ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵎⵎⵓⴳⴳⴻⵔ ⴱⴻⴷⵧⵓⵉ ⵜⵉⵎⵡⴻⴽⴽⴻⵍⵜ ⵜⵓⵣⵣⵉⴳⵜ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵧⵏⵓ ⵉ ⵓⵙⴻⵏⵖⴻⵙ ⵏ ⵜⵡⵓⵖⴰ ⵉⵣⴻⵎⵔⴻⵏ ⴰⴷ ⴹⵔⵓⵏⵜ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⴳⴻⵏⵙⵉ (ⵏ ⴷⴰⵅⴻⵍ) ⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⵢⴻⵎⵎⵓⴳⴳⴻⵔ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⵉⵎⵡⴻⴽⴽⴻⵍⵜ ⵜⵓⵣⵣⵉⴳⵜ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵓⵙⴻⵏⵖⴻⵙ ⵏ ⵜⵡⵓⵖⴰ ⵉⵣⴻⵎⵔⴻⵏ ⴰⴷ ⴹⵔⵓⵏⵜ, ⵎⴰⵔⴳⴰⵔⴻⵜⴰ ⵡⴰⵀⵍⵙⵜⵔⵧⵎ.
ⴷⴻⴳ ⵜⴰⴳⴳⴰⵔⴰ ⵓⵎⴻⵙⵍⴰⵢ-ⵉⵙ ⵉ ⵢⵉⵏⴻⵖⵎⴰⵙⴻⵏ, ⵎⴰⵙⵙⴰ ⵡⴰⵀⵍⵙⵜⵔⵧⵎ ⵜⴻⵏⵏⴰ-ⴷ, ⵏⴻⵙⴽⴰⵙⵉ ⵏⴻⴽⴽ ⴷ ⵎⴰⵙⵙ ⴱⴻⴷⵧⵓⵉ ⵖⴻⴼ ‘’ⵓⴼⴰⵕⴻⵙ ⵏ ⵓⵎⴻⴷⵀⴻⵍ ⵉ ⴰⵖ-ⵉⵛⵓⴷⴷⴻⵏ’’ ⴷ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵏⵖⴻⵙ ⵏ ⵜⵡⵓⵖⴰ ⵉⵣⴻⵎⵔⴻⵏ ⴰⴷ ⴹⵔⵓⵏⵜ. ⵜⴻⵔⵏⴰ ⵜⴻⵏⵏⴰ-ⴷ ⴱⴻⵍⵍⵉ ⵜⵓⴷⴷⴻⵔ-ⴷ ⴷⴰⵖⴻⵏ ⴰⵙⴰⵔⴰⴳ ⴰⵎⴰⴹⵍⴰⵏ ⵉ ⴷ-ⵢⴻⵍⵍⴰⵏ ⴷⴻⴳ ⵊⴰⵒⵓⵏ, ⵖⴻⴼ ⵓⵙⴻⴼⵔⴻⴽ ⵏ ⵜⵡⵓⵖⴰ ⵉⵣⴻⵎⵔⴻⵏ ⴰⴷ ⴹⵔⵓⵏⵜ, ⴷⴻⴳ ⵙⵉⵏ ⵡⴰⴳⴳⵓⵔⴻⵏ-ⴰ ⵢⴻⵣⵔⵉⵏ.
ⵍⴰⵚⴻⵍ-ⵉⵙ ⴷ ⵜⴰⵙⵓⵡⵉⴷⵉⵜ, ⵡⴰⵀⵍⵙⵜⵔⵧⵎ ⵜⴻⵙⵄⴰ ⵓⴳⴰⵔ ⵏ 30 ⵉⵙⴻⴳⴳⴰⵙⴻⵏ ⵏ ⵜⴻⵔⵎⵉⵜ ⴷⴻⴳ ⵜⴻⵎⵀⴰⵍⵉⵏ ⵏ ⵓⵙⵓⴽⴽⴻⵙ ⵏ ⵢⴻⵎⴷⴰⵏⴻⵏ ⴷⴻⴳ ⵜⴻⵎⵏⴰⴹⵉⵏ ⵉⴷⴻⴳ ⴷ-ⵜⴻⴹⵔⴰ ⵜⵡⴰⵖⵉⵜ ⵏⴻⵖ ⵜⵉⴷ ⵉⴷⴻⴳ ⵢⴻⴽⴽⴻⵔ ⵛⵛⵡⴰⵍ, ⵔⵏⵓ ⴷⴰⵖⴻⵏ ⴰⵢⴻⵏ ⵢⴻⵔⵣⴰⵏ ⴰⵙⴻⴵⵀⴻⴷ ⵏ ⵜⵙⵓⴷⴷⴰ ⴰⴽⴽⴻⵏ ⴰⴷ ⵏⴻⵙⵏⴻⵔⵏⵉ ⵜⴰⵣⵎⴻⵔⵜ ⵜⴰⵖⴻⵍⵏⴰⵡⵜ ⴷⴻⴳ ⵓⵀⴻⴳⴳⵉ ⵏ ⵓⵇⴰⴱⴻⵍ ⵏ ⵜⵡⵓⵖⴰ, ⴷ ⵓⵙⵓⴽⴽⴻⵙ ⵏ ⵢⴻⵎⴷⴰⵏⴻⵏ.
