ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⴷⵉ ⵍⴰⵀⵉⵕⴰ ⵏ ⵍⴻⵛⵖⴰⵍ ⵡⵉⵙ 46 ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⴻⵖⵡⴰⵍⵜ

ⵍⵇⴰⵀⵉⵕⴰ- ⵍⴻⵛⵖⴰⵍ ⵡⵉⵙ 46 ⵏ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⴻⵖⵡⴰⵍⵜ ⴱⴷⴰⵏ ⴰⵙⵙ ⵏ ⵍⴰⵅⵎⵉⵙ ⴷⴻⴳ ⵡⴻⵅⵅⴰⵎ ⵏ ⵜⴻⵊⵎⴰⵄⵜ ⵏ ⵡⴰⵄⵕⴰⴱⴻⵏ, ⴷⵉ ⵍⵇⴰⵀⵉⵕⴰ, ⵙ ⵢⵉⵡⴻⵏ ⵓⵎⵉⵣⵡⴻⵔ ⵏ ⵡⴰⵙⵙ ⵏ ⵡⴰⵟⴰⵚ ⵏ ⵜⵏⴻⵇⴹⴰⵜⵉⵏ ⵙ ⵡⴰⵣⴰⵍ-ⵏⵙⴻⵏⵜ ⵢⴻⵔⵣⴰⵏ ⴰⵏⴻⴳⵎⵓ ⵏ ⵜⵉⴳⴰⵡⵜ ⵉⵙⴰⵍⵍⴻⵏ ⵏ ⵡⴰⵄⵕⴰⴱⴻⵏ ⵢⴻⵎⵎⴻⵣⴷⵉⵏ. ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ ⵀⴰⵎⵉⴷ ⴳⵔⵉⵏⴻ ⵢⴻⵍⵍⴰ ⵖⴻⴼ ⵓⵇⴻⵕⵕⵓ ⵏ ⵜⴻⵔⴱⴰⵄⵜ ⵜⴰⵣⵣⴰⵢⵔⵉⵜ ⵉⵛⴻⵔⴽⴻⵏ ⴷⵉ ⵍⴻⵛⵖⴰⵍ-ⴰⴳⵉ. ⴰⵎⵉⵣⵡⴻⵔ ⵏ ⵡⴰⵙⵙ ⵏ ⵜⴻⵎⵍⵉⵍⵉⵜ-ⴰⴳⵉ ⴷⴻⴳ-ⵙ 17 ⵏ ⵜⵏⴻⵇⴹⵜⵉⵏ ⵢⴻⵔⵣⴰⵏ ⵍⴰⴷⵖⴰ ⴰⵏⴻⴳⵎⵓ ⵜⵉⴳⴰⵡⵜ ⵉⵙⴰⵍⵍⴻⵏ ⵏ ⵡⴰⵄⵕⴰⴱⴻⵏ ⵢⴻⵎⵎⴻⵣⴷⵉⵏ ⴷ ⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ, ⴰⴽⴽ ⴷ ⴷⴷⵉⵄⴰⵢⴰ ⴷ ⵓⵙⴽⵉⴷⴷⴻⴱ. ⵓⴳⴰⵔ ⵏ ⵜⴻⵎⵙⴰⵍⵜ ⵏ ⴼⴰⵍⴰⵚⵟⵉⵏ, ⴰⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⴷ ⵢⴻⵣⵔⴻⵡ ⴷⴰⵖⴻⵏ ⴰⵙⴻⵅⴷⴻⵎ ⵏ ⵓⵖⴰⵡⴰⵙ-ⴰⴳⵉ ⴰⵎⴰⵢⵏⵓⵜ ⵏ ⵜⵉⴳⴰⵡⵜ ⵜⴰⵍⵖⵓⵖⴰⵏⵜ ⵜⴰⵄⵕⴰⴱⵜ ⴷⵉ ⵍⴱⴻⵕⵕⴰⵏⵉ ⴷ ⵓⵙⴻⵏⴷⴻⴳ ⵏ ⵍⴻⵇⴷⵉⵛ ⵏ ⵜⴻⵙⵎⵉⵍⵜ ⵜⴰⵍⴻⴱⴷⴰⵏⵜ ⵉⵙⴰⵍⵍⴻⵏ ⵏ ⵡⴰⵄⵕⴰⴱⴻⵏ ⴰⴽⴽ ⴷ ⵜⵎⴻⵔⵏⵉⵡⵜ ⵏ ⵡⴰⴼⵓⴷ ⴷ ⵓⵙⴻⴵⵀⴻⴷ ⵏ ⵜⴷⵓⴽⴽⵍⵉ ⵏ ⵕⵕⴰⴷⵢⵓⵡⴰⵜ ⵜⴰⵄⵕⴰⴱⵉⵏ ⴰⴽⴽ ⴷ ⵜⵓⴷⴷⵙⵉⵡⵉⵏ ⵏ ⵜⴷⵓⴽⴽⵍⵉ ⵜⴰⵄⵕⴰⴱⵜ ⵜⴻⵔⵣⴰ ⵜⴻⵎⵙⴰⵍⵜ.