Asebter amenzawi

Amdebber n lbiru Reuters ɣran-as-d seg uɣlif n teɣwalt

LEZZAYER TAMANAƔT – Yeɣra-d uneɣlaf n Teɣwalt i uɣella n tnarit Reuters deg Lezzayer tamanaɣt, ass n larebɛa, akken ad as-yemmel aɣiḍi i t-iɣaḍ lḥal ɣef usemres deg yimagraden-is n wawalen ‘’ur nlaq’’ deg wayen yerzan iɣallen n ANP yenɣan irebraben deg Tubiret, i aɣ-d-nnan deg uɣlif.

D tidet, yiwen n umagrad n tnegga n yisalan Reuters, uznen-t seg Lezzayer, yenna-d ttwanɣan « 22 imeɣnasen ». Yessemres daɣen uneɣmas deg tira-s awal n « imnaɣen iselmaẓriyen ».

I wakken ad nesmekti, nɣan yiɣallen n ANP deg Tubiret, 25 irebraben, jemɛen-d taffa n yemrigen d yikaṛṭucen deg yiwet n temhelt n umennuɣ mgal rrebrab i iqelɛen ass n ttlata.b