ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵏ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵉ ⵓⵙⵙⴻⴱⴷⴻⴷ ⵏ « ⵜⵜⴰⵡⵉⵍⴰⵜ » ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⴳⴰⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⵙⵙ ⵏ 25 ⵎⴰⵢⵓ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵓⵙⵙⴻⴱⴷⴻⴷ ⵏ « ⵜⵜⴰⵡⵉⵍⴰⵜ » ⴷ « ⵓⵏⴰⴳⵔⴰⵡ ⴰⵎⴰⵜⵓ » ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⴷ ⵜⵄⴻⵙⵙⴰⵙⵜ ⵏ ⵡⴰⵢⴰ ⴷⴻⴳ ⵓⴳⴰⴼⴰ ⵏ ⵎⴰⵍⵉ.
ⴷ ⴰⵢⴰ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢⴷⴻⴳ ⵢⴻⵎⵎⵓⴳⴻⵔ ⵜⴰⵙⴻⵍⵡⴰⵢⵜ ⵏ ⵓⴳⵔⴰⵡ ⴰⵖⴻⵍⵏⴰⵡ ⵏ ⵜⴻⴳⴷⵓⴷⴰ ⵜⴰⵙⴻⵔⴱⵉⵜ, ⵎⴰⵊⴰ ⴳⵧⵊⴽⵧⵠⵉⵛ.
ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵍⵍⴰⵏ ⴽⵔⴰⴹ (ⵜⵍⴰⵜⴰ) ⵏ ⵢⵉⵎⵜⴰⵡⴰⵢⴻⵏ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵢⵉⵙⵓⵔⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⴽⴰⵍⴰ (ⵏ ⵓⵎⵛⵉⵡⴻⵕ) ⵏ ⵍⴷⵣⴰⵢⴻⵔ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⵜⴰⵡⴰⵢⴻⵏ-ⴰ « ⵜⵉⴽⴽⴰⵍ ⵇⵓⴷⵔⴻⵏ-ⵜⴻⵏ, ⵜⵉⴽⴽⴰⵍ ⵄⴻⴼⵙⴻⵏ-ⵜⴻⵏ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ « ⴰⴷ ⵎⵄⴰⵀⴰⴷⴻⵏ ⵢⵉⴷⵉⵙⴰⵏ ⵏ ⵜⴰⵍⵓⴼⵜ, ⴰⵎⴰ ⴷ ⵡⵉⴷ ⵏ ⵓⵡⴰⵏⴰⴽ ⵏⴻⵖ ⴷ ⵡⵉⴷ ⵏ ⵢⵉⵎⵓⵙⵙⴰ ⵉⵙⴻⵔⵜⵉⵢⴻⵏ ⵉⵎⵙⴻⵍⵍⵃⴻⵏⵏ, ⴰⴽⴽⴻⵏ ⴰⴷ ⵇⴰⴷⵔⴻⵏ ⴽⵔⴰ ⵏ ⵛⵛⵓⵔⵓⴹ ⴷⴻⴳ ⵓⵏⵔⴰⵔ ⴰⴽⴽⴻⵏ ⴰⴷ ⵔⴻⵥⵎⴻⵏ ⴰⴱⵔⵉⴷ ⵉ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⴽⴰⵍⴰ ⵏ ⵍⴷⵣⴰⵢⴻⵔ ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ ⵓⵄⵣⴰⵍ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵏ ⵓⴳⴰⴼⴰ (ⵏ ⵎⴰⵍⵉ) ⴰⵢ ⵢⴻⴱⵖⴰⵏ ⴰⴷ ⵔⵡⵉⵏ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵃⴻⵜⵜⵎⴻⵏ ⵉⵎⴰⵏ-ⵏⵙⴻⵏ ⵖⴻⴼ ⵎⴻⴷⴷⴻⵏ ⵢⴻⵔⵏⴰ ⴰⴷ ⵊⵊⴻⵏ ⵜⴰⴳⵏⵉⵜ ⵜⴻⵔⵡⵉ ⴰⴽⴽⴻⵏ ⵜⴻⵍⵍⴰ ⵉⵎⵉⵔ-ⴰ ».
ⴷⴻⴳ ⵜⴳⴰⵔⴰ, ⵢⴻⵏⵏⴰ-ⴷ ⴷⴰⴽⴽⴻⵏ « ⵙ ⴽⵔⴰ ⵏ ⵜⵉⴷⴷⵉⵜ ⴰⵔⴰ ⴷ-ⵢⵉⵍⵉⵏ ⵖⴻⵔ ⵙⴷⴰⵜ ⴷⴻⴳ ⵍⴻⵎⵛⴰⵡⵕⴰⵜ ⴳⴰⵔ ⵢⵉⴷⵉⵙⴰⵏ (ⵉⵎⴰⵍⵉⵢⴻⵏ) ⵜⴻⵣⵎⴻⵔ ⴰⴷ ⵜⴻⵙⵙⵉⴼⵙⴻⵙ ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵓⴽⴰⵍⴰ ⵏ ⵍⴷⵣⴰⵢⴻⵔ ⵙ ⵡⵓⴷⵎⴰⵡⴻⵏ-ⵏⵏⴻⵙ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⴹⵄⴻⴼ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ».
