Asebter amenzawi
Ajiniṛal amajuṛ Hamel iqeddem-d deg Qaṭar ttejṛiba n temsulta n Ldzayer deg yimenɣi mgal tejrimt
LDZAYER TAMANEɣT – Anemhal amatu n tɣellist taɣelnawt, ajiniṛal amajuṛ Abdelghani Hamel, iqeddem-d ass n letniyen deg Qaṭar ttejṛiba n temsulta tadzayrit deg uḥraz n tɣellist d yimenɣi mgal tejrimt s wakk leṣnaf-nnes.
Ajiniṛal amajuṛ Hamel ay igan tirzi n uxeddim ɣef Qaṭar iqeddem-d « ttejṛiba turbiḥt n temsulta tadzayrit ay yellan daɣ d tamezwarut seg ṣṣenf-a deg wayen yerzan aḥraz n tɣellist (laman) d yimenɣi mgal tejrimt s wakk leṣnaf-nnes, gar-asen ula d yimenɣi mgal rrebrab, tajrimt izegren i tlisa d tejrimt s Internet », ɣef wakken ay d-yenna ulɣu n Tmehla tamatut n tɣellist taɣelnawt.
Seg yidis niḍen, anemhal yesmekti-d s ttejṛiba turbiḥt n temsulta tadzayrit deg wayen yerzan timsal ay yeqqnen ɣer tejrimt s wakk leṣnaf-nnes, ladɣa deg wayen yerzan tadhelt talujistit, ɣef wakken ay d-tenna teɣbalut-a.
Mass Hamel yerza sakkin ɣef Tigget n tɣellist tagensit n Lakhouya anda ay yemlal d yimḍebber n tigget-a yerna sfehmen-as-d amek ay txeddem s uḥdaṛ n yimḍebbren n temhal tuzzigin.
Ajiniṛal amajuṛ Hamel yesla i yineskinen ay as-d-gan ɣef lecɣal n tigget-a, d lecɣal ay yeqqnen ɣer uḥuddu n medden d wayla mgal yixeddimen irebraben, d uḥraz n tɣellist tagensit (n daxel), d uḥaṛeb n truẓi d ussefsed.
Anemhal amatu n tɣellist taɣelnawt yeḥdeṛ daɣ i uqeddem n ttekniyin n temhal tuzzigin n yiferdisen n tɣellist tagensit n tiggtin-a. Idis adzayri d yidis aqaṭari mbaddalen izumal-nsen, yerna nnan-d dakken ta d tagnit i usmal n wassaɣen ucriken, ladɣa deg unrar n tɣellist, ɣef wakken ay d-yenna ulɣu-nni.
I usmekti, Ajiniṛal amajuṛ Hamel iga tirzi n uxeddim deg uwanak n Qaṭar yerna yewwi-d yid-s tamagla tameqrant n tmehla tamatut n tɣellist taɣelnawt, s uneɛruḍ n umti-nnes aqaṭari, ajiniṛal amajuṛ Saad Ben Jassem Al Khalifi.
