ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵏⴻⵣⴷⵓⵖⵜ: ⴰⴼⵔⴰⵇ ⵏ 3000 ⵏ ⵜⵏⴻⵣⴷⵓⵖⵉⵏ ⵢⴰⵍ ⵜⵍⴰⵜⴰ ⵏ ⵡⴰⵢⵢⵓⵔⴻⵏ ⵙⴻⴳ 2016 ⴷ ⴰⵙⴰⵡⴻⵏ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵎⴰⵍ ⴰⵚⵓⴽⴰⵏ (ⴻⵏⵒⵉ) ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⵇⵇⴻⵍ ⴰⴷ ⴷ-ⵜⴻⵜⵜⴰⴹⴹⴰⴼ 3000 ⵏ ⵜⵏⴻⵣⴷⵓⵖⵉⵏ ⵏ ⵍⵒⵒ ⵢⴰⵍ 3 ⵏ ⵡⴰⵢⵢⵓⵔⴻⵏ ⵙⴻⴳ ⵓⵙⴻⴳⴳⴰⵙ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵏⴻⵎⵀⴰⵍ-ⵏⵏⴻⵙ ⴰⵎⴰⵜⵓ, ⵎⵧⵀⴰⵎⴻⴷ ⴱⴻⵍⵀⴰⴷⵉ.

ⵜⵉⵏⴻⵣⴷⵓⵖⵉⵏ ⵏ ⵡⴰⵀⵉⵍ ⴰⵙⵎⴰⵍⴰⵏ ⴰⵏⴰⴳⴷⵓⴷ (ⵍⵒⵒ)

« ⵜⵜⵡⴰⴷⴷⵎⴻⵏ ⴰⴽⴽ ⵢⵉⵃⴻⵣⵣⵉⴱⴻⵏ ⴰⴽⴽⴻⵏ ⴰⴷ ⴷ-ⵢⴻⵡⵊⴻⴷ ⵛⵛⵖⴻⵍ ⴷⴻⴳ ⵍⴰⵡⴰⵏ ⵢⴻⵔⵏⴰ ⴰⴷ ⴷ-ⵜⵜⵡⴰⴹⴹⴼⴻⵏⵜ 3000 ⵙⴻⴳ ⵜⵏⴻⵣⴷⵓⵖⵉⵏ-ⴰ ⵢⴰⵍ 3 ⵏ ⵡⴰⵢⵢⵓⵔⴻⵏ ⵙⴻⴳ 2016 ⴷ ⴰⵙⴰⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵇⴻⵢⵢⴻⵎ ⵏ ⵓⵃⵔⵉⵛ ⵏ ⵜⵏⴻⵣⴷⵓⵖⵜ.

ⴰⴼⵎⵉⴹⵉ ⵏ ⵓⵡⵊⴰⴷ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ-ⴰ ⵢⴻⵎⴳⴻⵔⵔⴰⴷ ⵖⴻⴼ ⵍⴻⵃⵙⴰⴱ ⵏ ⵎⴻⵍⵎⵉ ⴰⵢ ⴱⴷⴰⵏⵜ ⵙ ⵍⴻⴱⵏⵉ, ⵢⴻⵔⵏⴰ ⵍⵍⴰⵏ ⴽⵔⴰ ⵏ ⵢⵉⵙⴻⵏⴼⴰⵔⴻⵏ ⴰⵢ ⴷ-ⵉⵡⴻⵊⴷⴻⵏ ⵙ 10%, ⵡⵉⵢⴰⴹ ⵙ 30%, ⵎⴰ ⴷ ⴽⵔⴰ ⵡⴻⵊⴷⴻⵏ-ⴷ ⵙ 70%.

Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⴻⵍⵀⴰⴷⵉ, ⵜⴰⴽⴻⴱⴱⴰⵏⵉⵜ ⵏ ⴻⵏⵒⵉ ⵜⴻⵃⵙⴻⴱ-ⴷ ⴱⴻⴷⴷⵓ ⵏ ⵍⴻⴱⵏⵉ ⵏ 37.949 ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⴳⴰⵔⴰ ⵏ ⵢⴻⴱⵔⵉⵔ 2015, ⴳⴰⵔ-ⴰⵙⴻⵏⵜ 16.532 ⵏ ⵜⵏⴻⵣⴷⵓⵖⵉⵏ ⴷⴻⴳ ⵍⴷⵣⴰⵢⴻⵔ.

ⵜⴰⵛⵔⴰⵡⵜ-ⴰ ⵜⴻⴷⴷⴰ-ⴷ ⴷⴷⴰⵏⵜ-ⴷ ⴷⴻⴳ-ⵙ ⴷⴰⵖ 375 ⵏ ⵜⵏⴻⵣⴷⵓⵖⵉⵏ ⵜⵓⴷⵎⴰⵡⴰⵏⵉⵏ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⴷ ⵢⵉⴳⵏⴰⵏ ⵓⵏⵏⵉⴳⴻⵏ.

36% ⵙⴻⴳ ⵢⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵏ ⵍⵒⵒ ⵍⵀⴰⵏⵜ-ⴷ ⵢⴻⵙ-ⵙⴻⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ, 61% ⵙⴻⴳ-ⵙⴻⵏ ⵍⵀⴰⵏⵜ-ⴷ ⵢⴻⵙ-ⵙⴻⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ, ⵎⴰ ⴷ 3% ⵙⴻⴳ-ⵙⴻⵏ ⵍⵀⴰⵏⵜ-ⴷ ⵢⴻⵙ-ⵙⴻⵏ ⵜⴽⴻⴱⴱⴰⵏⵉⵢⵉⵏ ⵜⵓⵅⵍⵉⴹⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⵖ.

ⵉⵙⴻⵏⴼⴰⵔⴻⵏ-ⴰ ⴰⴷ ⵇⴰⵎⴻⵏ ⴰⴽⴽ ⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⵉⵎⴰⵏ-ⵏⵙⴻⵏ ⴷⴻⴳ ⴰⵀⵉⵍ-ⴰ, ⵢⴻⵔⵏⴰ 48.361 ⵙⴻⴳ ⵡⵉⴷ ⵢⴻⵎⵎⴻⵕⴽⴰⵏ ⵢⴻⵡⵡⴻⴹ-ⵉⵜⴻⵏ ⵍⴰⵎⴻⵕ ⵏ ⵓⵅⴻⵍⵍⴻⵚ, ⴷⴻⴳ ⵡⴰⴽⵓⴷ ⴰⵢⴷⴻⴳ 32.242 ⵅⴻⵍⵍⵚⴻⵏ ⵢⴰⴳⵉ ⴰⵃⵔⵉⵛ ⴰⵎⴻⵣⵡⴰⵔⵓ.

ⵜⴰⴽⴻⴱⴱⴰⵏⵉⵜ ⵏ ⴻⵏⵒⵉ ⵓⵔ ⴷ-ⵜⴻⴹⴹⵉⴼ ⵓⵍⴰ ⴷ ⵢⵉⵡⴻⵏ ⵏ ⵓⵙⵙⵓⵜⴻⵔ ⴷⴻⴳ ⵜⵡⵉⵍⴰⵢⵉⵏ ⵏ ⵉⵍⵍⵉⵣⵉ, ⵏⵏⵄⴰⵎⴰ, ⵜⴰⵎⴻⵏⵖⴻⵙⵜ ⴷ ⵜⵉⵏⴷⵓⴼ, ⵎⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⴱⴷⴰ ⵍⴻⴱⵏⵉ ⵏ 10.000 ⵏ ⵜⵏⴻⵣⴷⵓⵖⵉⵏ ⴰⴽⴽⴻⵏ ⴰⴷ ⴷ-ⵇⴰⵎⴻⵏ ⴰⵙⵙⵓⵜⴻⵔ ⴷⴻⴳ ⵜⵡⵉⵍⴰⵢⵜ-ⴰ.

Ɣⴻⴼ ⵍⴻⵃⵙⴰⴱ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⴻⵏⵒⵉ, ⵜⴰⴽⴻⴱⴱⴰⵏⵉⵜ-ⴰ ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵜⴻⴱⴷⵓ ⵍⴻⴱⵏⵉ ⵏ 2000 ⵏ ⵜⵏⴻⵣⴷⵓⵖⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⵡⵉⵍⴰⵢⵜ ⵏ ⵍⴷⵣⴰⵢⴻⵔ ⵜⵄⴻⵡⵡⴻⵍ ⴰⴽⴽⴻⵏ ⴰⴷ ⴷ-ⵜⴰⴼ ⴰⴽⴰⵍ ⴰⵢ ⵜⴻⵃⵡⴰⵊ ⵉ ⵍⴻⴱⵏⵉ-ⴰ ⴷⴻⴳ ⵡⴰⵢⵢⵓⵔ ⴰⵢ ⴷ-ⵢⴻⵜⵜⴻⴷⴷⵓⵏ.

ⵜⴰⴽⴻⴱⴱⴰⵏⵉⵜ-ⴰ ⵜⴻⵙⵙⴻⵃⴱⵉⴱⵉⵔ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵖⴻⴼ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵜⵖⴰⵔⴰ ⴷⴻⴳ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵜⵉⵏⴰⴳⴷⵓⴷⵉⵏ (ⵍⵒⵒ) ⴰⴽⴽⴻⵏ ⴰⴷ ⵜⴻⴷⴷⵓ ⴷⴻⴳ ⵍⴻⴱⵖⵉ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵍⵀⴰⴷⵉ.

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵙⴻⴳ ⵎⴻⵍⵎⵉ ⴽⴰⵏ ⴰⵢ ⴷ-ⵢⴻⵏⵏⵓⵍⴼⴰ ⵢⵉⵡⴻⵏ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⴻⵣⵔⴰⵡⵉⵏ ⴷ ⵢⵉⵏⴰⴷⵉⵢⴻⵏ ⵢⴻⵏⵏⵓⵎⵎⴷⴻⵏ ⵏ ⵓⵣⴰⴷⵓⵖ (ⵛⵏⴻⵔⵉⴱ) ⴰⴽⴽⴻⵏ ⴰⴷ ⴷ-ⵢⴻⵜⵜⵀⴻⵢⵢⵉ ⴰⵣⵎⴰⵎ ⵏ ⵛⵛⵓⵔⵓⴹ ⴰⵢⴷⴻⴳ ⴰⵔⴰ ⴷ-ⴷⴷⵓⵏ ⴰⴽⴽ ⵛⵛⵓⵔⵓⴹ ⵏ ⵜⵖⴰⵔⴰ ⴷ ⵕⵕⴰⵃⴰ ⴷⴻⴳ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵜⵏⴰⴳⴷⵓⴷⵉⵏ (ⵍⵒⵒ).

ⵜⵉⵏⴻⵣⴷⵓⵖⵉⵏ-ⴰ ⴰⴷ ⵙⵄⵓⵏⵜ ⴰⴽⴽ ⵜⵜⴰⵡⵉⵍ ⵢⴻⵃⵡⴰⵊ ⵓⵅⵅⴰⵎ, ⴳⴰⵔ-ⴰⵙⴻⵏ ⴰⵃⴻⵎⵎⴰⵢ ⵏ ⵡⴰⵎⴰⵏ, ⴰⵙⵏⴻⵣⵡⴰⵢ, ⵉⵎⵙⵉⵙⵎⴻⴹ, ⵜⴰⵎⴰⵛⵉⵏⵜ ⵏ ⵜⴰⵔⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵉⵖⴰⵔⴰⵎⴻⵏ ⵏ ⵜⵏⴻⵣⴷⵓⵖⵜ ⵜⴰⵙⵎⴰⵍⴰⵏⵜ ⵜⴰⵏⴰⴳⴷⵓⴷⵜ (ⵍⵒⵒ) ⴰⴷ ⵉⵍⵉⵏ ⴷ ⵜⵉⴳⵔⵓⵎⵎⵉⵡⵉⵏ ⵢⴻⵏⵏⵓⵎⵎⴷⴻⵏ ⵢⴻⵔⵏⴰ ⴰⴷ ⵙⵄⵓⵏ ⴰⴽⴽ ⴰⵢⴻⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵜⵓⴷⴻⵔⵜ ⴰⵎ ⵜⵃⵓⵏⴰ, ⵍⴱⵉⵔⵓⵡⴰⵜ ⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ), ⵜⴰⵍⵍⵓⵏⵉⵏ ⵜⵉⵣⴻⴳⵣⴰⵡⵉⵏ ⴷ ⵜⴰⵍⵍⵓⵏⵉⵏ ⵏ ⵣⵣⵀⵓ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵓⴽⵛⵉ ⵏ ⵍⴽⴰⵖⴻⴹ ⵏ ⵓⵃⴰⵣⵓ ⴰⵎⴻⵏⵣⵓ ⴰⴷ ⴷ-ⵜⴻⴱⴷⵓ ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ, ⵢⴻⵔⵏⴰ ⴰⴷ ⵣⵡⵉⵔⴻⵏ ⴷⴻⴳ ⵡⵉⴷ ⴰⵢ ⵎⵎⴻⵕⴽⴰⵏ ⴷⴻⴳ ⴰⴰⴷⵍ ⴷⴻⴳ 2001-2002 ⵙⴰⴽⴽⵉⵏ ⵔⵔⴰⵏ-ⵜⴻⵏ ⵖⴻⵔ ⵍⵒⵒ ⵙⴷⴻⴼⴼⵉⵔ ⵎⴰ ⵔⵏⴰⵏ ⴷⴻⴳ ⵍⴻⵅⵍⴰⵚ.