ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⴰⵎⵉⴷ ⴳⵔⵉⵏⴻ ⵢⴻⵔⵣⴰ ⵖⴻⴼ ⵜⴽⴻⴱⴱⴰⵏⵉⵜ ⵏ ⵏⵉⵍⴻⵙⴰⵜ

ⵍⵇⴰⵀⵉⵔⴰ – ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⵢⴻⵔⵣⴰ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵜⴽⴻⴱⴱⴰⵏⵉⵜ ⵜⴰⵎⴰⵚⵔⵉⵜ ⵏ ⵏⵉⵍⴻⵙⴰⵜ ⴷ ⵓⵖⴰⵔⴰⵎ ⵏ ⵓⴼⴰⵔⴻⵙ ⵏ ⵢⵉⵎⵉⴷⵢⴰⵜⴻⵏ, ⵢⴻⵔⵏⴰ ⵉⴳⴰ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵙⴰⵔⴰⴳ ⵡⵉⵙ 46 ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵓⵙⵙⴻⵍⵖⵓ, ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⵇⴰⵀⵉⵔⴰ.

ⵜⵉⵔⵣⵉ-ⴰ ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵍⵎⴻⵊⵀⵓⴷ ⴰⵢ ⵜⵜⴳⴻⵏⵜ ⵍⴷⵣⴰⵢⴻⵔ ⴷ ⵎⴰⵚⴻⵔ ⵉ ⵓⵙⵎⴰⵍ ⵏ ⵓⵎⵄⴰⵡⴻⵏ ⵓⵛⵔⵉⴽ ⴷⴻⴳ ⵓⵏⵔⴰⵔ ⵏ ⵓⵙⵙⴻⵍⵖⵓ (ⴰⵅⴻⴱⴱⴻⵔ) ⵙ ⵓⵇⴰⴷⴻⵔ ⵏ ⵍⴻⵄⵇⵓⴷⴰⵜ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵜⴻⵎⵍⵉⵍⵉⵜ-ⵏⵏⵉ ⵏ ⵜⵙⴻⵇⵇⴰⵎⵓⵜ ⵜⴰⵎⴻⵇⵔⴰⵏⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵎⴰⵚⵔⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴳⴰⵔⴰ ⵏ 2014.

ⴷⴻⴳ ⵓⵅⵅⴰⵎ ⵏ ⵜⴽⴻⴱⴱⴰⵏⵉⵜ ⵏ ⵏⵉⵍⴻⵙⴰⵜ, ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⴻⵎⴷⵉⵏⵜ ⵏ 6 ⵟⵓⴱⴻⵔ (ⵜⴰⵎⵏⴰⴹⵜ ⵏ ⴳⵉⵣⴻⵀ), ⵎⴰⵙⵙ ⴳⵔⵉⵏⴻ ⵢⴻⵙⵙⴰⵡⴻⵍ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵏⵉⵍⴻⵙⴰⵜ, ⴰⵀⵎⴻⴷ ⴰⵏⵉⵙ, ⵙ ⵓⵃⴷⴰⵕ ⵏ ⵢⵉⴽⴰⵜⴰⵔⴻⵏ ⵏ ⵜⴽⴻⴱⴱⴰⵏⵉⵜ-ⴰ. ⴰⴷⵉⵡⴻⵏⵏⵉ-ⵏⵙⴻⵏ ⵉⵃⵓⵣⴰ-ⴷ ⴰⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴷⴻⴳ ⵓⵏⵔⴰⵔ ⵏ ⵓⵙⵍⵉⵥⵔⵉ.

ⴰⵏⴻⵖⵍⴰⴼ ⵢⴻⴷⴷⴰ-ⴷ ⵢⵉⴷ-ⵙ ⵓⵏⵎⴰⵀⴰⵍ ⵏ ⵍⴷⵣⴰⵢⴻⵔ ⴷⴻⴳ ⵍⵇⴰⵀⵉⵔⴰ, ⵏⴰⴷⵉⵔ ⵍⴰⵔⴱⴰⵧⵓⵉ, ⵢⴻⵔⵏⴰ ⵙⵍⴰⵏ ⵉ ⵓⵏⴻⵙⴽⵉⵏ ⴰⵢ ⴰⵙⴻⵏ-ⴷ-ⴳⴰⵏ ⵖⴻⴼ ⵍⴻⵛⵖⴰⵍ, ⵉⵎⴻⵥⵍⴰ (ⵙⵙⵔⴰⴱⴻⵙ) ⴷ ⵢⵉⵙⴻⵏⴼⴰⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⴽⴻⴱⴱⴰⵏⵉⵜ-ⴰ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵏⵔⴰⵔ-ⴰ ⴷⴻⴳ ⵎⴰⵚⴻⵔ ⴷ ⵓⵎⴽⴰⵏ ⵡⵉⵙ ⵙⵉⵏ ⴷⴻⴳ ⵜⴻⵎⵏⴰⴹⵜ ⵏ ⵓⴳⵎⵓⴹ ⴰⵍⴻⵎⵎⴰⵙ.

ⵜⵉⵔⵣⵉ ⵏ ⵎⴰⵙⵙ ⴳⵔⵉⵏⴻ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⵏⴻⵔⵏⵉ ⵏ ⵓⵎⵄⴰⵡⴻⵏ ⵓⵛⵔⵉⴽ ⴷⴻⴳ ⵓⵏⵔⴰⵔ ⵏ ⵢⵉⵎⵉⴷⵢⴰⵜⴻⵏ ⴷ ⵓⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ.

ⵎⴰⵙⵙ ⴳⵔⵉⵏⴻ ⵢⴻⵔⵣⴰ, ⵓⵇⴱⴻⵍ ⴰⵢⴰ, ⵖⴻⴼ ⵜⴷⵓⴽⵍⵉ ⵜⴰⵎⴰⵚⵔⵉⵜ ⵏ ⵕⵕⴰⴷⵢⵓⵡⴰⵜ ⴷ ⵜⵍⵉⵥⵔⵉⵡⵉⵏ, ⵜⴰⴽⴻⴱⴱⴰⵏⵉⵜ ⵏ ⴻⵍ ⴰⵀⵔⴰⵎ ⴷ ⵓⵥⴻⴹⴹⴰ ⵏ « ⵚⴰⵡⵜ ⴰⵍ ⴰⵔⴰⴱ », ⵉⵎⵉ ⵜⴰⵏⴻⴳⴳⴰⵔⵓⵜ-ⴰ ⵜⴻⵍⵍⴰ ⴷ ⴰⵣⴰⵎⵓⵍ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.

ⴷⴻⴳ ⵓⵙⴰⵔⴰⴳ-ⴰ ⵡⵉⵙ 46 ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵓⵙⵙⴻⵍⵖⵓ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⴻⵅⵎⵉⵙ ⵍⵍⴰⵏⵜ ⴰⵟⴰⵙ ⵏ ⵜⴻⵏⵇⵉⴹⵉⵏ ⴰⵢⵖⴻⴼ ⴰⵔⴰ ⴷ-ⴰⵡⵉⵏ ⴰⵡⴰⵍ, ⴳⴰⵔ-ⴰⵙⴻⵏⵜ ⴷⴷⵓⵕ ⵏ ⵓⵙⵙⴻⵍⵖⵓ (ⴰⵅⴻⴱⴱⴻⵔ) ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ ⴷ ⵓⵣⵔⴰⵄ ⵏ ⵓⵎⵙⵓⵔⴻⴼ.

ⴰⵙⴻⵇⵇⴰⵎⵓ ⴰⵖⵍⵉⴼⴰⵏ ⴰⴷ ⵢⴻⵙⴽⴰⵙⵉ ⴷⴰⵖ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵓⵙⵎⴰⵍ ⵏ ⵓⵎⵄⴰⵡⴻⵏ ⴷⴻⴳ ⵢⵉⵎⵉⴷⵢⴰⵜⴻⵏ ⴳⴰⵔ ⵜⵎⵓⵔⴰ ⵜⴰⵄⵕⴰⴱⵉⵏ. ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴰⵏⴰⵔⵉⵜ ⵜⴰⵙⵍⴻⴽⵎⴰⵏⵜ ⵏ ⵓⵙⴻⵇⵇⴰⵎⵓ ⵜⵡⴰⵀⴻⵢⵢⴰ-ⴷ ⵢⵉⵙⴻⵏⴼⴰⵔⴻⵏ ⵏ ⵍⴻⵕⵢⵓⵢ ⴰⵔⴰ ⵢⴻⵜⵜⵡⴰⴷⴷⵎⴻⵏ ⴷ ⵍⴻⵡⵚⴰⵢⴰⵜ ⵢⴻⵔⵣⴰⵏ ⴰⵢⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵙⵙ ⵏ ⵜⵜⵍⴰⵜⴰ, ⴰⵎ ⵓⴹⴼⴰⵔ ⵏ ⵓⵙⵙⴻⴼⵄⴻⵍ ⵏ ⵜⵉⴽⵍⵉ ⴰⵔⴰ ⴷ-ⴰⵡⵉⵏⵜ ⵜⵎⵓⵔⴰ ⵜⴰⵄⵕⴰⴱⵉⵏ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴰⵇⴻⵢⵢⴻⵎ ⵏ ⵓⵅⴻⴷⴷⵉⵎ ⵏ ⵜⵜⴰⵡⵉⵍⴰⵜ-ⴰ ⴷ ⵓⴹⴼⴰⵔ ⵏ ⵜⵙⴻⵔⵜⵉⵜ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⵄⵕⴰⴱⴻⵏ ⴷⴻⴳ ⵓⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ.

ⵉⵙⴻⵏⴼⴰⵔⴻⵏ ⵏ ⵓⵖⵜⴰⵙ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵓⵙⴻⵇⵇⴰⵎⵓ ⴰⵖⵍⵉⴼⴰⵏ ⴷ ⵡⵉⴷ ⵢⴻⵙⵙⴻⴼⵔⴰⵏ ⴰⴹⴼⴰⵔ ⵏ ⵓⵖⴰⵡⴰⵙ ⴰⵎⴰⵢⵏⵓ ⵏ ⵓⵅⴻⴷⴷⵉⵎ ⵏ ⵜⵜⴰⵡⵉⵍ ⵏ ⵢⵉⵙⴰⵍⴰⵏ ⴰⵄⵕⴰⴱⴻⵏ ⴷⴻⴳ ⵜⵎⵓⵔⴰ ⵏ ⴱⴻⵕⵕⴰ ⵉ ⵍⵎⴻⵏⴷ ⵏ ⵓⵙⵙⴻⵍⵖⵓ (ⴰⵅⴻⴱⴱⴻⵔ) ⵏ ⵓⵎⴰⴹⴰⵍ ⵖⴻⴼ ⵜⴻⵎⵙⴰⵍ ⵢⴻⵔⵣⴰⵏ ⵜⵉⵎⵓⵔⴰ ⵜⴰⵄⵕⴰⴱⵉⵏ ⴷ ⵓⵙⴻⵏⴼⴰⵔ ⵏ ⵓⵖⵜⴰⵙ ⵏ ⵓⵙⵙⴻⵊⵀⴻⴷ ⴷ ⵓⵙⵏⴻⵔⵏⵉ ⵏ ⵓⵅⴻⴷⴷⵉⵎ ⵏ ⵜⵙⴻⵇⵇⴰⵎⵓⵜ ⵜⴰⵄⵕⴰⴱⵜ ⵏ ⵓⵙⵙⴻⵍⵖⵓ ⴰⵍⵉⴽⵜⵕⵓⵏⴰⵏ ⴷ ⵓⵙⴻⵏⴼⴰⵔ ⵏ ⵓⵖⵜⴰⵙ ⵏ ⵓⵙⵏⵓⵍⴼⵓ ⵏ ⵕⵕⴰⴷⵢⵓ ⴷ ⵜⵍⵉⵥⵔⵉ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⴷⴻⴳ ⵉⵏⵜⴻⵔⵏⴻⵜ.