ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴰⵎⴰⵏ: ⵜⴰⵎⵙⵉⵙⵉⵜ ⵜⴰⵄⵕⴰⴱⵜ ⵜⴻⵇⵇⴻⵍ ⵖⴻⵔ ⵜⵢⵉⵜⴰ ⵓⵍⴰ ⵎⴰ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵜⵔⴻⵏ-ⴷ ⴰⴷ ⵉⴽⴻⵎⵎⴻⵍ ⵓⵃⴱⴰⵙ ⵏ ⵜⵢⵉⵜⴰ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵎⵙⵉⵙⵉⵜ ⵜⴰⵄⵕⴰⴱⵜ ⴷⴻⴳ ⵢⴰⵎⴰⵏ ⴰⵢ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵜⴻⵇⵇⴻⵍ ⵖⴻⵔ ⵜⵢⵉⵜⵉⵡⵉⵏ-ⵏⵏⴻⵙ ⵙⴻⴳ ⵢⵉⴳⴻⵏⵏⵉ, ⴰⴽⴽⴻⵏ ⴽⴰⵏ ⴰⵢ ⵉⴼⵓⴽ ⵓⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵡⵉⴷ ⵢⴻⵃⵡⴰⵊⴻⵏ, ⵓⵍⴰ ⵎⴰ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴳⵔⴻⵏ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵙⵖⴻⵣⴼⴻⵏ ⵜⴰⵍⵍⵉⵜ-ⵏⵏⵉ ⵏ ⵓⵃⴱⴰⵙ ⵏ ⵜⵢⵉⵜⴰ ⵙ ⵙⴻⵎⵎⵓⵙ (5) ⵏ ⵡⵓⵙⵙⴰⵏ ⴷ ⵓⵃⴱⴰⵙ ⵏ ⵜⵢⵉⵜⴰ ⵙ ⵍⴱⵓⵎⴱⴰⵜ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵖⴻⵔ ⵜⵎⵉⵡⴰ ⴰⵢ ⵜⵃⵓⵣⴰ ⵜⴰⵍⵓⴼⵜ.
ⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⵡⵜⴻⵏ, ⴷⴻⴳ ⵢⵉⴹ ⵏ ⵍⵃⴻⴷⴷ ⴷ ⵍⴻⵜⵏⵉⵢⴻⵏ, ⵉⵎⵓⴽⴰⵏ ⵏ ⵢⵉⵖⴻⵡⵡⴰⵖⴻⵏ ⵉⵛⵉⵄⵉⵢⴻⵏ ⵉⵃⵓⵜⵉⵢⴻⵏ ⴷⴻⴳ ⵄⴰⴷⴻⵏ, ⴷⴻⴳ ⵓⵏⵥⵓⵍ ⵏ ⵢⴰⵎⴰⵏ, ⴷⴻⴼⴼⵉⵔ ⵎⴰ ⵜⴼⵓⴽ ⵜⴰⵍⵍⵉⵜ-ⵏⵏⵉ ⵏ ⵓⵃⴱⴰⵙ ⵏ ⵜⵢⵉⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ ⴷ ⵢⵉⵏⴰⴳⴰⵏ.
ⵎⴰ ⵓⵍⴰⵛ, ⵙⵏⴰⵜ ⵏ ⵜⴽⴻⵕⵕⵓⵙⵉⵏ ⵏ ⵢⵉⵃⵓⵜⵉⵢⴻⵏ ⴰⵢ ⵢⴻⵔⵔⵥⴻⵏ ⴷⴻⴳ ⵜⵢⵉⵜⵉⵡⵉⵏ-ⴰ ⴰⵢ ⵉⵃⵓⴽⵕⴻⵏ ⴰⴳⵎⴰⵎ ⵏ ⵜⴰⵡⴰⵀⵉ, ⴷⴻⴳ ⵜⴻⵎⴷⵉⵏⵜ ⵜⴰⵎⴻⵇⵔⴰⵏⵜ ⵏ ⵄⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴻⵜ ⴷⴰⵖ ⵓⴳⵎⴰⵎ ⵏ ⴽⵀⵧⵔ ⵎⴰⴽⵙⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵔⵏⴰⵏⵜ ⵜⴻⵖⴱⵓⵍⴰ-ⴰ, ⵡⴰⵔ ⵎⴰ ⴱⴻⴷⵔⴻⵏⵜ-ⴷ ⴰⵛⵃⴰⵍ ⴰⵢ ⵢⴻⵎⵎⵓⵜⴻⵏ ⵙⴻⴳ ⵢⵉⵃⵓⵜⵉⵢⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⵉⵡⴻⵜ ⵏ ⵜⵢⵉⵜⴰ ⵜⵃⵓⵣⴰ ⵚⵚⵓⵔ ⵏ ⵍⴻⵇⵚⴻⵔ ⵏ ⵜⴻⵍⵡⵉⵜ, ⵎⴰ ⴷ ⵜⴰⵢⴻⴹ ⵜⵃⵓⵣⴰ ⴰⵙⴰⴷⵓⵔ ⵏ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ, ⴷ ⵙⵉⵏ ⵏ ⵢⵉⵎⵓⴽⴰⵏ ⴰⵢ ⴹⴹⴼⴻⵏ ⵢⵉⵖⴻⵡⵡⴰⵖⴻⵏ ⴷ ⵡⵉⴷ ⵢⴻⴷⴷⴰⵏ ⵢⵉⴷ-ⵙⴻⵏ, ⵉⵙⴻⵔⴷⴰⵙⴻⵏ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⴰⵇⴱⵓⵔ ⴰⵍⵉ ⴰⴱⴷⴰⵍⵍⴰⵀ ⵙⴰⵍⴻⵀ.
ⵜⵉ ⴷ ⵜⵉⵢⵜⵉⵡⵉⵏ ⵜⵉⵎⴻⵣⵡⵓⵔⴰ ⵙⴻⴳ ⵢⵉⴳⴻⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⴰⵎⴰⵏ ⵙⴻⴳⵎⵉ ⴰⵢ ⵉⴼⵓⴽ ⵓⵃⴱⴰⵙ ⵏ ⵜⵢⵉⵜⴰ ⵖⴻⴼ 8ⵙ00 ⵏ ⵜⵎⴻⴷⴷⵉⵜ (ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ), ⴷ ⴰⵃⴱⴰⵙ ⴰⵢ ⴷ-ⵢⴻⴱⴷⴰⵏ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵉ ⵡⵉⴷ ⵢⴻⵃⵡⴰⵊⴻⵏ ⴷⴻⴳ ⵢⴰⵎⴰⵏ.
ⴰⵃⴱⴰⵙ-ⴰ ⵏ ⵜⵢⵉⵜⴰ ⵜⴻⴱⴷⴰ-ⵜ-ⵉⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴰⵢ ⵢⴻⵍⵍⴰⵏ ⴷ ⵜⵉⵎⴹⴻⴱⴱⴻⵔⵜ ⵏ ⵜⴻⵎⵙⵉⵙⵉⵜ-ⴰ ⵙⴻⴳ 26 ⵎⴻⵖⵔⴻⵙ, ⴰⵙⵙ ⴰⵢⴷⴻⴳ ⴰⵢ ⴷ-ⵜⴻⴱⴷⴰ ⵢⵉⵡⴻⵜ ⵏ ⵜⵃⴻⵎⵍⴰ ⵏ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵎⴳⴰⵍ ⵢⵉⵖⴻⵡⵡⴰⵖⴻⵏ ⵉⵛⵉⵄⵉⵢⴻⵏ, ⴰⴽⴽⴻⵏ ⴰⴷ ⵄⴰⵡⵏⴻⵏ ⵡⵉⴷ ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⵉⵎⴻⵏⵏⴻⵊⵍⵉ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ.
ⴰⵃⴱⴰⵙ-ⴰ ⵏ ⵜⵢⵉⵜⴰ ⵢⴻⵍⵍⴰ-ⴷ ⴷⴻⴳ-ⵙ ⵢⵉⵎⴻⵏⵖⵉ ⴷⴻⴳ ⵍⴱⴻⵔⵔ, ⵢⴻⵔⵏⴰ ⵜⵉⴽⴽⴰⵍ, ⵢⴻⵍⵍⴰ ⵡⴰⵏⴷⴰ ⴰⵢ ⵎⵎⵓⵜⴻⵏ ⵎⴻⴷⴷⴻⵏ, ⴰⵎⴰ ⵙⴻⴳ ⵢⵉⵖⴻⵡⵡⴰⵖⴻⵏ, ⴰⵎⴰ ⵙⴻⴳ ⵢⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵢⵉⵃⵓⵜⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵓⵎⴱⴰⴷⴷⴻⵍ ⵏ ⵜⵢⵉⵜⴰ ⵖⴻⴼ ⵜⵍⵉⵙⴰ ⴳⴰⵔ ⵢⴰⵎⴰⵏ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⴰⵏⴷⴰ ⴰⵢ ⴷ-ⵏⵏⴰⵏ ⵢⵉⵙⴰⵄⵓⴷⵉⵢⴻⵏ ⴷⴰⴽⴽⴻⵏ ⵍⴰ ⵜⴻⵏ-ⵉⴷ-ⴽⴽⴰⵜⴻⵏ ⵙⴻⴳ ⵓⴳⴰⴼⴰ ⵏ ⵢⴰⵎⴰⵏ ⴰⵢ ⵢⴻⵍⵍⴰⵏ ⴳⴰⵔ ⵢⵉⴼⴰⵙⵙⴻⵏ ⵏ ⵢⵉⵃⵓⵜⵉⵢⴻⵏ.
ⵜⴰⵎⵙⵉⵙⵉⵜ ⵜⵄⴻⵢⵢⴻⵏ-ⴷ ⴷⴰⴽⴽⴻⵏ ⵓⵔ ⵜⴻⵜⵜⴽⴻⵎⵎⵉⵍ ⴰⵔⴰ ⴰⴷ ⵜⴻⵚⴱⴻⵔ ⵉ « ⵜⵓⴼⴼⵖⵉⵡⵉⵏ-ⴰ ⵏ ⵓⴱⵔⵉⴷ » ⴰⵢ ⵍⴰ ⴷ-ⵢⴻⵜⵜⴻⵇⵇⴰⵍⴻⵏ ⵙⵖⵓⵔ ⵢⵉⵃⵓⵜⵉⵢⴻⵏ, ⴰⵢ ⵢⴻⴹⴹⴼⴻⵏ, ⵙⴻⴳ ⵜⴰⵣⵡⴰⵔⴰ ⵏ ⵜⵓⵎⵎⵖⴰ-ⵏⵙⴻⵏ ⴷⴻⴳ ⵢⵓⵍⵢⵓ, ⵜⵉⵎⵉⵡⴰ ⴷ ⵜⵉⵎⴻⵇⵔⴰⵏⵉⵏ ⴷⴻⴳ ⵜⵍⴻⵎⵎⴰⵙⵜ ⴷ ⵓⵜⴰⵔⴰⵎ ⵏ ⵜⵎⵓⵔⵜ ⵏ ⵢⴰⵎⴰⵏ.
