ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⴻⵖⵡⴰⵍⵜ ⵇⴻⴱⵍⴻⵏ ⵉⵙⵓⵎⵎⵔⴻⵏ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⴰⵃⴰⵔⴻⴱ ⵏ ⵔⵔⴻⴱⵔⴰⴱ
ⵍⵇⴰⵀⵉⵕⴰ- ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ ⵢⴻⵏⵏⴰ-ⴷ ⴰⵙⵙ ⵏ ⵍⴰⵅⵎⵉⵙ ⴷⵉ ⵍⵇⴰⵀⵉⵕⴰ, ⴱⴻⵍⵍⵉ ⴰⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵇⴻⴱⵍⴻⵏ ⵉⵙⵓⵎⵎⵔⴻⵏ ⵏ ⵜⴻⵔⴱⴰⵄⵜ ⵜⴰⵣⵣⴰⵢⵔⵉⵜ ⵢⴻⵔⵣⴰⵏ ⴰⵣⴰⵍ ⵏ ⵉⵎⴰⵡⵍⴰⵏ ⵉⵙⴰⵍⵍⴻⵏ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⵟⵟⵓⵕⴼⴰ, " ⴰⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⴻⵖⵡⴰⵍⵜ ⵢⴰⵇⴱⴻⵍ ⴰⴽⴽ ⵉⵙⵓⵎⵎⵔⴻⵏ ⵏ ⵜⴻⵔⴱⴰⵄⵜ ⵜⴰⵣⵣⴰⵢⵔⵉⵜ, ⵍⴰⴷⵖⴰ ⴰⵢⴻⵏ ⵢⴻⵔⵣⴰⵏ ⴷⴷⵓⵕ ⵉⵎⴰⵡⵍⴰⵏ ⵉⵙⴰⵍⵍⴻⵏ ⴷⴻⴳ ⵢⵉⴱⴻⴷⴷⵉ ⵎⴳⴰⵍ ⵏ ⵔⵔⴻⴱⵔⴰⴱ ⴰⴽⴽ ⴷ ⵜⵉⵟⵟⵓⵕⴼⴰ", ⵉⴷ-ⵉⴱⴻⵔⵔⴰⵃ ⵎⴰⵙ ⴳⵔⵉⵏⴻ ⵖⴻⵔ ⵜⴰⴳⴳⴰⵔⴰ ⵏ ⵍⴻⵛⵖⴰⵍ ⵡⵉⵙ 46 ⵏ ⵜⴻⵎⵍⵉⵍⵉⵜ ⵓⵙⴻⵇⵇⴰⵎⵓ-ⵢⴰⴳⵉ, ⵢⴻⵙⵎⴻⴽⵜⴰ-ⴷ ⵍⴻⵄⵜⴰⴱ ⵏ ⵍⴻⵣⵣⴰⵢⴻⵔ ⴷⴻⴳ ⵡⴻⴳⵏⵉ ⴰⴳⴻⵔⴰⵖⵍⴰⵏ ⵉ ⵓⵙⵉⵡⴻⴹ ⵖⴻⵔ ⴽⵔⴰ ⵏ ⵍⴰⵇⵡⴰⵏⴻⵏ ⴰⵔⴰ ⵢⴻⵙⵏⴰⵖⵙⴻⵏ ⴷⴻⴳ ⵓⵏⴻⵔⵏⵉ ⵏ ⵡⴰⵟⵟⴰⵏ-ⴰⴳⵉ ⵏ ⵔⵔⴻⴱⵔⴰⴱ ⵙ ⵜⵓⴽⴽⵙⴰ ⵏ ⵜⴻⴷⵔⵉⵎⵜ ⵙ-ⴷ-ⵢⴻⵜⵜⴰⵡⴹⴻⵏ. ⴰⵏⴻⵖⵍⴰⴼ ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⴰⴷ ⵏⴻⴼⵔⴻⵏ ⴳⴻⵔ ⵡⵉⵏ ⵢⴻⵙⵙⴰⵅⴷⴰⵎⴻⵏ ⵔⵔⴻⴱⵔⴰⴱ ⴰⴽⴽ ⴷ ⵓⵏⴰⵣⴱⴰⵢ ⵢⴻⵍⵍⴰⵏ " ⴷ ⴰⵣⵔⴻⴼ ⵏ ⵢⵉⵖⴻⵔⴼⴰⵏ ⵢⴻⵜⵜⵏⴰⵖⴻⵏ ⵖⴻⴼ ⵜⵍⴻⵍⵍⵉ-ⵏⵙⴻⵏ, ⵍⴰⴷⵖⴰ ⴰⵜⵎⴰⵜⴻⵏ-ⵏⵏⴻⵖ ⴰⵖⵕⴻⴼ ⴰⴼⴰⵍⴰⵚⵟⵉⵏⵉ". ⵍⴻⵣⵣⴰⵢⴻⵔ ⵜⴻⵙⵙⴰⵡⴰⵍ ⵉ ⵡⴻⵙⴷⵓⴽⴽⴻⵍ ⵉⵖⴰⵍⵍⴻⵏ ⵎⴳⴰⵍ ⴰⴽⴽ ⵜⵉⴽⵜⵉⵡⵉⵏ ⵏ ⵟⵟⵍⴰⵎ ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⵢⴻⵙⵙⴰⵡⴻⵍ ⴰⵙⵙ ⵏ ⵍⴰⵅⵎⵉⵙ ⴷⵉ ⵍⵇⴰⵀⵉⵕⴰ ⵉⵎⴰⵡⵍⴰⵏ ⵉⵙⴰⵍⵍⴻⵏ ⴰⵄⵕⴰⴱⴻⵏ ⵉ ⵡⴻⵣⴷⵓⴽⴽⴻⵍ ⵉⵖⴰⵍⵍⴻⵏ ⴰⴽⴽⴻⵏ " ⴰⴷ ⵖⴻⴹⵍⴻⵏ ⵜⵉⴽⵜⵉⵡⵉⵏ ⵏ ⵟⵟⵍⴰⵎ ⴰⴽⴽ ⴷ ⵜⴳⴰⵡⵉⵏ ⵓⵀⵓⴷⴷⵓ ⵖⴻⵔ ⵙⵙⴰⵡⴰⵍⴻⵏⵜ ⵜⵔⴻⴱⴱⵓⵢⴰⵄ ⵜⵉⵔⴻⴱⵔⴰⴱⵉⵏ".
