ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵏⵖⵉⵡⵜ ⵏ 25 ⵏ ⵢⵉⵔⴻⴱⵔⴰⴱⴻⵏ ⴷⴻⴳ ⵜⵓⴱⵉⵔⴻⵜ: ⴷ ⵛⵛⵖⴻⵍ « ⴰⴱⵖⴰⵙ » ⵏ ⵢⵉⴳⴻⵏ (ⵍⴰⵎⴰⵎⵔⴰ)
ⵍⴷⵣⴰⵢⴻⵔ – ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵜⵜⵡⴻⵏⵖⴻⵏ 25 ⵏ ⵢⵉⵔⴻⴱⵔⴰⴱⴻⵏ ⴷⴻⴳ ⵜⵓⴱⵉⵔⴻⵜ ⴷⴻⴳ ⵢⵉⵡⴻⵜ ⵏ « ⵜⴻⵎⵀⴻⵍⵜ ⵜⴰⴱⵖⴰⵙⵜ » (ⵜⴰⴽⵓⵕⴰⵊⵉⵜ) ⵢⴻⵔⵏⴰ ⴰⵢⴰ ⴷ « ⴰⵙⵓⵔⵉⴼ ⴷⴻⴳ ⵜⵖⴰⵔⴰ » ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⵉⵣⴻⵎⵎⴰⵔ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⵖⴻⵍⵍⵉⵙⵜ ⴷⴻⴳ ⵛⵛⵖⴻⵍ-ⵏⵙⴻⵏ ⵏ ⵜⵄⴻⵙⵙⴰⵙⵜ ⴷ ⵜⵓⴽⴽⵙⴰ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ.
« ⵡⵉⴷ ⵢⴻⵜⵜⴹⴰⴼⴰⵔⴻⵏ ⵜⴰⵎⵙⴰⵍⵜ-ⴰ ⵏⵏⴰⵏ-ⴷ ⴷⴰⴽⴽⴻⵏ ⴰⵢⴻⵏ ⴰⵢ ⴷ-ⵢⴻⵍⵍⴰⵏ ⴷ ⴰⵙⵓⵔⵉⴼ ⴷⴻⴳ ⵜⵖⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⵉⴳⴰ ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵓⴷⵉⵡⴻⵏⵏⵉ-ⵏⵏⴻⵙ ⴷ ⵜⵙⴻⵍⵡⴰⵢⵜ ⵏ ⵓⴳⵔⴰⵡ ⴰⵖⴻⵍⵏⴰⵡ ⵏ ⵜⴻⴳⴷⵓⴷⴰ ⵜⴰⵙⴻⵔⴱⵉⵜ, ⵎⴰⵊⴰ ⴳⵧⵊⴽⵧⵠⵉⵛ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⴷ ⵜⵉⵙⵉⴳⴰⵔ ⴽⴰⵏ ⴰⵢ ⴷ-ⵢⴻⵇⵇⵉⵎⴻⵏ ⵙⴻⴳ ⵔⵔⴻⴱⵔⴰⴱ ⴷⴻⴳ ⵍⴷⵣⴰⵢⴻⵔ ».
ⴰⵏⴻⵖⵍⴰⴼ ⵢⵓⵎⴰⵔ (ⵢⴻⴼⵕⴻⵃ) ⵙ ⵜⴻⵣⵎⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ ⵉⵎⵉ ⴰⵢ ⵙⵙⴰⵡⴹⴻⵏ ⴰⴷ ⵄⴰⵙⵙⴻⵏ ⵢⴻⵔⵏⴰ ⴰⴷ ⴽⴽⵙⴻⵏ ⵜⵉⴳⵔⴰⵡⵉⵏ (ⵜⵉⵔⴻⴱⵔⴰⴱⵉⵏ) ⵢⴻⵔⵏⴰ ⵢⴻⵏⵏⴰ-ⴷ « ⴰⵢⴰ ⵢⴻⵙⵙⴽⴰⵏⴰⵢ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ ⵜⴻⵣⵡⴰⵔ ⵖⴻⵔ ⵓⵏⵔⴰⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ».
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⵀⴻⵍⵜ-ⴰ « ⴷ ⵜⴰⴱⵖⴰⵙⵜ ⵢⴻⵔⵏⴰ ⴷ ⵜⴰⵅⴰⵜⴰⵔⵜ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵙⵍⴰⵏ ⵢⴻⵙ-ⵙ ⴰⴽⴽ ⵎⴻⴷⴷⴻⵏ.
« ⴰⵎⴰⴹⴰⵍ ⵙ ⵍⴻⴽⵎⴰⵍ-ⵏⵏⴻⵙ ⵢⴻⵥⵔⴰ ⵙ ⵜⵜⴱⵓⵜ ⴷⴰⴽⴽⴻⵏ ⵍⵍⴰⵏⵜ ⵜⵎⵓⵔⴰ ⴰⵢ ⵢⴻⵣⵡⴰⵔⴻⵏ ⵖⴻⵔ ⵓⵏⵔⴰⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵔⵏⴰ ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵜⵎⵓⵔⴰ-ⴰ », ⴰⵢ ⴷ-ⵢⴻⵏⵏⴰ.
ⵚⵚⴻⵏⴼ-ⴰ ⵏ ⵜⴻⵎⵀⴰⵍ « ⵢⴻⵃⵡⴰⵊ ⵉⵖⴰⵍⵍⴻⵏ ⵓⵣⵣⵉⴳⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵉⵖⴻⵔⵎⴰⵏⴻⵏ ⵉⴷⵣⴰⵢⵔⵉⵢⴻⵏ « ⵜⵜⴻⴽⴽⴰⵏ ⵙ ⵓⴱⵔⵉⴷ-ⵏⵙⴻⵏ ⴷⴻⴳ ⵛⵛⵖⴻⵍ ⵢⴻⴽⴽⴰⵜⴻⵏ ⴰⴽⴽⴻⵏ ⴰⴷ ⵉⴼⴰⴽ ⵔⵔⴻⴱⵔⴰⴱ ⵙⴻⴳ ⵍⴷⵣⴰⵢⴻⵔ ».
ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ ⴷⴰⴽⴽⴻⵏ « ⴰⵎⴰⴹⴰⵍ ⵙ ⵍⴻⴽⵎⴰⴽ-ⵏⵏⴻⵙ ⵢⴻⵙⵜⴻⵄⵕⴻⴼ ⵙ ⵜⵎⵓⵙⵙⵏⵉ ⵉⴳⴻⵔⵔⵣⴻⵏ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⴷ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⴻⴳ ⵓⵅⴻⴷⴷⵉⵎ-ⵏⵙⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ».
« ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵎⴰ ⵙⴼⴰⵢⴷⵉⵏ-ⴷ ⵢⵉⴷⵉⵙⴰⵏ ⵏⵉⴹⴻⵏ ⵙⴻⴳ ⵜⵜⴻⵊⵕⵉⴱⴰ ⵏ ⵍⴷⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴷ ⵜⵜⴻⵊⵕⵉⴱⴰ ⴰⵢ ⴷ-ⵜⴻⵔⴱⴻⵃ ⵙⴻⴳ ⵡⴰⵢⴻⵏ ⴰⵢ ⵜⴻⴼⴽⴰ ⴷ ⴰⵙⴼⴻⵍ ⵙⴻⴳ ⵡⴰⵔⵔⴰⵡ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
