ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ 1ⵓ : « ⵎⴰⵞⵉ ⴷ ⵓⵏⵚⵉⴱ ⴰⴽⴽ ⴷ ⵜⴻⵔⴱⴰⵄⵜ ⵏ ⵜⵉⴷⴷⵉⴽⴽⵍⴰ ⵏ ⴻⵍ ⵀⴰⵔⵔⴰⵛⵀ (ⵓⵙⵎⵀ) ⵉ ⵡⴰⴷⴻⴳ ⵏ ⵓⵏⴻⵎⵀⴰⵍ ⴰⵎⴰⵜⵓ » (ⴰⵍⵍⵉⴽ)

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⴰⵇⴷⵉⵎ ⵏ ⵜⴻⵔⴱⴰⵄⵜ ⵏ ⵍⴻⵣⵣⴰⵢⴻⵔ ⵓⵙⵎⴰ, ⵙⴰⵉⴷ ⴰⵍⵍⵉⴽ, ⵉⵣⴻⵎⵎⵔⴻⵏ ⴰⴷ ⵢⵓⵖⴰⵍ ⴷ ⴰⵏⴻⵎⵀⴰⵍ ⴰⵎⴰⵜⵓ (ⴷⴳ) ⵏ ⵜⴻⵔⴱⴰⵄⵜ ⵏ ⵓⵙⵎ ⴻⵍ ⵀⴰⵔⵔⴰⵛⵀ, ⵉⵡⴻⴽⴽⴻⴷ-ⴷ ⴱⴻⵍⵍⵉ ⵓⵔ ⵢⴻⵟⵟⵉⴼ ⴰⵔⴰ ⴰⵙⵓⵎⵎⴻⵔ ⵓⵏⵚⵉⴱ ⴷⴻⴳ ⵡⴰⵢⴰⴳⵉ ⵓ ⵢⴻⴱⵖⴰ ⴰⴷ ⵢⴰⵕⴵⵓ ⵜⴰⴳⴳⴰⵔⴰ ⵓⵙⴻⴳⴳⴰⵙ ⴰⴽⴽⴻⵏ ⴰⴷ ⵉⵥⴻⵕⵕ ⴰⴽⴽⴻⵏ ⵉⵡⴰⵜⴰ. "ⵓⵔ ⵣⵎⵉⵔⴻⵖ ⴰⵔⴰ ⴰⴷ ⵟⵟⴼⴻⵖ ⴷⴻⴳ ⵡⴰⵡⴰⵍⴻⵏ ⵓⵔ ⵏⴻⵍⵍⵉ ⴷ ⵓⵏⵚⵉⴱⴻⵏ ⵉ ⵎⵎⴻⵙⵍⴰⵢⴻⵖ ⴷ ⵢⴻⵎⴷⵓⴽⴽⴰⵍ ⵏ ⵜⴻⵔⴱⴰⵄⵜ ⵏ ⴻⵍ ⵀⴰⵔⵔⴰⵛⵀ, ⴰⵛⴽⵓ ⵎⴰ ⵜⴻⴱⵖⴰ ⵜⴻⵔⴱⴰⵄⵜ-ⴰⴳⵉ ⴰⴷ ⵜⴻⵙⴼⴰⵢⴷⵉ ⵙ ⵢⵉⵙⵙⵉ, ⵉⵍⴰⵇ ⵓⵎⴻⵙⵍⴰⵢ ⵓⵏⵚⵉⴱ", ⵉⴷ-ⵢⴻⵏⵏⴰ ⵉ ⵜⵡⴰⴽⴽⵍⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ. ⴷⵉ ⵜⴻⵔⴱⴰⵄⵜ-ⴰⴳⵉ ⵏ ⴻⵍ ⵀⴰⵔⵔⴰⵛⵀ ⵉ ⵢⴻⴷⴷⴻⵔ ⴰⵍⵍⵉⴽ ⵓⵙⵙⴰⵏ-ⵉⵙ ⵉⵏⴻⴳⴳⵓⵔⴰ ⵏ ⵡⴻⵎⵢⵓⵔⴰⵔ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1970. ⵓⵇⴱⴻⵍ, ⵢⴻⵍⵍⴰ ⴷ ⴰⵎⵢⵓⵔⴰⵔ ⵏ ⵜⴻⵔⴱⴰⵄⵜ ⵏ ⵓⵙⵎⴰ ⴰⴽⴽ ⴷ ⵀⵢⴷⵔⴰ ⴰⵛ. ⵢⴻⵍⵍⴰ ⴷ ⴰⵙⵍⴰⵖⵎⴰⵢ ⵏ ⵜⴻⵔⴱⴰⵄⵜ ⵏ ⵓⵙⵎⴰ ⴷⴻⴳ ⵢⵉⵙⴻⴳⴳⴰⵙⴻⵏ 1992-1993 ⵓⵇⴱⴻⵍ ⴰⴷ ⵢⵓⵖⴰⵍ ⴷ ⴰⵙⴻⵍⵡⴰⵢ ⵏ ⵜⴻⵔⴱⴰⵄⵜ-ⴰⴳⵉ ⴷⵉ 1994, ⵍⵍⴰⵏ ⵍⴰⵡⴰⵏ-ⵏⵏⵉ ⴷⵉ ⵜⴻⵍⵖⵓⵖⴰ ⵜⵉⵙ 2. ⵢⴻⵇⵇⵉⵎ ⴷ ⴰⵙⴻⵍⵡⴰⵢ ⴰⵣⴰⵍ ⵏ 16 ⵉⵙⴻⴳⴳⴰⵙⴻⵏ ⴰⵏⴷⴰ ⴷⴷⵔⴻⵏ ⵉⴳⵎⴰⴹ ⵉⵎⴻⵇⵇⵕⴰⵏⴻⵏ ⵍⴰⴷⵖⴰ 4 ⵏ ⵜⵉⴽⴽⵡⴰⵍ ⵉ ⵔⴻⴱⵃⴻⵏ ⵜⴰⵍⵖⵓⵖⴰ ⵜⴰⵎⴻⵣⵡⴰⵔⵓⵜ, ⴷⴰⵖⴻⵏ 5 ⵏ ⵜⴻⵇⴱⵓⵛⵉⵏ ⵏ ⵍⴻⵣⵣⴰⵢⴻⵔ ⴰⴽⴽ ⴷ ⴱⴻⵔⴷⴰⵢⴻⵏ ⵉ ⵄⴻⴷⴷⴰⵏ ⵖⴻⵔ ⵙⴻⵏⴷ ⵜⴰⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ. ⴷⵉ 2010, ⴰⵍⵍⵉⴽ ⵢⴻⴵⴵⴰ ⴰⵎⴹⵉⵇ-ⵉⵙ ⵉ ⵡⴻⵎⵙⴻⵍⵃⵓ ⴰⵎⴻⵣⵡⴰⵔⵓ ⵏ ⵜⴻⵔⴱⴰⵄⵜ, ⴰⵏⴻⵕⵎⴰⵙ ⴰⵍⵉ ⵀⴰⴷⴷⴰⴷ.