ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵏⴻⵣⴷⵓⵖⵜ ⵏ ⴰⴰⴷⵍ: ⴰⵅⴻⵍⵍⴻⵚ ⵏ ⵓⵃⵔⵉⵛ ⵡⵉⵙ ⵙⵉⵏ ⴰⴷ ⵢⵉⵍⵉ ⴷⴻⴳ ⵜⵍⴰⵜⴰ ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⵏ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵍⵀⵓ ⴷ ⵜⵏⴻⴼⵍⵉⵜ ⵏ ⵜⵏⴻⵣⴷⵓⵖⵜ (ⴰⴰⴷⵍ) ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⴱⴷⵓ ⵜⴰⵎⵀⴻⵍⵜ ⵏ ⵓⵅⴻⵍⵍⴻⵚ ⵏ ⵓⵃⵔⵉⵛ ⵡⵉⵙ ⵙⵉⵏ ⵏ ⵙⵙⵓⵎⴰ ⵏ ⵜⵏⴻⵣⴷⵓⵖⵜ ⵏ ⵍⴻⴽⵔⴰ-ⵜⵉⵖⵉⵏ ⴷⴻⴳ ⵜⵍⴰⵜⴰ ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⵏ ⵓⵙⴻⴳⴳⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰ-ⴰ, ⵜⴰⵔⴻⴽ ⴱⴻⵍⴰⵔⵉⴱⵉ.

« ⴰⴰⴷⵍ ⵍⴰ ⵜⴻⵜⵜⴻⴳ ⴰⴽⴽ ⴰⵢⴻⵏ ⵓⵎⵉ ⵜⴻⵣⵎⴻⵔ ⴰⴽⴽⴻⵏ ⴰⴷ ⵜⴻⴳ ⵛⵛⵖⴻⵍ-ⴰ ⴷⴻⴳ ⵜⵍⴰⵜⴰ ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⵏ ⵓⵙⴻⴳⴳⴰⵙ ⵏ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵇⴻⵢⵢⴻⵎ ⵏ ⵓⵃⵔⵉⵛ ⵏ ⵜⵏⴻⵣⴷⵓⵖⵜ.

ⵜⴰⵎⵀⴻⵍⵜ-ⴰ ⴰⴷ ⵜⴻⵔⵣⵓ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍⴻⵏ ⵏ ⴰⴰⴷⵍ ⵏ 2001 ⴷ 2002 ⴷ ⴽⵔⴰ ⵏ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ 2013 « ⴰⵔⴰ ⴷ-ⵉⴱⴰⵏⴻⵏ ⴷⴰⴽⴽⴻⵏ ⵡⴻⵔⵊⵉⵏ ⴷ-ⵙⴼⴰⵢⴷⵉⵏ ⵙⴻⴳ ⴽⵔⴰ ⵏ ⵓⵅⵅⴰⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵡⴰⴽⴰⵍ « ⵍⵀⴰⵏ-ⴷ ⵉⵎⵉⵔ-ⴰ ⵙ ⵡⵓⵎⵓⵖⴻⵏ ⵏ ⵡⵉⴷ ⵢⴻⵎⵎⴻⵕⴽⴰⵏ ⴰⵢ ⴰⵙ-ⵢⵓⵣⴻⵏ ⵓⵖⵍⵉⴼ ⵏ ⵜⵏⴻⵣⴷⵓⵖⵜ ⴰⴽⴽⴻⵏ ⴰⴷ ⵃⴻⵜⵛⴻⵏ ⴼⴻⵍⵍ-ⴰⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⵛⵛⵖⴻⵍ-ⴰ ⴰⴷ ⴷ-ⵢⴻⵙⵙⴻⵄⵊⴻⵍ ⴰⵀⴻⵢⵢⵉ ⵏ ⵍⴻⵄⵇⵓⴷⴰⵜ ⵏ ⵓⵃⴰⵣⵉ ⴰⵎⴻⵏⵣⵓ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2001 ⴷ 2002 ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ. ⴷⴻⴳ ⵜⴻⴳⵔⴰⵡⵜ-ⴰ, 89.152 ⵏ ⵢⵉⵎⴷⴰⵏⴻⵏ ⴰⵢ ⵉⵅⴻⵍⵍⵚⴻⵏ ⴰⵃⵔⵉⵛ-ⵏⵙⴻⵏ ⴰⵎⴻⵣⵡⴰⵔⵓ, ⴳⴰⵔ-ⴰⵙⴻⵏ 66.436 ⵎⵎⴻⵕⴽⴰⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⵎⴰ ⴷ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2013, ⴰⴰⴷⵍ ⵎⴰⵣⴰⵍ-ⵉⵜⵜ ⵍⴰ ⴰⵙⴻⵏ-ⵜⴻⵜⵜⴰⵣⴻⵏ ⵍⴰⵎⴻⵕ ⵏ ⵓⵅⴻⵍⵍⴻⵚ. ⴷⵖⴰ 541.423 ⵏ ⵍⴻⴽⵡⴰⵖⴻⴹ ⵏ ⵍⴰⵎⴻⵕ ⵏ ⵓⵅⴻⵍⵍⴻⵚ ⴰⵢ ⵢⴻⵜⵜⵡⴰⵣⵏⴻⵏ ⵙⴻⴳ ⵓⵊⴻⵎⵎⴰⵍ ⵏ 560.568 ⵏ ⵢⵉⴽⴰⵔⴰⵎⴻⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ 142.230 ⵏ ⵍⴻⴽⵡⴰⵖⴻⴹ ⵏ ⵍⴰⵎⴻⵕ ⵏ ⵓⵅⴻⵍⵍⴻⵚ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵜⵎⴰⵏⴻⵖⵜ.

ⴰⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵓⵙⵙⴻⵇⵄⴻⴷ ⵏ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⵉⵡⴻⵚⵚⴰ ⴰⵏⴻⵎⵀⴰⵍ ⵏ ⴰⴰⴷⵍ ⴰⴽⴽⴻⵏ « ⴰⴷ ⵢⴻⴼⵔⵓ ⵓⴳⵓⵔ ⵏ ⵡⴰⴽⴽ ⵡⵉⴷ ⵢⴻⵎⵎⴻⵕⴽⴰⵏ ⵢⴻⵔⵏⴰ ⵡⴻⵔⵄⴰⴷ ⵓⵔ ⵜⴻⵏ-ⵉⴷ-ⵢⴻⵡⵡⵉⴹ ⵍⴰⵎⴻⵕ ⵏ ⵓⵅⴻⵍⵍⴻⵚ », ⵢⴻⵔⵏⴰ ⵢⴻⵣⵎⴻⵔ ⵍⵃⴰⵍ, ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵡⴰⵢⴰ, ⴰⴷ ⵜⵜⵡⴰⵍⴷⵉⵏ ⵍⴱⵉⵔⵓⵡⴰⵜ ⵏ ⵓⵎⵎⴰⴳⴻⵔ ⵏ ⵎⴻⴷⴷⴻⵏ ⴷ ⵡⴰⵡⴰⵍ ⵢⵉⴷ-ⵙⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴻⵏⴼⴰⵔⴻⵏ ⵏ ⴰⴰⴷⵍ, 145.523 ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⵍⵍⴰⵏ ⴷⴻⴳ ⵓⵙⴻⵏⴼⴰⵔ ⴳⴰⵔ-ⴰⵙⴻⵏ 38.850 ⴱⴷⴰⵏ ⵙ ⵍⴻⴱⵏⵉ ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ-ⴰ.

ⵙⴻⴳ ⵓⵊⴻⵎⵎⴰⵍ ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⴱⴷⴰⵏ ⵙ ⵍⴻⴱⵏⵉ, ⵜⴰⵏⴻⴳⴳⴰ ⵜⴻⵃⵙⴻⴱ-ⴷ 106.673 ⴰⵢ ⴷ-ⵉⵡⴻⵊⴷⴻⵏ ⵙ ⴳⴰⵔ 10 ⴷ 14%, ⵎⴰ ⴷ ⵜⵉⵢⴰⴹ, ⵎⴰⵣⴰⵍ-ⵉⵜⴻⵏⵜ ⴷⴻⴳ ⵓⵃⵔⵉⵛ ⵏ ⵍⴻⵄⵇⴻⴷ ⴷ ⵜⴽⴻⴱⴱⴰⵏⵉⵢⵉⵏ ⵏ ⵍⴻⴱⵏⵉ.

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⴱⴷⵓ ⵍⴻⴱⵏⵉ ⵏ 84.477 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ ⵓⵇⴱⴻⵍ ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴽⴽⴻⵏ ⴰⴷ ⵢⴻⴱⴷⵓ ⵡⴰⵀⵉⵍ ⵏ ⵍⴻⴱⵏⵉ ⵏ ⴰⴰⴷⵍ ⵙ ⵍⴻⴽⵎⴰⵍ-ⵏⵏⴻⵙ, ⴷ ⵡⵉⵏ ⴰⵢⴷⴻⴳ ⴰⵔⴰ ⵜⵜⵡⴰⴱⵏⵓⵏⵜ, ⵙ ⵓⵊⴻⵎⵎⴰⵍ, 230.000 ⵏ ⵜⵏⴻⵣⴷⵓⵖⵉⵏ.

ⴰⴰⴷⵍ ⵍⴰ ⵜⴻⵜⵜⴻⵎⵛⴰⵡⴰⵕ ⵉⵎⵉⵔ-ⴰ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵔⵙⴻⵏ ⴷⴻⴳ ⵡⵓⵎⵓⵖ ⴰⵡⴻⵣⵍⴰⵏ ⵏ ⵜⵉⴷ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵍⴻⴱⵏⵉ ⵏ 47.637 ⵏ ⵜⵏⴻⵣⴷⵓⵖⵉⵏ.

ⵉⴽⴰⵔⴰⵎⴻⵏ-ⵏⵙⴻⵏⵜ ⴰⴷ ⵜⵜⵡⴰⵣⵏⴻⵏ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⵔ ⵓⵖⵍⵉⴼ ⴰⴽⴽⴻⵏ ⴰⴷ ⵜⴻⵏ-ⵢⴻⴼⴽ ⵉ ⵓⵏⴰⴱⴰⴹ ⵉ ⵓⵇⴱⴰⵍ-ⵏⵙⴻⵏⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵜⴻⴱⴱⵧⵓⵏⴻ ⵉⵡⴻⵚⵚⴰ ⵉⵎⴹⴻⴱⴱⵔⴻⵏ ⵏ ⵜⵏⴻⴳⴳⴰ-ⴰ ⴰⴽⴽⴻⵏ ⴰⴷ ⵇⴰⴷⵔⴻⵏ ⵚⵚⵉⴼⴰ ⵏ ⵍⴻⴱⵏⵉ ⴷⴻⴳ ⵜⴻⵎⵏⴰⴹⵉⵏ ⵏ ⵓⵏⵥⵓⵍ, ⵢⴻⵔⵏⴰ ⵚⵚⵉⴼⴰⵜ-ⴰ ⵜⵜⵡⴰⴱⴻⴷⵔⴻⵏⵜ-ⴷ ⴷⴻⴳ ⵍⵇⴰⵏⵓⵏ ⵏ 2013, ⴷⵖⴰ, ⵖⴻⴼ ⵓⵎⴻⴷⵢⴰ, ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵉⵄⴻⴷⴷⵉ ⵍⴻⴱⵏⵉ ⴷⵉⵏ ⵉ ⵏⵏⵉⴳ ⵏ ⵙⵉⵏ ⵏ ⵡⴰⵏⵏⴰⴳⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵔⴻⴽ ⵏ ⵢⵉⵖⴰⵔⴰⵎⴻⵏ ⵏ ⴰⴰⴷⵍ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴳⴻⵣⴷⵓ-ⵏⵏⴻⵙ ⵢⴻⵡⵊⴻⴷ ⴰⴽⴽⴻⵏ ⴰⴷ ⴷ-ⵢⴻⴼⴽ ⵍⴻⵎⵄⴰⵡⵏⴰ ⵢⴻⵙⵙⴻⴼⴽⴻⵏ, ⵢⴻⵔⵏⴰ ⴰⴷ ⴷ-ⵢⵉⵍⵍⵉ ⵡⴰⵢⴰ ⵙ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵏ ⵢⵉⵍⴻⵎⵥⵉⵢⴻⵏ ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵓⵙⵙⴻⴼⵔⴻⴽ ⵏ ⵢⵉⵖⴰⵔⴰⵎⴻⵏ ⵙ ⵓⵇⴰⴷⴻⵔ ⵏ ⵢⵉⵎⴻⵏⵣⴰⵢⴻⵏ ⵏ ⵚⵚⴻⵏⵄⴰ-ⴰ: ⵜⴰⵖⴻⵍⵍⵉⵙⵜ (ⵍⴰⵎⴰⵏ), ⴰⵃⵔⴰⵣ ⵏ ⵡⴰⵢⵍⴰ ⴰⵏⴰⴳⴷⵓⴷ ⴷ ⵓⵙⴰⵄⴻⴼ ⵏ ⵢⵉⵎⴻⵣⴷⴰⵖⴻⵏ ⴰⴽⴽⴻⵏ ⵉⵡⴰⵜⴰ.