ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵢⵢⵓⵔ ⵏ ⵜⴳⴻⵎⵎⵉ: ⴰⴱⵉⵟⵓⵏ ⴷⴻⴳ ⵢⵉⵖⴻⵔⵎⴰⵏ ⵏ ⵎⵥⴰⴱ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – Ɣⴻⴼ ⵜⵖⴰⵍⵍⵜⵉⵏ-ⵏⵏⵉ ⵏ ⵓⵥⵔⴰⵔ ⵏ ⵢⵉⵖⵣⴻⵔ ⵏ ⵎⵥⴰⴱ, ⵎⴰⵣⴰⵍ ⵍⵍⴰⵏ 5 ⵏ ⵢⵉⵖⴻⵔⵎⴰⵏ, ⴷ ⵍⴻⵃⵙⵉⵏⴰⵜ ⵉⵇⴱⵓⵔⴻⵏ ⴰⵢ ⵢⴻⵜⵜⵡⴰⴱⵏⴰⵏ ⴳⴰⵔ ⵍⴻⵇⵔⵓⵏ ⵡⵉⵙ 11 ⴷ ⵡⵉⵙ 14, ⵢⴻⵔⵏⴰ ⵙⵙⴽⴰⵏⴰⵢⴻⵏ-ⴷ ⵜⴰⵎⵓⵙⵙⵏⵉ ⵏ ⵡⴰⵔⵔⴰⵡ ⵏ ⵜⴻⵎⵏⴰⴹⵜ-ⴰ ⴰⵢ ⴷ-ⵢⴻⵣⴳⴰⵏ ⵖⴻⴼ ⵜⴻⵡⵡⵓⵔⴰ ⵏ ⵓⵏⵥⵓⵍ ⴰⵎⴻⵇⵔⴰⵏ ⴰⴷⵣⴰⵢⵔⵉ.

« ⴷ ⵜⴰⵙⴻⴳⴷⴰ ⵡⴰⵔ ⴰⵎⴰⵙⴷⴰⴳ », ⴰⴽⴽⴰ ⴰⵢ ⴷ-ⵢⴻⵏⵏⴰ ⵓⵎⴰⵙⴷⴰⴳ ⴰⴼⵕⴻⵏⵙⵉⵙ ⵍⴻ ⵛⵧⵔⴱⵓⵙⵉⴻⵔ ⵖⴻⴼ ⵜⵖⴻⵔⴷⴰⵢⵜ ⵢⴻⵍⵍⴰⵏ ⴷ ⵜⴰⴳⵔⵓⵎⵎⴰ ⵏ ⵢⵉⵖⴻⵔⵎⴰⵏ ⴰⵢ ⵢⴻⵜⵜⵡⴰⴱⵏⴰⵏ ⴷ ⵜⴰⵣⴰⵎⵓⴳⵜ ⵢⴻⵔⵏⴰ ⵜⴻⵛⵛⵓⵕ ⴷ ⵜⵉⵣⴻⵏⵇⴰⵜⵉⵏ ⵜⵓⵃⵕⵉⵙⵉⵏ. ⵜⴰⵙⴻⴳⴷⴰ-ⴰ ⵜⴰⵎⴻⵏⵙⴰⵢⵜ ⵓⵔ ⵜⴻⵙⵄⵉ ⵜⴰⵎⵜⵉⵍⵜ ⵢⴻⵔⵏⴰ ⴰⵜⵜⴰⵏ ⴰⵙⵙ-ⴰ ⵍⴰ ⵢⴻⵜⵜⴰⵍⵉ ⴼⴻⵍⵍ-ⴰⵙ ⵓⴱⵉⵟⵓⵏ: ⵢⵓⵖ ⵍⵃⴰⵍ, ⴰⴱⵉⵟⵓⵏ ⵍⴰ ⴷ-ⵢⴻⵜⵜⴻⴷⴷⵓ ⴷⴻⴳ ⵜⴻⵎⵏⴰⴹⵜ-ⴰ ⵢⴻⵔⵏⴰ ⵙ ⵜⵖⴰⵡⵍⴰ.

ⵉⵖⴻⵔⵎⴰⵏ ⵏ ⵍⵄⴰⵟⴻⴼ, ⵜⴰⵖⴻⵔⴷⴰⵢⵜ, ⴰⵢⵜ ⵢⴻⵣⴳⴻⵏ, ⴱⵓⵏⵓⵕⴰ ⴷ ⵎⵍⵉⴽⴰ ⵜⵚⴻⵏⵏⴻⴼ-ⵉⵜⴻⵏ ⵓⵏⴻⵙⵛⵧ ⴷ ⵜⵉⴳⴻⵎⵎⵉ ⵜⴰⵎⴰⴹⵍⴰⵏⵜ ⵏ ⵜⴰⵍⵙⴰ ⴷⴻⴳ 1982, ⵢⴻⵔⵏⴰ ⵍⵍⴰⵏ-ⴷ ⴷ ⵜⴰⵎⴷⵉⵏⵜ ⵢⴻⴷⴷⵓⴽⴽⵍⴻⵏ, ⵢⴰⵍ ⵢⵉⵡⴻⵜ ⴷⴻⴳ-ⵙⴻⵏⵜ ⵜⴻⵙⵄⴰ, ⴷⴻⴳ ⵜⵇⴰⵛⵓⵛⵜ-ⵏⵏⴻⵙ, ⵜⴰⵚⵓⵎⵄⴰ ⵢⴻⵜⵜⵡⴰⴱⵏⴰⵏ ⵙ ⵓⵏⵙⴰⵢ ⵏ ⵢⵉⴱⴱⴰⴹⵉⵢⴻⵏ.

ⵜⵉⵎⴷⵉⵏⵉⵏ-ⴰ ⵍⵍⴰⵏ-ⴷ ⴷⴰⵖ ⴷ ⵍⴻⵃⵚⵉⵏⴰⵜ ⴷⴻⴳ ⵢⵉⵖⵣⴻⵔ ⵏ ⵎⵥⴰⴱ, ⵢⴻⵔⵏⴰ ⵎⴰⵣⴰⵍ ⵃⴻⵔⵣⴻⵏⵜ ⴳⴰⵔ ⵢⵉⵖⴻⵔⴱⴰⵏ-ⵏⵙⴻⵏⵜ ⵜⵉⵎⴽⴰⵔⴹⵉⵢⵉⵏ, ⵜⵉⵇⴱⵓⵔⵉⵏ ⴷⴻⴳ-ⵙⴻⵏⵜ ⴳⴰⵏ-ⵜⴻⵏⵜ ⴷⴻⴳ ⵍⵇⴻⵔⵏ ⵡⵉⵙ 13. ⵜⵉⵎⴷⵉⵏⵉⵏ-ⴰ ⵖⴻⵔ-ⵙⴻⵏⵜ ⴷⴰⵖ ⵉⵎⵕⴰⵃⴻⵏ ⵉⵏⴰⴳⴷⵓⴷⴻⵏ, ⵓⵙⴰⵏ-ⴷ ⵓⴽⴻⵙⵙⴰⵔ, ⴷⴻⴳ ⵍⵓⴹⴰ, ⵜⴰⵎⴰ ⵏ ⵢⵉⵖⴻⵔⵎⴰⵏ, ⵢⴻⵔⵏⴰ ⴷⵉⵏ ⴰⵢ ⴷ-ⵢⴻⵜⵜⵉⵍⵉ ⵜⵓⴷⴻⵔⵜ ⵜⴰⴷⴰⵎⵙⴰⵏⵜ ⵏ ⵜⴻⵎⵏⴰⴹⵜ-ⴰ.

ⴷⴻⴳ ⵜⴰⵎⴰ-ⴰ ⴰⵢ ⵉⵕⵓⵃⴻⵏ ⴰⵎⵣⵓⵏ ⴷ ⴰⵏⴻⵥⵔⵓⴼ (ⵚⵚⴻⵃⵔⴰ), ⵍⴻⴱⵢⵓⵔ ⵙⴻⵎⵎⴰⵏ-ⴰⵙⴻⵏ ⵖⴻⴼ ⵡⵉⴷ ⴰⵢ ⵜⴻⵏ-ⵢⴻⵖⵣⴰⵏ, ⵢⴻⵔⵏⴰ ⴰⵎⴰⵏ ⴷ ⵜⴰⵖⴰⵡⵙⴰ ⵖⵍⴰⵢⴻⵏ, ⵜⵜⴳⴻⵏ-ⴰⵙⴻⵏ ⵍⴻⵇⵔⴰⵔ ⴷ ⴰⵎⴻⵇⵔⴰⵏ, ⵜⵜⴻⵙⵙⴻⵏ ⵙⴻⴳ-ⵙⴻⵏ ⴰⵢⵜ ⵡⴻⵅⵅⴰⵎ ⵢⴻⵔⵏⴰ ⵙⵙⵡⴰⵢⴻⵏ ⵢⴻⵙ-ⵙⴻⵏ ⵓⵔⵜⴰⵏ ⵏ ⵜⴻⵣⴷⴰⵢⵉⵏ ⴷ ⵜⴻⴱⵃⵉⵔⵉⵏ, ⴷ ⴰⵛⵓ ⴽⴰⵏ, ⵍⴻⴱⵢⵓⵔ-ⴰ, ⵉⵎⵉ ⴰⵢ ⴷ ⵉⵇⴱⵓⵔⴻⵏ, ⵣⴻⵎⵔⴻⵏ ⴰⴷ ⵙⵡⴰⵖⴻⵏ ⵎⵍⵉⵃ ⴰⵔⴽⴰⴷ ⵏ ⵡⴰⴽⴰⵍ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ 1500 ⵏ ⵍⴻⴱⵢⵓⵔ ⴰⵢ ⵢⴻⵍⵍⴰⵏ ⴷⴻⴳ ⵢⵉⵖⵣⴻⵔ ⵏ ⵎⵥⴰⴱ « ⵣⴻⵎⵔⴻⵏ ⴰⴷ ⴷⴻⵔⵎⴻⵏ », ⵢⴻⵔⵏⴰ ⵣⴻⵎⵔⴻⵏ « ⴰⴷ ⵙⵙⴻⵀⵜⵓⵜⵉⵏ » ⵍⴱⴻⵏⵢⴰⵏⴰⵜ ⴰⵢ ⴷ-ⵢⴻⵍⵍⴰⵏ ⵜⴰⵎⴰ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵜⴳⴻⵎⵎⵉ ⴷⴻⴳ ⵜⵎⴻⵀⵍⴰ ⵏ ⵢⵉⴷⵍⴻⵙ ⵏ ⵜⵖⴻⵔⴷⴰⵢⵜ.

ⴰⵎⵉⵀⵉ ⴰⵎⴻⵇⵔⴰⵏ ⵏⵉⴹⴻⵏ ⵏⴻⵜⵜⴰ ⴷ ⵜⵉⵎⴻⵔⵏⵉⵡⵜ ⵏ ⵍⴻⴱⵏⵉ ⵙ ⵓⴱⵉⵟⵓⵏ ⴰⵢ ⵉⵏⴻⵟⴹⴻⵏ ⴷⴻⴳ ⵜⵙⴻⴳⴷⴰ ⵏ ⵜⴻⵎⵏⴰⴹⵜ-ⴰ. ⴷⴻⴳ ⵓⵏⴻⴽⵛⵓⵎ ⵏ ⵢⵉⵖⵔⴻⵎ ⵏ ⵍⵄⴻⵟⵟⴰⴼ, ⵍⴻⴱⵏⵉ « ⴰⵜⵔⴰⵔ » ⵉⴱⴻⴷⴷⴻⵍ-ⴰⵙ ⵚⵚⵉⴼⴰ ⵉ ⵜⵙⴻⴳⴷⴰ ⵜⴰⵇⴱⵓⵔⵜ ⵏ ⵓⵎⴽⴰⵏ-ⴰ, ⴷ ⴰⵛⵓ ⴽⴰⵏ, ⴷⴻⴳ ⵡⴰⵢⵜ ⵢⴻⵣⴳⴻⵏ, ⴳⴰⵏ ⵎⴻⴷⴷⴻⵏ ⵍⴻⵇⵔⴰⵔ ⵉ ⵜⵙⴻⴳⴷⴰ ⵜⴰⵎⴻⵏⵙⴰⵢⵜ.

ⵢⴰⵍ ⵢⵉⵡⴻⵏ ⵉⴱⴻⵏⵏⵓ ⴰⴽⴽⴻⵏ ⴰⵢ ⴰⵙ-ⵢⴻⵀⵡⴰ, ⵢⴻⵔⵏⴰ ⵉⵅⵓⵚⵚ ⵓⵔⴻⵇⵇⴻⵄ

ⵉⵅⵅⴰⵎⴻⵏ ⵉⵇⴱⵓⵔⴻⵏ ⵏ ⵍⵄⴻⵟⵟⴰⴼ, ⵓⵍⴰ ⴷ ⵏⵉⵜⵏⵉ, ⵍⴰ ⵜⵅⴻⵚⵚⴻⵔ ⵚⵚⵉⴼⴰ-ⵏⵙⴻⵏ ⵢⴻⵔⵏⴰ ⵍⴰ ⵙⵕⵓⵃⵓⵢⴻⵏ ⵜⴰⵏⴻⵚⵍⵉⵜ-ⵏⵙⴻⵏ ⵙ ⵓⵔⴻⵇⵇⴻⵄ ⵏ ⵢⵉⵎⴰⵡⵍⴰⵏ-ⵏⵙⴻⵏ ⵓⵔ ⵢⴻⴼⴽⵉⵏ ⴰⵔⴰ ⴰⵣⴰⵍ ⵉ ⵜⵙⴻⴳⴷⴰ ⵜⴰⵇⴱⵓⵔⵜ ⵏ ⵢⵉⵖⵔⴻⵎ. ⵙ ⵡⴰⵢⴰ ⴰⵔⴰ ⵏⴰⴼ ⴰⵟⴰⵙ ⵏ ⵢⵉⵅⵅⴰⵎⴻⵏ ⵢⴻⴱⵏⴰⵏ ⵙ ⵜⵍⴰⵊⵓⵕⵜ ⴷ ⵓⴱⵉⵟⵓⵏ, ⵜⵉⴽⴽⴰⵍ ⵙⴻⵍⵍⵖⴻⵏ-ⵜⴻⵏⵜ ⵙ ⵡⴰⴽⴰⵍ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⵇⴰⴷⵔⴻⵏ ⴰⵚⴻⵏⵏⴻⴼ ⴷ ⵓⵃⵔⴰⵣ ⵏ ⵓⵎⴽⴰⵏ-ⴰ.

ⴷ ⴰⵛⵓ ⴽⴰⵏ, ⵡⵉⴷ ⵢⴻⵜⵜⵔⴻⵇⵇⵉⵄⴻⵏ ⴰⴽⴽⴰ ⵉⵅⵅⴰⵎⴻⵏ, ⵓⵍⴰ ⵎⴰ ⵣⵉⴽ ⵍⵍⴰⵏ ⵙⵙⴻⵍⵎⴰⴷⴻⵏ ⵚⵚⴻⵏⵄⴰ-ⵏⵙⴻⵏ ⵙⴻⴳ ⵓⴱⴰⴱⴰⵜ ⵖⴻⵔ ⵎⴻⵎⵎⵉ-ⵙ, ⴰⵙⵙ-ⴰ ⴱⴷⴰⵏ ⵍⴰ ⵏⴻⵇⵇⵙⴻⵏ ⴷⴻⴳ ⵜⴻⵎⵏⴰⴹⵜ-ⴰ, ⵢⴻⵔⵏⴰ ⵃⵙⴻⴱ ⵏⴻⴳⵔⴻⵏ ⴰⴽⴽ ⴷⴻⴳ ⴽⵔⴰ ⵏ ⵢⵉⵖⴻⵔⵎⴰⵏ ⴰⵎ ⵎⵍⵉⴽⴰ.

ⴱⴻⵏ ⵢⵧⵓⵛⴻⴼ ⴱⴰⵍⵧⵓⵀ ⴷ ⵢⵉⵡⴻⵏ ⵙⴻⴳ ⵢⵉⴱⴻⵏⵏⴰⵢⴻⵏ ⵉⴱⴻⵏⵏⵓⵏ ⵙ ⵡⴰⴽⴰⵍ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ 95% ⵙⴻⴳ ⵢⵉⵅⵅⴰⵎⴻⵏ ⵏ ⵢⵉⵖⵔⴻⵎ ⵏ ⵍⵄⴻⵟⵟⴰⴼ ⵜⵜⵡⴰⵔⴻⵇⵇⵄⴻⵏ « ⵙ ⵓⴼⵓⵙ ⵏ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵥⵡⵉⵔⴻⵏ ⴰⵔⴰ ⵏⴻⵖ ⵙ ⵓⴼⵓⵙ ⵏ ⵢⵉⵎⴰⵡⵍⴰⵏ ⵙ ⵜⵉⵎⵎⴰⴷ-ⵏⵙⴻⵏ », ⵢⴻⵔⵏⴰ ⴰⵅⴻⴷⴷⵉⵎ-ⵏⵙⴻⵏ ⴷⵉⵎⴰ ⵉⵅⵓⵚⵚ, ⴰⵎ ⵡⴰⴽⴽⴻⵏ ⴰⵢ ⴰⵙ-ⵢⴻⴽⴽⴻⵙ ⵙⵙⴻⵔ-ⵏⵏⴻⵙ ⵉ ⵢⵉⵖⵔⴻⵎ ⵙ ⵓⵎⴰⵜⴰ.

ⵎⴻⵏⵖⵉⵔ ⴰⵙⵙⴻⵣⵍⴻⴳ ⵏ ⵓⵅⴻⴷⴷⵉⵎ ⴷⴻⴳ ⵓⵔⴻⵇⵇⴻⵄ, ⴱⴰⵀⵎⴻⴷ ⵍⴰⵍⵧⵓⵜ ⵏ ⵜⵏⴰⵔⵉⵜ ⵏ ⵓⵃⵔⴰⵣ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵢⵉⵖⵣⴻⵔ ⵏ ⵎⵥⴰⴱ ⵢⴻⵙⵃⴰⵙⵙⴻⴼ ⵉⵎⵉ ⵉⵎⴻⵣⴷⴰⵖⴻⵏ ⵉⵏⴻⵚⵍⵉⵢⴻⵏ ⵊⵊⴰⵏ ⵍⴻⴱⵏⵉ ⴰⵇⴱⵓⵔ ⵏ ⵢⵉⵖⴻⵔⵎⴰⵏ, ⵓⵍⴰ ⵎⴰ ⵜⴰⵏⴰⵔⵉⵜ-ⴰ ⵍⴰ ⵜⴻⵜⵜⴻⴳ ⵍⵎⴻⵊⵀⵓⴷ ⴰⴽⴽⴻⵏ ⴰⴷ ⵜⴻⵏ-ⵜⴻⵙⵃⵓⵍⴼⵓ ⵖⴻⵔ ⵢⵉⴷⵉⵙ ⵏ ⵡⵉⴷ ⴰⵢ ⵢⴻⵜⵜⵃⵓⴷⴷⵓⵏ ⵜⵉⴳⴻⵎⵎⵉ ⵏ ⵜⴻⵎⵏⴰⴹⵜ-ⴰ ⵢⴻⵔⵏⴰ ⴳⴰⵏ-ⴷ ⵜⵉⴷⴷⵓⴽⵍⵉⵡⵉⵏ ⴰⵎ ⵜⵉⴷⴷⵓⴽⵍⴰ ⵏ ⵛⵛⵉⵅ ⴰⴱⵓ ⵉⵙⵃⴰⵇ ⵉⴱⵕⴰⵀⵉⵎ ⴰⵜⴼⵉⵛ.

ⴷ ⴰⵛⵓ ⴽⴰⵏ, ⴰⵟⴰⵙ ⵙⴻⴳ ⵡⵉⴷ ⴰⵢ ⵢⴻⵜⵜⴹⴰⴼⴰⵔⴻⵏ ⵜⴰⵎⵙⴰⵍⵜ-ⴰ ⴰⵢ ⵢⴻⵜⵜⵡⴰⵍⵉⵏ ⴷⴰⴽⴽⴻⵏ ⵓⵍⴰ ⵎⴰ ⵍⴰ ⴷ-ⵢⴻⵜⵜⵉⵍⵉ ⵛⵛⵖⴻⵍ ⵏ ⵓⵙⵃⵓⵍⴼⵓ ⴷ ⵓⵙⵙⴻⵍⵎⴻⴷ ⴷⴻⴳ ⵓⵏⵔⴰⵔ-ⴰ, ⴰⵢⴰ ⵓⵔ ⵉⵣⴻⵎⵎⴻⵔ ⴰⵔⴰ ⴰⴷ ⵉⴱⴻⴷⴷⴻⵍ ⵜⵉⵖⴰⵡⵙⵉⵡⵉⵏ ⵜⵉⵎⴻⵇⵔⴰⵏⵉⵏ ⵡⴰⵔ ⵎⴰ ⵢⴻⵍⵍⴰ-ⴷ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ ⵉⵎⴻⵣⴳⵉ ⵏ ⵓⵃⵔⴰⵣ ⵏ ⵢⵉⵖⵣⴻⵔ ⵏ ⵎⵥⴰⴱ.

ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⴷⴻⴳ 2007 ⵙ ⵜⴻⵏⵚⵉⵃⵜ ⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵎⴰⵣⵣⴰⵢⴻⵏ ⵏ ⵓⵏⴻⵙⵛⵧ ⴷⴻⴳ ⵜⵖⴻⵔⴷⴰⵢⵜ, ⴰⵖⴰⵡⴰⵙ-ⴰ ⵡⴻⵔⵄⴰⴷ ⵓⵔ ⵉⴼⵓⴽ ⴰⵔⴰ ⴰⵛⴽⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴻⴳ ⵜⵎⴻⵀⵍⴰ ⵏ ⵢⵉⴷⵍⴻⵙ ⵏ ⵜⵖⴻⵔⴷⴰⵢⵜ, « ⵜⴰⵏⴰⵔⵉⵜ-ⵏⵏⵉ ⵏ ⵜⴻⵣⵔⴰⵡⵉⵏ ⴰⵢ ⵢⴻⵜⵜⵡⴰⵡⴻⴽⴽⵍⴻⵏ ⵖⴻⴼ ⵡⴰⵢⴰ ⵜⵄⴻⴹⴹⴻⵍ ⴷⴻⴳ ⵓⵅⴻⴷⴷⵉⵎ-ⵏⵏⴻⵙ ».

ⴰⵏⴻⵎⵀⴰⵍ ⵏ ⵜⵏⴰⵔⵉⵜ ⵏ ⵓⵃⵔⴰⵣ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵢⵉⵖⵣⴻⵔ ⵏ ⵎⵥⴰⴱ (ⵧⵒⵠⵎ), ⵢⵧⵓⵏⴻⵙ ⴱⴰⴱⴰ ⵏⴻⴷⵊⴰⵔ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ ⵜⴰⵣⵔⴰⵡⵜ-ⴰ ⴰ ⵡⵉⵏ ⵢⵓⴼⴰⵏ ⴰⴷ ⴷ-ⵜⴻⵡⵊⴻⴷ « ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵓⴳⵓⵔ ⴰⵎⴻⵣⵡⴰⵔⵓ ⴷⴻⴳ ⵓⵙⵙⴻⴼⵄⴻⵍ-ⵏⵏⴻⵙ ⵏⴻⵜⵜⴰ ⴷ ⵜⴻⵎⵖⴻⵔ ⵏ ⵜⴻⵎⵏⴰⴹⵜ ⴰⵢ ⵢⴻⵜⵜⵡⴰⵃⴻⵔⵣⴻⵏ ⴷⴻⴳ ⵎⵥⴰⴱ.