ⵎⵔⴰⵡ ⵢⵉⵡⴻⵏ (11) ⵏ ⵢⵉⵎⴷⴰⵏⴻⵏ ⵏⵉⴹⴻⵏ ⴰⵔⴰ ⵉⴱⴻⴷⴷⴻⵏ ⴷ ⵉⵏⴰⴳⴰⵏ ⴷⴻⴳ ⵜⴻⵎⵙⴰⵍⵜ-ⴰ ⴰⵙⵙ ⵏ ⵍⵃⴻⴷⴷ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⵇⴰⴹⵉ ⵏ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ ⴰⵏⴷⴰ ⴰⵢ ⵍⴰ ⴷ-ⵢⴻⵜⵜⵉⵍⵉ ⵛⵛⵕⴻⵄ ⵏ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ. ⵢⵉⵡⴻⵏ ⵙⴻⴳ ⵢⵉⵎⴷⴰⵏⴻⵏ-ⴰ ⴷ ⴰⴱⴷⴻⵍⴰⵣⵉⵣ ⴽⵀⴻⵍⵉⴼⴰ, ⴷ ⴳⵎⴰ-ⵙ ⵏ ⵓⵎⴻⵜⵜⵀⵓⵎ ⴰⴳⴻⵊⴷⴰⵏ, ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⴷ ⵏⴰⴷⵊⵉⴰ ⵉⵧⵓⴰⵣ ⴰⵢ ⵢⴻⵍⵍⴰⵏ ⴷ ⵜⴰⵎⴰⵔⵓⵜ ⵜⵓⴷⵎⴰⵡⴰⵏⵜ ⵜⴰⵇⴱⵓⵔⵜ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⵢⵉⵍⵉ ⴰⵏⴻⴳⴳⴰⵔⵓ-ⴰ ⵢⴻⵏⴽⴻⵕ ⴷⴰⴽⴽⴻⵏ ⵜⴻⵍⵍⴰ ⴷ ⵜⴰⵎⴰⵔⵓⵜ-ⵏⵏⴻⵙ ⵎⵉ ⴷ-ⵢⴻⵙⵙⴰⵡⴻⵍ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ.
ⴰⵙⵙ ⵏ ⵍⴻⵜⵏⵉⵢⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴷ ⴰⵏⴻⴱⴱⴰⴹ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, ⵎⵧⵀⴰⵎⴻⴷ ⵍⴰⴽⵙⴰⵛⵉ, ⴷ ⵓⵎⴰⵍⴰⵍ-ⵏⵏⴻⵙ ⴰⵇⴱⵓⵔ, ⴰⵍⵉ ⵜⵧⵓⴰⵜⵉ, ⴰⵔⴰ ⵉⴱⴻⴷⴷⴻⵏ ⴷⴻⴳ ⵛⵛⵕⴻⵄ ⵙ ⵢⵉⵙⴻⵎ-ⵏⵙⴻⵏ ⴷ ⵉⵏⴰⴳⴰⵏ ⴷⴻⴳ ⵜⴻⵎⵙⴰⵍⵜ-ⴰ, ⵖⴻⵔ ⵢⵉⴷⵉⵙ ⵏ ⵎⵧⵀⴰⵎⴻⴷ ⴽⵀⴻⵎⵧⵓⴷⵊ, ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵜⴻⵙⵡⴰⴹⵜ ⵜⴰⵎⴰⵜⵓⵜ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ.
ⵙⴰⴽⴽⵉⵏ, ⴷ ⵉⵎⴰⵙⵍⴰⴹⴻⵏ ⵏ ⵜⵙⴻⵇⵇⴰⵎⵓⵜ ⵏ ⵓⵇⴰⵔⵉⴹ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ ⴰⵔⴰ ⵉⴱⴻⴷⴷⴻⵏ ⴷⴻⴳ ⵛⵛⵕⴻⵄ ⵙ ⵢⵉⵙⴻⵎ-ⵏⵙⴻⵏ ⴷ ⵉⵏⴰⴳⴰⵏ.
ⴰⵏⴻⴳⴳⴰⵔⵓ ⴰⵔⴰ ⴷ-ⵉⵛⴻⵀⴷⴻⵏ ⴷⴻⴳ ⵜⵖⵉⵎⵉⵜ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ ⴷ ⵀⴰⵎⵉⴷ ⴼⵧⵓⴼⴰ, ⵙ ⵢⵉⵙⴻⵎ-ⵏⵏⴻⵙ ⴷ ⴰⵎⴰⵣⵣⴰⵢ ⴰⵖⴻⴷⵎⴰⵏ ⴷⴻⴳ ⵜⴻⴷⵔⵉⵎⵜ ⴷⴻⴳ ⵜⴻⵎⵙⴰⵍⵜ-ⴰ.
ⵎⴰ ⴷ ⵜⵉⵖⵉⵎⵉⵜ ⵏ ⵡⴰⵙⵙ ⵏ ⵍⴻⵅⵎⵉⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⴱⴻⴷⴷⴻⵏ ⴷⴻⴳ-ⵙ ⵢⵉⵎⴻⵜⵜⵀⵓⵎⴻⵏ ⴰⵢ ⴷ-ⵉⴼⵓⴽⴻⵏ ⵍⵃⴻⴱⵙ-ⵏⵙⴻⵏ ⵢⴻⵔⵏⴰ ⴰⴷ ⴷ-ⵙⵙⵉⵡⵍⴻⵏ ⵙ ⵢⵉⵙⴻⵎ-ⵏⵙⴻⵏ ⴷ ⵉⵏⴰⴳⴰⵏ, ⵎⴰ ⴷ ⵉⵏⴰⴳⴰⵏ ⵏⵉⴹⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴰⴷ ⴰⵙⴻⵏ-ⵙⵍⴻⵏ ⵖⴻⴼ ⵍⴻⵃⵙⴰⴱ ⵏ ⵍⴻⵛⵖⴰⵍ-ⵏⵙⴻⵏ ⴷ ⵓⵎⵎⵓⵣⵣⴻⴳ-ⵏⵙⴻⵏ (ⴰⵜⵅⴻⵚⵚⴻⵚ) ⴷⴻⴳ ⵓⵅⴻⴷⴷⵉⵎ-ⵏⵙⴻⵏ ⴰⵇⴱⵓⵔ, ⵖⴻⴼ ⵍⴻⵃⵙⴰⴱ ⵏ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ.
ⴷⴻⴳ ⵡⴰⵙⵙ ⵏ 4 ⵎⴰⵢⵓ ⵢⴻⵔⵣⵉⵏ, ⵍⵇⴰⴹⵉ ⵢⴻⴼⴽⴰ ⵜⵜⴻⵙⵔⵉⵃ ⵉ ⵢⵉⵏⴰⴳⴰⵏ ⴰⴽⴽⴻⵏ ⵓⵔ ⵃⴻⴷⴷⵕⴻⵏ ⴰⵔⴰ ⵜⵉⵖⵉⵎⵉⵢⵉⵏ ⵏ ⵛⵛⵕⴻⵄ ⵎⴰ ⴱⵖⴰⵏ, ⵢⴻⵔⵏⴰ ⴰⴷ ⴰⵙⴻⵏ-ⵢⴰⵣⴻⵏ ⵜⵉⵖⵔⴰ ⴷⴻⴳ ⵜⴳⴰⵔⴰ ⵏ ⵜⵖⵉⵎⵉⵢⵉⵏ ⵏ ⵜⵎⴻⵙⵍⵉⵡⵜ ⴰⵔⴰ ⵉⴼⴰⴽⴻⵏ ⴰⵙⵙ ⵏ ⵍⴰⵕⴻⴱⵄⴰ ⴰⵢ ⴷ-ⵢⴻⵜⵜⴻⴷⴷⵓⵏ.
