Asebter amenzawi

22 irebraben ttwanɣan di Tubirett akk d tririt n tḥawact muqṛen n ibeckiḍen d teṛṣaṣin

Lezzayer- snat n tmerwin d sin (22) irebraben ttwanɣan ass n ttlata di Tubirett sɣuṛ tajlibt n lɛeṣkeṛ aɣelnaw apqerfan (ANP), rnan daɣen rran-d azal d amuqṛan ibeckiḍen akk d teṛṣaṣin, id-iwekked yiwen n wulɣu n weɣlif n temḥaddit taɣelnawt (MDN). " lawan n yiwet n ẓẓeḍma yeqwan yemmezdin, yettwaxedmen tama n Ferkioua (tawilayt n Tubirett), tijlabin n ANP, yeqqnen ɣer yidisan igawanen n Tubirett , n Blida d Boumerdès (tamnaḍt taserdast 1u), ṣsaɣlin di tmeddit n wass n 19 mayu 2015, snat n tmerwin d sin (22) irebraben", i yettwaru deg wulɣu-yagi. ḥaṛṛen-d daɣen "mraw d yiwen (11) n tmatrayuzin yettusemman klacinikub, yiwen umitrayur (1) yettusemman (FMPK), tam (8) tmatrayuzin tuṭumatikiyin yettusemman Siminub, tamatrayuzt n tmuɣli un (1) , yiwen ukabus uettusemman à pompe, amewwat n tegrenadin, tamekḥelt n ṣyada yettwagezmen, yiwet(1) tkabust tuṭumatikt, d wazal muqqṛen n lḥeṛǧ d tɣawsiwin-nniḍen",id-iwekked wulɣu-yagi. Aɣlif n temḥaddit taɣelnawt MDN yenna-d belli " tamesgawt-agi mazal tettkemmil".