Asebter amenzawi

Beddu di Lahiṛa n lecɣal wis 46 useqqamu ineɣlafen aɛṛaben n teɣwalt

LQAHIṚA- Lecɣal wis 46 n useqqamu ineɣlafen aɛṛaben n teɣwalt bdan ass n laxmis deg wexxam n tejmaɛt n waɛṛaben, di Lqahiṛa, s yiwen umizwer n wass n waṭaṣ n tneqḍatin s wazal-nsent yerzan anegmu n tigawt isallen n waɛṛaben yemmezdin. Aneɣlaf n teɣwalt Hamid Grine yella ɣef uqeṛṛu n terbaɛt tazzayrit icerken di lecɣal-agi. Amizwer n wass n temlilit-agi deg-s 17 n tneqḍtin yerzan ladɣa anegmu tigawt isallen n waɛṛaben yemmezdin d ibeddi mgal rrebrab, akk d ddiɛaya d uskiddeb. Ugar n temsalt n Falaṣṭin, aseqqamu ineɣlafen ad yezrew daɣen asexdem n uɣawas-agi amaynut n tigawt talɣuɣant taɛṛabt di lbeṛṛani d usendeg n leqdic n tesmilt talebdant isallen n waɛṛaben akk d tmerniwt n wafud d useǧhed n tdukkli n ṛṛadyuwat taɛṛabin akk d tuddsiwin n tdukkli taɛṛabt terza temsalt.