ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴽⵍⵉ ⵓⵎⴻⵏⵏⵓⵖ ⵏ ⵡⴻⵎⴵⴰⵀⴻⴷ ⵔⴰⴱⴰⵀ ⴱⵉⵜⴰⵜ, ⴷ ⴰⵙⴻⵏⵜⴻⵍ ⵏ ⵢⵉⵡⴻⵏ ⵓⵙⴰⵔⴰⴳ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ
ⵍⴻⵣⵣⴰⵢⴻⵔ- ⵢⵉⵡⴻⵏ ⵓⵙⴰⵔⴰⴳ ⵖⴻⴼ ⵜⵉⴽⵍⵉ ⵓⵎⴻⵖⵏⴰⵙ ⴰⵎⴵⴰⵀⴻⴷ ⵔⴰⴱⴰⵀ ⴱⵉⵜⴰⵜ ⵢⴻⵜⵜⵡⴰⵙⵓⴷⴷⴻⵙ ⴰⵙⵙ ⵏ ⵍⴰⵅⵎⵉⵙ ⴷⴻⴳ ⵓⵙⴻⵇⵇⴰⵎⵓ ⴰⵖⴻⵕⴼⴰⵏ ⴰⵖⴻⵍⵏⴰⵡ (ⴰⵒⵏ). ⴰⵙⴻⵍⵡⴰⵢ ⵓⵙⴻⵇⵇⴰⵎⵓ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ ⵢⴻⵔⵔⴰ ⵜⴰⵊⵎⵉⵍⵜ ⴰⵍⵎⴻⵏⴷ ⵓⵙⴰⵔⴰⴳ-ⴰⴳⵉ ⵉ ⵜⵉⴽⵍⵉ ⴷ-ⵢⵓⵖ ⵡⴻⵎⴵⴰⵀⴻⴷ ⵖⴻⴼ ⵢⴻⵏⵏⴰ ⴱⴻⵍⵍⵉ " ⴷ ⴰⵎⴻⴷⵢⴰ ⵉ ⵜⵙⵓⵜⵡⵉⵏ ⴷ-ⵉⵜⴻⴷⴷⵓⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ⵏ ⵍⴻⴱⵏⵉ ⵏ ⵜⵎⵓⵔⵜ". ⵢⴻⵏⵏⴰ ⵖⴻⴼ ⵓⵎⴻⵕⵃⵓⵎ ⴱⴻⵍⵍⵉ ⴷ ⴰⵎⴵⴰⵀⴻⴷ ⵉⵡⴰⵜⴰⵏ, ⴷ ⴰⴳⵔⴰⵡⵍⵉⵡ ⵢⴻⵇⵡⴰⵏ ⵓ ⴷ ⴰⵎⴹⴻⴱⴱⴻⵕ ⵣⴻⴷⴷⵉⴳⴻⵏ, ⵎⴰⵙ ⵧⵓⵍⴷ ⴽⵀⴻⵍⵉⴼⴰ ⵢⴻⵏⵏⴰ-ⴷ ⴱⴻⵍⵍⵉ ⵔⴰⴱⴰⵀ ⴱⵉⵜⴰⵜ ⵢⴻⴼⴽⴰ ⵜⵓⴷⴻⵔⵜ-ⵉⵙ ⴷ ⴰⵙⴼⴻⵍ ⵖⴻⴼ ⵍⴻⵣⵣⴰⵢⴻⵔ. ⵢⴻⵔⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵉⵎⵉⵍⵉⵜ-ⴰⴳⵉ ⴷ ⵜⴰⴳⵏⵉⵜⵜ ⵏ ⵓⵙⵎⴻⴽⵜⵉ ⵏ " ⵢⵉⵡⴻⵜ ⵏ ⵜⴻⵕⴽⵉⵣⵜ ⵏ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ". ⴰⵍⵎⴻⵏⴷ ⵏ ⵡⴰⵢⴰ, ⵎⴰⵙ ⵧⵓⵍⴷ ⴽⵀⴻⵍⵉⴼⴰ ⵉⴱⴻⵔⵃ-ⴷ ⵙ ⵜⵉⴽⵛⵉ ⵉ ⵜⵣⴻⵇⵇⴰ ⵉⵙⴰⵔⴰⴳⴻⵏ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵒⵏ ⵉⵙⴻⵎ ⵏ ⵔⴰⴱⴰⵀ ⴱⵉⵜⴰⵜ. ⵙⴻⴳ ⵢⵉⴷⵉⵙ-ⵉⵙ, ⵎⵧⵀⴰⵎⴻⴷ ⴱⴻⵏ ⴰⵎⴻⵓⵔ ⵣⴻⵔⵀⵧⵓⵏⵉ, ⴰⵎⵛⵉⵡⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵎⴻⴽⵜⴰ-ⴷ ⵜⵉⴷⵢⴰⵏⵉⵏ ⵜⵉⵎⵓⵇⵕⴰⵏⵉⵏ ⵏ ⵡⴻⵎⴵⴰⵀⴻⴷ ⴷ ⴷⴷⵓⵕ ⵢⵓⵔⴰⵔ ⴷⵉ ⵜⴻⴳⵔⴰⵡⵍⴰ ⵜⴰⵖⴰⵍⵏⴰⵡⵜ, ⴰⴽⴽ ⴷ ⵓⵜⴻⴽⴽⵉ-ⵉⵏⴻⵙ ⴷⵉ ⵍⴻⴱⵏⵉ ⵏ ⵜⵎⵓⵔⵜ. ⵢⴻⵔⵏⴰ ⵢⴻⵙⵎⴻⴽⵜⴰ-ⴷ ⴷⴰⵖⴻⵏ ⴰⵢⴻⵏ ⵢⴻⵅⴷⴻⵎ ⵓⵎⴻⵕⵃⵓⵎ ⴷⴻⴳ ⵍⴻⵇⴷⵉⵛ ⵓⵙⴻⵇⵇⴰⵎⵓ ⴰⵖⴻⵕⴼⴰⵏ ⴰⵖⴻⵍⵏⴰⵡ ⴷ ⵜⵜⴻⴵⵔⵉⴱⴰ ⵢⴻⵙⵄⴰ ⴷⴻⴳ ⵡⴻⵃⵔⵉⵛ-ⴰⴳⵉ. ⵜⴰⵎⴻⵟⵟⵓⵜ ⵏ ⵡⴻⵎⴵⴰⵀⴻⴷ, ⵣⴰⵀⵔⴰ ⴷⵔⵉⴼ ⴱⵉⵜⴰⵜ ⵜⵓⵖⴰⵍ-ⴷ ⵖⴻⵔ ⵜⴻⴷⵢⴰⵏⵉⵏ ⵉⵍⴻⵇⵇⵎⴻⵏ ⵜⵓⴳⵏⴰ ⵓⵎⴻⵕⵃⵓⵎ, ⴰⵏⴷⴰ ⴷ-ⵜⴻⴱⴷⴻⵔ ⴱⴻⵍⵍⵉ ⴷ ⴰⴱⴰⴱⴰⵜ ⵢⴻⵣⴳⴰ ⵢⴻⵙⵙⴻⵍⵎⴰⴷ ⵉ ⵜⴰⵔⵡⴰ-ⵙ ⵍⴰⵃⵎⴰⵍⴰ ⵏ ⵜⵎⵓⵔⵜ".
