Asebter amenzawi

Tamɣunt 1u : « mači d unṣib akk d terbaɛt n tiddikkla n El Harrach (USMH) i wadeg n unemhal amatu » (Allik)

LEZZAYER – Aselway aqdim n terbaɛt n Lezzayer USMA, Said Allik, izemmren ad yuɣal d anemhal amatu (DG) n terbaɛt n USM El Harrach, iwekked-d belli ur yeṭṭif ara asummer unṣib deg wayagi u yebɣa ad yaṛǧu taggara useggas akken ad iẓeṛṛ akken iwata. "Ur zmireɣ ara ad ṭṭfeɣ deg wawalen ur nelli d unṣiben i mmeslayeɣ d yemdukkal n terbaɛt n El Harrach, acku ma tebɣa terbaɛt-agi ad tesfaydi s yissi, ilaq umeslay unṣib", id-yenna i twakkla isallen n Lezzayer. Di terbaɛt-agi n El Harrach i yedder Allik ussan-is ineggura n wemyurar deg yiseggasen n 1970. Uqbel, yella d amyurar n terbaɛt n USMA akk d Hydra AC. Yella d aslaɣmay n terbaɛt n USMA deg yiseggasen 1992-1993 uqbel ad yuɣal d aselway n terbaɛt-agi di 1994, llan lawan-nni di telɣuɣa tis 2. Yeqqim d aselway azal n 16 iseggasen anda ddren igmaḍ imeqqṛanen ladɣa 4 n tikkwal i rebḥen talɣuɣa tamezwarut, daɣen 5 n teqbucin n Lezzayer akk d berdayen i ɛeddan ɣer send taneggarut n teqbuct n tefriqt. Di 2010, Allik yeǧǧa amḍiq-is i wemselḥu amezwaru n terbaɛt, aneṛmas Ali Haddad.