ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ: ⵊⴰⵒⵓⵏ ⵜⴻⵔⵔⴰ ⵜⴰⵊⵎⵉⵍⵜ ⵉ ⵍⵎⴻⵊⵀⵓⴷ « ⴰⵎⴻⵇⵔⴰⵏ » ⵏ ⵍⴷⵣⴰⵢⴻⵔ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵊⴰⵒⵓⵏ ⵜⴻⵔⵔⴰ ⵜⴰⵊⵎⵉⵍⵜ ⵉ ⵍⵎⴻⵊⵀⵓⴷ « ⴰⵎⴻⵇⵔⴰⵏ » ⴰⵢ ⵉⴳⴰ ⵓⵏⴰⴱⴰⴹ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⵖⴻⵔ ⵓⵙⵜⴻⵏⵢⵉ, ⴰⵙⵙ ⵏ ⵍⵊⴻⵎⵄⴰ ⵢⴻⵣⵔⵉⵏ ⴷⴻⴳ ⴱⴰⵎⴰⴽⵧ, ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⴷ ⴰⵎⵜⴰⵡⴰ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⴽⴰⵍⴰ ⵏ ⵓⵎⵛⵉⵡⴻⵕ ⵏ ⵍⴷⵣⴰⵢⴻⵔ.
« ⵊⴰⵒⵓⵏ ⵜⵓⵎⴰⵔ (ⵜⴻⴼⵕⴻⵃ) ⵙ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵢ ⴷ-ⵢⵓⴼⵔⴰⵔⴻⵏ ⵙⴻⴳ ⵓⵎⵛⵉⵡⴻⵕ ⵢⴻⵍⴷⵉⵏ ⵉ ⵡⴰⴽⴽ ⵉⴷⵉⵙⴰⵏ ⵉ ⵍⵎⴻⵏⴷ ⵏ ⵜⴰⵍⵡⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⵢⴻⵜⵜⵡⴰⵙⵜⴻⵏⵢⴰ ⴰⵙⵙ ⵏ 15 ⵎⴰⵢⵓ ⴷⴻⴳ ⴱⴰⵎⴰⴽⵧ, ⴳⴰⵔ ⵓⵏⴰⴱⴰⴹ ⵏ ⵎⴰⵍⵉ ⴷ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵏ ⵓⴳⴰⴼⴰ ⵏ ⵎⴰⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⴰⵊⴰⵒⵓⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴰⵢ ⴷ-ⵢⴻⵡⵡⴹⴻⵏ ⵖⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
« ⴰⵎⵜⴰⵡⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⵢⴻⵙⵙⴻⴼⴽ ⴰⴷ ⵜ-ⵇⴰⴷⵔⴻⵏ ⴰⴽⴽ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵢⴻⵔⵏⴰ ⴰⴽⴰⵍⴰ ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ ⵢⴻⵙⵙⴻⴼⴽ ⴰⵢ ⴷ-ⵢⴻⵙⵙⴻⴱⴷⴻⴷ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵜⵎⵓⵔⵜ ⵙ ⵜⵖⴰⵡⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ « ⵊⴰⵒⵓⵏ ⵍⴰ ⵜⴻⵙⵙⴰⵔⴰⵎ ⴷⴰⴽⴽⴻⵏ ⵜⵉⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴰⵢ ⵡⴻⵔⵄⴰⴷ ⵓⵔ ⵙⵜⴻⵏⵢⴰⵏⵜ ⴰⵎⵜⴰⵡⴰ-ⴰ ⴰⴷ ⵜ-ⵙⵜⴻⵏⵢⵉⵏⵜ ⵡⴰⵔ ⵍⴻⵄⴹⵉⵍ ».
ⵊⴰⵒⵓⵏ « ⵜⴻⵔⵔⴰ ⵜⴰⵊⵎⵉⵍⵜ ⵉ ⵍⵎⴻⵊⵀⵓⴷ ⴰⵎⴻⵇⵔⴰⵏ ⴰⵢ ⵜⴳⴰ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⵢ ⵢⴻⵏⵀⴻⵕ ⵓⵏⴰⴱⴰⴹ ⴰⴷⵣⴰⵢⵔⵉ ⵢⴻⵔⵏⴰ ⵜⴻⵙⵙⴰⵡⴻⴹ ⵖⴻⵔ ⵓⵎⵜⴰⵡⴰ-ⴰ. ⴰⵏⴰⴱⴰⴹ ⵏ ⵊⴰⵒⵓⵏ ⴰⴷ ⵉⴽⴻⵎⵎⴻⴽⵍ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵡⴰⴽⴽ ⵍⴻⵛⵖⴰⵍ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵉ ⵍⵎⴻⵏⴷ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.
