ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⵜⴰⵢⴻⴱ ⵍⵧⵓⵀ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵜⴰⵖⴷⴻⵎⵜ ⵜⵍⴻⵀⵀⵓ-ⴷ ⵙ ⵡⴰⴽⴽ ⵜⵉⵎⵙⴰⵍ ⵏ ⵜⵊⴰⵄⴰⵍⵜ ⴰⵢ ⴷ-ⵢⴻⵜⵜⴰⵡⴹⴻⵏ ⵖⴻⵔ-ⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⴱⴻⴷⴷⴻⵍ ⵏ ⵓⵙⵏⴻⵔⵏⵉ « ⴰⵍⵇⴰⵢⴰⵏ » ⴰⵢ ⵙⵙⴻⴼⵔⴰⵏ ⴰⴷ ⵜ-ⴳⴻⵏ ⴷ ⵡⵉⵏ ⴰⵔⴰ ⵢⴻⵙⵊⴻⵀⴷⴻⵏ ⵍⴰⵎⴰⵏ ⴷⴻⴳ ⵜⴻⵖⴷⴻⵎⵜ ⴷ ⵓⵣⴰⵔⵓⴳ-ⵏⵏⴻⵙ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵢⴰ ⵎⵉ ⴷ-ⵢⴻⵔⵔⴰ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⵉⵎⴰⵣⴰⵏⴻⵏ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⵉ ⵓⵙⴽⴰⵙⵉ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵔⵣⴰⵏ ⴰⵃⵓⴷⴷⵓ ⵏ ⵓⴳⵔⵓⴷ.
« ⴰⵟⴰⵙ ⵏ ⵢⵉⴷⵉⵙⴰⵏ ⴰⵢ ⵢⴻⴱⵖⴰⵏ ⴰⴷ ⵙⵙⵉⵡⴹⴻⵏ ⵎⴻⴷⴷⴻⵏ ⴰⴷ ⴰⵎⵏⴻⵏ ⴷⴰⴽⴽⴻⵏ ⵜⴰⵖⴷⴻⵎⵜ ⵜⴰⴷⵣⴰⵢⵔⵉⵜ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⴷ-ⵜⴰⵡⵉ ⵉⵎⴷⴰⵏⴻⵏ ⵢⴻⵜⵜⴻⴽⴽⴰⵏ ⴷⴻⴳ ⴽⵔⴰ ⵏ ⵜⴻⵎⵙⴰⵍⵜ ⵢⴻⵔⵏⴰ ⵔⴻⵡⵍⴻⵏ ⵖⴻⵔ ⵓⵣⵖⴰⵔ (ⴱⴻⵕⵕⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵏⴻⵖⵍⴰⴼ ⵢⴻⵔⵏⴰ-ⴷ ⴷⴰⴽⴽⴻⵏ « ⵜⴰⵖⴷⴻⵎⵜ ⵜⴰⴷⵣⴰⵢⵔⵉⵜ ⵜⴳⴰ ⴷⴷⵓⵕ-ⵏⵏⴻⵙ ⵙ ⵜⵓⵚⵚⵔⴰ, ⵙ ⵓⵇⴰⴷⴻⵔ ⵏ ⵢⵉⵃⴻⵣⵣⵉⴱⴻⵏ ⴷ ⵢⵉⵎⵜⴰⵡⴰⵢⴻⵏ ⴰⵢ ⵜⴻⵙⵜⴻⵏⵢⴰ ⵍⴷⵣⴰⵢⴻⵔ ».
« ⴰⴱⴻⴷⴷⴻⵍ ⵍⴰ ⵢⴻⵜⵜⴽⴻⵎⵎⵉⵍ ⴷⴻⴳ ⵓⵃⵔⵉⵛ ⵏ ⵜⴻⵖⴷⴻⵎⵜ, ⴷ ⴰⵛⵓ ⴽⴰⵏ ⴰⵢⴰ ⵓⵔ ⴼⴻⵙⵙⵓⵙ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵡⴰⵏⴰⴽ (ⴷⴷⵓⵍⴰ) ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵛⵛⵖⴻⵍ-ⵏⵏⴻⵙ ⴰⵔⵎⴰ ⴷ ⴹⴹⴻⵔⴼ ⴰⴽⴽⴻⵏ « ⴰⴷ ⵢⴻⴹⵎⴻⵏ ⵜⵉⵍⴻⵍⵍⵉⵢⵉⵏ ⵏ ⵍⵍⵙⴰⵙ ⵉ ⵢⵉⵖⴻⵔⵎⴰⵏⴻⵏ ».
