Asebter amenzawi

Iduga n zik: ger usexṛeb, aṛeqqed d utreffah

LEZZAYER- Ahuddu d usexṛeb s lebɣi n iduga iqbuṛen d wayen yellan d adelsan ladɣa di Lɛiṛaq akk d Surya d tiyita muqṛen deg wudem umezruy akk d tɣeṛmiwin, lawan deg aṛeqqed n tɣawsiwin n zik send amezruy seg usammer alemmas ɣer Lurup tuɣal d anegmu wissin n tedrimt irebraben mbaɛd lpitrul. Ɣef wayagi ad nwali belli aɣelluy n temdint Palmyre deg uneẓṛuf n Surya ger yifassen n trebbuyaɛ yettsemmin i yiman-nsent " ddewla tisneslemt" (EI/Daech) tegla-d s tuggdi d akken agerruj asenzikan n weɣṛem ad yettwasexṛeb, am wakken teḍṛa yakan di Lɛiṛaq Irak, di Lmali, di Libya neɣ di Afɣanistan. Asexṛeb n temdint-agi taqdimt seg Daech, ad yili "d taxeṣṣart muqqren i talsa", id-twekked tnemhalt n Unesco Irina Bokova deg yiwet n tbidyutt deg wadeg n tuddsa-yagi tageraɣlant.