ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⵓⴽⵍⵉ ⵜⴰⴼⵔⵉⵇⵉⵜ: ⵜⴻⵙⵙⴻⴼⴽ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ ⵏ ⴱⵓⵔⵓⵏⴷⵉ
ⵏⴰⵉⵔⵧⴱⵉ – ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵃⴻⵜⵜⴻⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵙⴱⴰⵏ ⵓⵏⴰⴱⴰⴹ ⵏ ⴱⵓⵔⵓⵏⴷⵉ ⴷ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⵏⵏⴻⵢⵢⴰ-ⵏⵙⴻⵏ ⵉ ⵜⵉⴽⴽⴻⵍⵜ ⵏⵉⴹⴻⵏ ⴷⴰⴽⴽⴻⵏ ⵡⴻⵊⴷⴻⵏ ⴰⴷ ⵏⴰⴷⵉⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵢⵖⴻⴼ ⴰⵔⴰ ⵎⵙⴻⴼⵀⵎⴻⵏ ⴰⴽⴽ ⴰⴽⴽⴻⵏ ⴰⴷ ⵜⴼⴰⴽ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⴰ ⵏ ⵜⴻⴼⵔⵉⵇⵜ ⵜⴰⴳⵎⵓⴹⴰⵏⵜ.
ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ-ⵣⵓⵎⴰ, ⵜⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ ⵜⴻⵇⵇⴻⵍ-ⴷ ⵜⵎⵓⵔⵜ ⵏ ⴱⵓⵔⵓⵏⴷⵉ ⵖⴻⵔ ⵍⴻⵃⴽⴻⵎ ⵏ ⵜⵎⴻⵏⴹⴰⵡⵜ, ⴷ ⴰⵛⵓ ⴽⴰⵏ, ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵍⴰ ⴰⵎⵛⵉⵡⴻⵕ ⵏ ⵜⵉⴷⴻⵜ ⵖⴻⴼ ⵡⴰⴽⴽ ⵓⴳⵓⵔⴻⵏ ⵏ ⵜⴻⵙⵡⵉⵄⵜ-ⴰ ⴰⵔⴰ ⵉⴹⴻⵎⵏⴻⵏ ⴰⵃⵔⴰⵣ ⵏ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⴱⵏⴰⵏ ⵙⴻⴳ ⵓⵙⴻⴳⴳⴰⵙ ⵏ 2000, ⴰⵙⵎⵉ ⴰⵢ ⵙⵜⴻⵏⵢⴰⵏ ⴰⵎⵜⴰⵡⴰ ⵏ ⴰⵔⵓⵙⵀⴰ ⵉ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴷⴻⴳ ⴱⵓⵔⵓⵏⴷⵉ, ⵢⴻⵔⵏⴰ ⴷ ⴰⵢⴰ ⴽⴰⵏ ⴰⵢ ⵉⵣⴻⵎⵔⴻⵏ ⴷⴰⵖ ⴰⴷ ⵢⴻⵊⵊ ⵜⵓⴳⴷⵓⵜ ⴰⴷ ⵜⴻⴼⴽ ⵉⵥⵓⵔⴰⵏ ⴷⴻⴳ ⵜⵎⵓⵔⵜ, ⴰⴷ ⵢⴻⵊⵊ ⵉⴱⵓⵔⵓⵏⴷⵉⵢⴻⵏ ⴰⴷ ⴷ-ⴱⵏⵓⵏ ⴰⵡⴰⵏⴰⴽ ⵏ ⵍⵇⴰⵏⵓⵏ ⵢⴻⵔⵏⴰ ⴰⴷ ⴷ-ⵙⵏⵓⵍⴼⵓⵏ ⵜⴰⴳⵏⵉⵜ ⵉⵡⴰⵜⴰⵏ ⵉ ⵜⴻⴼⵔⴰⵏⵉⵏ ⴰⵔⴰ ⴷ-ⵢⵉⵍⵉⵏ ⵙ ⵜⴰⵍⵡⵉⵜ, ⵙ ⵜⵍⴻⵍⵍⵉ, ⵡⴰⵔ ⵓⴳⵓⵔⴻⵏ, ⴷ ⵜⵉⴼⵔⴰⵡⴰⵏⵉⵏ, ⵙⵄⴰⵏⵜ ⵍⴰⵎⴰⵏ ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙⴻⵏⵜ ⴰⴽⴽ ⵢⵉⴷⵉⵙⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵓⴷⴻⴳ-ⵏⵏⴻⵙ ⵏ ⵉⵏⵜⴻⵔⵏⴻⵜ.
ⵜⴰⴳⵏⵉⵜ ⵏ ⵜⴻⵙⵡⵉⵄⵜ-ⴰ ⴷⴻⴳ ⴱⵓⵔⵓⵏⴷⵉ ⴷ ⵜⵉⵏ ⴰⵢⴷⴻⴳ « ⴰⵔⴰ ⴷ-ⵢⴻⴼⵔⵓⵔⵉ ⵓⵃⴻⵎⵎⴻⵍ ⵏ ⵜⵎⵓⵔⵜ ⵙ ⵍⵊⴻⵀⴷ ⵙⵖⵓⵔ ⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ », ⴷ ⵉⴷⵉⵙⴰⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵜⵉⵅⵔⴻⵏ ⵉ ⵡⴰⴽⴽ ⵍⴻⵛⵖⴰⵍ ⴰⵢ ⵉⵣⴻⵎⵔⴻⵏ ⴰⴷ ⴱⴹⵓⵏ ⵜⴰⵎⵓⵔⵜ, ⵢⴻⵔⵏⴰ ⴰⴷ ⵅⴻⴷⵎⴻⵏ ⵉ ⵍⵎⴻⵏⴷ ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ ⵙ ⵓⵙⵙⴻⵃⴱⵉⴱⴻⵔ ⵖⴻⴼ ⵏⵏⴼⴻⵄ ⵏ ⴱⵓⵔⵓⵏⴷⵉ ⴷ ⵓⵖⵔⴻⴼ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵙⵄⵓⵏ ⴰⵙⵡⵉⵔ ⴷ ⵓⵏⵏⵉⴳ ⵏ ⵜⵎⴰⵙⵉⵜ ⴰⴽⴽⴻⵏ ⴰⴷ ⵃⴻⵔⵣⴻⵏ ⵜⴰⵎⵓⵔⵜ ⵙⴻⴳ ⵛⵛⵡⴰⵍ ⴰⵎⴻⵇⵔⴰⵏ, ⴰⵎⵙⴻⵔⵡⵉ ⴷ ⵜⴻⴽⵔⵉⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ.
ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴰⴷⵓⴽⵍⵉ-ⴰ ⵜⵄⴻⵡⵡⴻⵍ ⴰⴽⴽⴻⵏ ⴰⴷ ⵜⴻⴳ ⴰⴽⴽ ⴰⵢⴻⵏ ⵓⵎⵉ ⵜⴻⵣⵎⴻⵔ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵏⴻⵔⵏⵉ ⴰⴷⵓⵎⴰⵏ ⵏ ⵜⴰⵍⵡⵉⵜ, ⵏ ⵜⵖⴻⵍⵍⵉⵙⵜ, ⵏ ⵜⵓⴳⴷⵓⵜ ⴷ ⵓⵔⴽⴰⴷ ⴷⴻⴳ ⴱⵓⵔⵓⵏⴷⵉ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵎⵄⴰⵡⴻⵏ ⴰⵎⴻⵇⵔⴰⵏ ⴷ ⵓⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ (ⵛⴰⴻ) ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵖⴻⵔ ⵢⵉⴷⵉⵙ ⵏ ⵍⴻⵎⵄⴰⵡⵏⴰ ⵏ ⵢⵉⵛⵔⵉⴽⴻⵏ ⵉⴳⵔⴰⵖⵍⴰⵏⴻⵏ.
