ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⵢⵉⵇⵔⵉⴱⴻⵏ ⵏ ⵓⵔⴻⴱⵔⴰⴱ ⴰⴱⴷⴻⵍⵀⴰⵎⵉⴷ ⴰⴱⵧⵓ ⵣⴻⵉⴷ : ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⵙ ⵍⵃⴻⴱⵙ ⵏ ⵍⴻⴱⴷⴰ

ⵍⴻⵣⵣⴰⵢⴻⵔ ⵜⴰⵎⴰⵏⴰƔⵜ – ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⵙ ⵍⵃⴻⴱⵙ ⵏ ⵍⴻⴱⴷⴰ, ⴳⴻⵔ ⵡⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⵖⴻⵔ ⵍⴰⵔⴻⴱⵄⴰ ⵙ ⵓⴷⴻⵎ ⵏ ⵚⵚⴱⴻⵃ, ⴷⴻⴳ ⵡⴻⵅⵅⴰⵎ ⵏ ⵛⵛⵔⴻⵄ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵎⴳⴰⵍ ⵟⴰⵎ (8) ⵢⴻⵎⴷⴰⵏⴻⵏ ⴳⴻⵔ-ⴰⵙⴻⵏ ⵎⵎⵉ-ⵙ ⴷ ⵙⵉⵏ ⵡⴰⵜⵎⴰⵜⴻⵏ ⵏ ⵓⵔⴻⴱⵔⴰⴱ ⴰⴱⴷⴻⵍⵀⴰⵎⵉⴷ ⴰⴱⵧⵓ ⵣⴻⵉⴷ, ⵙⴻⴳ ⵢⴻⵙⵍⴰ ⵓⵏⴻⵣⵣⴰⵔⴼⵓ ⵉ ⵡⴰⵢⴻⵏ ⴰⴽⴽ ⴷ-ⵏⵏⴰⵏ.

ⴰⵣⴰⵔⴰⴼ ⴰⵏⴻⴳⴳⴰⵔⵓ ⴰⴷ ⵜ-ⵉⴷ-ⵉⵏⵉⵏ ⴰⵙⵙ ⵏ ⵍⴰⵔⴻⴱⵄⴰ ⵎⴱⴻⵄⴷ ⵉⵎⴻⴽⵍⵉ ⵙⴻⴳ ⴰⵔⴰ ⵢⴻⴽⴼⵓ ⵢⵉⵏⴰⵡ ⵏ ⵜⴻⵎⵃⴰⴷⴷⵉⵜ ⵉ ⵍⴰ ⵉⵜⴻⴷⴷⵓⵏ ⵉⵎⵉⵔⴰ ⴷⴻⴳ ⵡⴻⵅⵅⴰⵎ ⵏ ⵜⴻⵖⴷⴻⵎ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ.

ⴷⴻⴳ ⵡⴰⵡⴰⵍ-ⵉⵙ, ⴰⴳⴻⵏⵙⴰⵙ ⵏ ⵓⵖⵍⵉⴼ ⴰⵣⴰⵢⴻⵣ, ⵉⵙⴻⵎⵎⴰ-ⴷ ⴰⵢⴻⵏ ⵢⴻⵅⴷⴻⵎ ⵓⵎⴻⵜⵀⵓⵎ, ⴷ ⵜⵉⵖⴰⵡⵙⵉⵡⵉⵏ ‘’ⵜⵉⵡⴻⵄⵔⴰⵏⵉⵏ’’ ⵢⴻⴽⵍⴰⵍⴻⵏ ⵜⴰⵎⴻⵔⵏⵓⵜ (ⴰⵃⴰⵙⴻⴱ) ⴰⵔⴰ ⵢⵉⵍⵉⵏ ⴷ ⴰⵎⴻⴷⵢⴰ. ⴰⵖⵍⵉⴼ ⴰⵣⴰⵢⴻⵣ ⵓⵔ ⴷ ⵢⴻⵏⵏⵉ ⴽⵔⴰ ⵖⴻⴼ ⴽⵓⵥ (4) ⵏ ⵢⴻⵎⴷⴰⵏⴻⵏ-ⵏⵏⵉ ⵉⵔⴻⵡⵍⴻⵏ.

ⵎⵉ ⵍⵍⴰⵏ ⵜⵜⵄⴻⴷⴷⵉⵏ ⴷⴻⴳ ⵛⵛⵔⴻⵄ ⵟⴰⵎ (8) ⵏ ⵢⴻⵎⴷⴰⵏⴻⵏ-ⵏⵏⵉ, ⵡⵡⵉⵏ-ⴷ ⵜⵜⴱⵓⵜ ⴱⴻⵍⵍⵉ ⴰⵢⴻⵏ ⴰⴽⴽ ⵉ ⴰⵙⴻⵏ-ⵙⴱⴰⴱⴱⴻⵏ ⴷ-ⴰⵢⴻⵏ ⵓⵔ ⵏⴻⵍⵍⵉ, ⵏⴻⴽⵔⴻⵏ ⴷⴰⵖⴻⵏ ⴰⴽⴽ ⴰⵢⴻⵏ ⴷ-ⵜⴻⵏⵏⴰ ⵜⵙⴻⵙⵜⴰⵏⵜ ⵜⴰⵎⴻⵣⵡⴰⵔⵓⵜ.

ⵎⵔⴰⵡ ⵙⵉⵏ (12) ⵏ ⵢⴻⵎⴷⴰⵏⴻⵏ-ⴰ, ⵉⴷⴻⴳ ⴽⵓⵥ (4) ⴷⴻⴳ-ⵙⴻⵏ ⴷ ⵉⵎⴻⵔⵡⴰⵍⴻⵏ, ⴰⴷ ⵇⴰⴱⵍⴻⵏ ⵜⵉⵔⴷⴰⵢⵉⵏ ⵉⵖⴻⴼ ⵜⵜⵡⴰⵟⵟⴼⴻⵏ ⵏ ‘’ⵜⵉⴽⴽⵉⵏ ⴷⴻⴳ ⵓⴳⴳⴰⵢ ⴰⵔⴻⴱⵔⴰⴱ ⵉⵎⵙⴻⵍⵍⴻⵃ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵜⵎⵓⵔⵜ ⴷ ⴱⴻⵕⵕⴰ ⵏ ⵜⵎⵓⵔⵜ, ⴰⴽⵙⴰⴱ ⵏ ⵍⴻⵙⵍⴰⵃ ⴰⵥⴰⵢⴰⵏ, ⵜⵉⵖⵉⵏ ⴷ ⵓⵣⴻⵏⵣⵉ ⴱⴻⵕⵕⴰ ⵏ ⵓⵚⴰⴹⵓⴼ ⵉⴹⵓⵕⵕⴻⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵍⴻⵀⵢⵓⴼ ⴷⴻⴳ ⵢⵉⵡⴻⵏ ⵓⴳⴳⴰⵢ ⵢⴻⵜⵜⵡⴰⵙⵓⴷⴷⵙⴻⵏ ⵏ ⵢⵉⵎⴻⵛⵔⴰⵔⴻⵏ.

ⵏⵖⴰⵏ ⵢⵉⵖⴰⵍⵍⴻⵏ ⵉⴼⵔⴰⵏⵙⵉⵙⴻⵏ ⴷ ⵢⵉⵞⴰⴷⵉⵢⴻⵏ, ⴰⴱⴷⴻⵍⵀⴰⵎⵉⴷ ⴰⴱⵧⵓ ⵣⴻⵉⴷ, ⴰⵙⵙ 25 ⴼⵓⵔⴰⵔ 2013 ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⵜⴰⵎⴻⵜⵜⴰⵏⵜ-ⵉⵙ ⵜⴻⵜⴱⴻⵜ ⵙ ⵜⵖⴰⵔⴰ ⵜⵓⵏⵚⵉⴱⵜ ⴷⴻⴳ ⵎⴻⵖⵔⴻⵙ 2013.