ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴻⵏⵖⵉ ⵎⴳⴰⵍ ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵜⵓⴽⵛⵉ ⵏ ⵢⵉⴷⵔⵉⵎⴻⵏ ⵉ ⵔⵔⴻⴱⵔⴰⴱ ⴷ ⴰⵢⴻⵏ ⵢⴻⵣⵡⴰⵔⴻⵏ ⴷⴻⴳ ⵍⴻⵛⵖⴰⵍ ⴰⵔⴰ ⵜⴻⴳ ⵍⴷⵣⴰⵢⴻⵔ (ⴰⵖⵍⵉⴼ ⵏ ⴱⴻⵕⵕⴰ)

ⵍⴷⵣⴰⵢⴻⵔ – ⵉⵎⴻⵏⵖⵉ ⵎⴳⴰⵍ ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵓⵙⵙⵉⴷⵔⴻⵎ ⵏ ⵔⵔⴻⴱⵔⴰⴱ « ⴷ ⵢⵉⵡⴻⵜ ⴷ ⴰⵢⴻⵏ ⵢⴻⵔⵡⴰⵔⴻⵏ ⴷⴻⴳ ⵡⴰⵢⴻⵏ ⴰⵢ ⵜⵄⵓⵀⴻⴷ ⵍⴷⵣⴰⵢⴻⵔ ⴰⴷ ⵜ-ⵜⴻⴳ ⴷⴻⴳ ⵓⵅⴻⴷⴷⵉⵎ-ⵏⵏⴻⵙ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⴰⴽⴰⵔⴰⵎ-ⴰ « ⵓⵔ ⵢⴻⵍⵍⵉ ⴰⵔⴰ ⴷ ⵜⴰⵎⵙⴰⵍⵜ ⴰⵢⵖⴻⴼ ⴰⵔⴰ ⵏⴻⵎⵄⴰⵡⴰⵏ ⴷ ⵢⵉⵡⴻⵜ ⴽⴰⵏ ⵏ ⵜⵎⵓⵔⵜ ⵜⴰⵄⵕⴰⴱⵜ ⵏⴻⵖ ⵏⵉⴹⴻⵏ ».

ⵎⴰⵙⵙ ⴱⴻⵏⴰⵍⵉ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵎⵉ ⴷ-ⴼⴼⵖⴻⵏ ⵢⵉⵙⴰⵍⴰⵏ ⴷⴻⴳ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵓⵙⵙⴻⵍⵖⵓ (ⴰⵅⴻⴱⴱⴻⵔ) « ⵙ ⵣⵣⵢⴰⴷⴰ ⵎⴻⵖⵖⵔⴻⵏ ⵏ ⵡⴰⵡⴰⵍ, ⵍⵇⴻⵍⵍⴰ ⵏ ⵓⴷⴻⵇⵇⴻⵇ ⴷ ⵓⵙⵙⴻⵣⵍⴻⴳ ⵏ ⵡⴰⵢⴻⵏ ⵢⴻⵍⵍⴰⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵀⵀⵓ ⴰⵢ ⴷ-ⵍⵀⴰⵏⵜ ⵜⵙⵓⴷⴰ ⵜⵉⴷⵣⴰⵢⵔⵉⵡⵉⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⵙ ⵜⴻⵎⵙⴰⵍⵜ ⵏ ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵓⵙⵙⵉⴷⵔⴻⵎ ⵏ ⵔⵔⴻⴱⵔⴰⴱ ».

« ⵍⴷⵣⴰⵢⴻⵔ ⴷⵉⵎⴰ ⵜⴻⵣⵡⴰⵔ ⵉ ⵚⵚⴻⴼ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵢⴻⵔⵏⴰ ⵜⴽⴻⵎⵎⴻⵍ ⵍⵎⴻⵊⵀⵓⴷ-ⵏⵏⴻⵙ ⴳⴰⵔ ⵜⵎⵓⵔⴰ ⴰⴽⴽⴻⵏ ⴰⴷ ⴷ-ⵜⴻⴱⵏⵓ ⴰⵏⴰⴳⵔⴰⵡ ⵏ ⵍⵇⴰⵏⵓⵏ ⴰⵔⴰ ⴷ-ⵉⵇⴻⵍⵄⴻⵏ ⴰⵅⴻⵚⵚⴰⵔ-ⴰ ⵙⴻⴳ ⵢⵉⵥⵓⵔⴰⵏ-ⵏⵏⴻⵙ. ⵙ ⵡⴰⵢⴰ, ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵢⴻⵜⵜⵡⴰⵏⴽⴻⵕ ⴷⴰⴽⴽⴻⵏ ⵍⴷⵣⴰⵢⴻⵔ ⵜⴻⵍⵍⴰ-ⴷ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵏⵔⴰⵔ ⵏ ⵓⵔⴳⴰⵍ ⵏ ⵜⵍⵉⵡⴰ ⴰⵢ ⴷ-ⵢⴻⵜⵜⴰⴽⴼⴻⵏ ⵉⴷⵔⵉⵎⴻⵏ ⵉ ⵔⵔⴻⴱⵔⴰⴱ ⴳⴰⵔ 36 ⵏ ⵜⵎⵓⵔⴰ ⴰⵢ ⵢⴻⵎⵙⴻⴼⵀⴰⵎⴻⵏ ⴰⴽⴽⴻⵏ ⴰⴷ ⵃⴻⵕⵙⴻⵏⵜ ⵜⴰⴳⵏⵉⵜ ⵖⴻⴼ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵏⴰⵍⵉ ⵛⵀⴻⵔⵉⴼ.

« ⵍⴻⵡⵚⴰⵢⴰⵜ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⴳⵔⴰⵡⵜ-ⴰ ⴷ ⵜⵉⴷ ⴰⵢ ⵢⴻⵙⵙⴻⴼⵔⴰⵏ, ⴳⴰⵔ ⵜⵖⴰⵡⵙⵉⵡⵉⵏ ⵏⵉⴹⴻⵏ, ⴰⵙⵙⴻⴱⴷⴻⴷ ⵏ ⵓⴽⴰⵜⴰⵔ ⵏ ⵍⵇⴰⵏⵓⵏ ⵉ ⵢⴰⵍ ⵜⴰⵎⵓⵔⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵢⵉⵎⴻⵏⵖⵉ ⵏ ⵜⵉⴷⴻⵜ ⴰⵔⴰ ⴷ-ⵢⴰⵡⵉⵏ ⵍⴼⴰⵢⴷⴰ ⵎⴳⴰⵍ ⵙ ⴽⵔⴰ ⵏ ⵡⴰⵢⴻⵏ ⴰⵢ ⵣⴻⵎⵔⴻⵏ ⴰⴷ ⵜ-ⵖⴻⵍⵍⵜⴻⵏ ⵢⵉⵔⴻⴱⵔⴰⴱⴻⵏ ⴰⴽⴽⴻⵏ ⴰⴷ ⴷ-ⵔⴻⴱⵃⴻⵏ ⵢⴻⵙ-ⵙ ⵉⴷⵔⵉⵎⴻⵏ ⴰⴽⴽⴻⵏ ⴰⴷ ⵜⴳⴻⵏ ⵉⵅⴻⴷⴷⵉⵎⴻⵏ-ⵏⵙⴻⵏ ⵏ ⵜⴻⵊⵔⵉⵎⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵉⵎⵉ ⴰⵢ ⵍⴰ ⴷ-ⵢⴻⵜⵜⵉⵍⵉ ⵓⴱⴻⴷⴷⴻⵍ ⴰⵢⵖⴻⴼ ⵓⵔ ⵏⴻⴱⵏⵉ ⴷⴻⴳ ⵢⵉⴱⵔⵉⴷⴻⵏ ⴰⵢ ⵙⵙⴻⵇⴷⴰⵛⴻⵏⵜ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ, ⵜⴰⵎⵙⴰⵍⵜ ⵏ ⵓⵙⵙⴻⵣⴳⵉ ⵏ ⵢⵉⵏⴰⴳⵔⴰⵡⴻⵏ ⵉⵖⴻⵍⵏⴰⵡⴻⵏ ⵏ ⵍⵇⴰⵏⵓⵏ ⵖⴻⴼ ⵍⴻⵃⵙⴰⴱ ⵏ ⵍⴻⵡⵚⴰⵢⴰⵜ ⵜⵉⴳⵔⴰⵖⵍⴰⵏⵉⵏ ⴷ ⵜⵉⵏ ⴰⵢ ⴷ-ⵉⵃⴻⵜⵜⵎⴻⵏ ⵉⵎⴰⵏ-ⵏⵏⴻⵙ ⵢⴻⵔⵏⴰ ⵢⴰⵍ ⵜⴰⵎⵓⵔⵜ ⵜⴻⵣⵎⴻⵔ ⴰⴷ ⴷ-ⵢⴰⴼ ⵉⵎⴰⵏ-ⵏⵏⴻⵙ ⴷⴻⴳ « ⵡⴰⵙⵓⵏ ⴰⴷⴻⵎⴷⴰⵎ » ⵍⴻⵎⵎⴻⵔ ⴰⴷ ⵜⵡⴻⵅⵅⴻⵔ ⴰⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ-ⴰ ⵖⴻⴼ ⵙⵙⴻⴱⴱⴰ ⵏⴻⵖ ⵖⴻⴼ ⵜⴰⵢⴻⴹ », ⴰⵢ ⴷ-ⵢⴻⵙⵎⴻⴽⵜⵉ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴷⵣⴰⵢⴻⵔ ⴱⴻⵏⴰⵍⵉ ⵛⵀⴻⵔⵉⴼ ⵢⴻⵙⵎⴻⴽⵜⵉ-ⴷ ⵙ ⵍⴻⵇⵡⴰⵏⵉⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ - ⵙⴻⴳ ⵍⵇⴰⵏⵓⵏ ⵓⴹⴹⵓⵏ 05-01 ⵏ 6 ⴼⵓⵕⴰⵕ 2005 ⵢⴻⵇⵇⵏⴻⵏ ⵖⴻⴼ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵓⵙⵙⵉⴷⵔⴻⵎ ⵏ ⵔⵔⴻⴱⵔⴰⴱ ⴰⵔⵎⴰ ⴷ ⵍⵇⴰⵏⵓⵏ ⵓⴹⴹⵓⵏ 15-06 ⵏ 15 ⴼⵓⵕⴰⵕ 2015 ⵢⴻⵔⵣⴰⵏ ⴰⵙⵙⴻⴽⵛⴻⵎ ⵏ ⴽⵔⴰ ⵏ ⵢⵉⵍⵓⴳⴰⵏ ⵉⵎⴰⵢⵏⵓⵜⴻⵏ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵢⵉⵎⵜⴰⵡⴰⵢⴻⵏ ⵉⴳⵔⴰⵖⵍⴰⵏⴻⵏ ⴷ ⵢⵉⵖⵜⴰⵙⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵡⴰⵔ ⵎⴰ ⵏⴻⵜⵜⵓ ⴰⵏⴰⴹ ⴰⵙⵍⴻⴽⵎⴰⵏ ⴰⵢ ⵉⵄⴻⴷⴷⴰⵏ ⴷⴻⴳ 12 ⵎⴰⵢⵓ 2015 ⵢⴻⵇⵇⵏⴻⵏ ⵖⴻⵔ ⵜⵙⴻⴽⴽⵉⵔⵉⵏ ⵏ ⵜⵓⴽⴽⵙⴰ ⴷ/ⵏⴻⵖ ⴰⵙⵙⴻⴳⵔⴻⵙ ⵏ ⵢⵉⴷⵔⵉⵎⴻⵏ ⴷ ⵡⴰⵢⵍⴰ ⴷⴻⴳ ⵓⴽⴰⵜⴰⵔ ⵏ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵓⵙⵙⵉⴷⵔⴻⵎ ⵏ ⵔⵔⴻⴱⵔⴰⴱ.

ⵙ ⵍⴻⵇⵡⴰⵏⵉⵏ-ⴰ ⵍⴷⵣⴰⵢⴻⵔ « ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⴷ-ⵜⴻⵙⵙⴻⵣⴳ ⴰⴽⴰⵜⴰⵔ-ⵏⵏⴻⵙ ⵏ ⵍⵇⴰⵏⵓⵏ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⵛⴻⵔⴹⴻⵏ ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⴷ-ⵜⴻⴼⴼⴻⵖ ⵜⵎⵓⵔⵜ ⵏ ⵍⴷⵣⴰⵢⴻⵔ ⵙⴻⴳ « ⵡⴰⵙⵓⵏ ⴰⴷⴻⵎⴷⴰⵎ », ⵙⴷⴻⴼⴼⵉⵔ ⵎⴰ ⵇⴻⵢⵢⵎⴻⵏⵜ-ⵜⵜ ⵜⵎⵓⵔⴰ ⵢⴻⵍⵍⴰⵏ ⵢⵉⴷ-ⵙ ⴷⴻⴳ ⵜⴻⴳⵔⴰⵡⵜ-ⴰ, ⴷ ⴰⵇⴻⵢⵢⴻⵎ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⴻⴳⵔⴰⵡⵜ ⵏ ⵜⵉⴳⵔⴰⵡⵜ ⵜⴰⴷⵔⵉⵎⴰⵏⵜ ⵉ ⵢⵉⵎⴻⵏⵖⵉ ⵎⴳⴰⵍ ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵓⵙⵙⵉⴷⵔⴻⵎ ⵏ ⵔⵔⴻⴱⵔⴰⴱ ».

« ⴰⵇⴻⵢⵢⴻⵎ-ⴰ ⴰⴷ ⴷ-ⵢⵉⵍⵉ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⵜⴻⴽⵏⵉⵢⴻⵏ ⵉⵎⵙⴰⵔⵉⵢⴻⵏ, ⵢⴻⵔⵏⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⴰⴽⴽ ⵎⴻⵃⵢⴰⴼ ⴰⵔⴰ ⵢⴻⵙⵙⵓⴼⴼⵖⴻⵏ ⵜⴰⵎⵙⴰⵍⵜ ⵙⴻⴳ ⵡⴰⵢⴻⵏ ⵜⴻⵔⵣⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵏⴰⵍⵉ ⵛⵀⴻⵔⵉⴼ.