Asebter amenzawi

Tamɣunt 1/USM-Ldzayer: Pfister staxren-t, Zeghoud, Meftah d Hadj Adlene deg umkan-nnes seg leɛḍil

LDZAYER TAMANEƔT – Asleɣmay n USM Ldzayer (Tamɣunt 1 tadzayrit n tkurt n uḍar), Otto Pfister (seg Lalman) staxren-t 48 n tsaɛtin sdeffir ma turar teɣlamt-a deg Buluɣin mgal MO Bgayet (1-1) deg wass wis 28 n telɣuɣa, ɣef wakken ay d-tenna ass n letniyen teɣlamt-a deg yiwen n ulɣu.

Seg yidis niḍen, ula d asewjad afekkan afṛensis-asinigali Armand Séné, yettaxer seg umkan-nnes, am wakken ay yettaxer daɣ umalal n usleɣmay, Dziri Billel ay yessutren aya, maca « yettɣimi yewjed akken ad iɛawen taɣlamt », ɣef wakken ay d-tebder teɣbalut-a.

Tamehla n teɣlamt-a tenna-d dakken twekkel 3 n yimariren-nnes iqburen, Mounir Zeghdoud, Mahieddine Meftah d Hadj Adlene akken ad sleɣmun USM Ldzayer deg sin n wussan ineggura n telɣuɣa.

Kraḍ-a (3) n yimestekniyen ad bdun ccɣel-nsen tameddit-a (letniyen) deg yiwet n tɣimit n usleɣmu ara d-yilin deg usarir n Omar-Hamadi, seg 05s00 n tmeddit d asawen.

Seg wasmi ay d-yebda uzgen wis sin n tsemhuyt, USM Ldzayer terbeḥ kan snat n tikkal, yerna tezmer ad teɣli seg Temɣunt 1. Ɣef waya ay staxren Pfister ay d-yusan, deg Fuṛaṛ yezrin, deg umkan n usleɣmay afṛensis Hubert Velud.

Mi as-d-qqimen sin wussan i telɣuɣa akken ad tfak, taɣlamt n USM Ldzayer isaḥ-itt-id umkan wis 8 deg usettef n Temɣunt 1 s 38 n tenqiḍin, 3 kan n yimukan ddaw teɣlamt yellan ɣef yiri n uɣelluy, ASO Cclef.

Imariren n USM Ldzayer ad ddun ass n lḥedd ɣer Wehṛan akken ad uraren d ASMO, sakkin ad mmagren ASO Cclef deg Buluɣin ass n 29 Mayu ara yilin d ass aneggaru n telɣuɣa.

Taɣlamt n USM Ldzayer tɛedda ɣer uḥric n tegrawin n Temɣint n yilɣiɣen n Tefriqtn anda ara turar deg tegrawt B, ɣer yidis n teɣlamin tidzayriyin n ES Sḍif ad MCE Lɛelma, d teɣlamt tasudanit n Al-Merreikh.