ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⴱⴷⴰⴷ ⵏ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵢⴰⵎⴰⵏⵉ
ⵍⴷⵣⴰⵢⴻⵔ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⵓⵣⴻⵏ ⵉ ⵓⵙⴻⵍⵡⴰⵢ ⵏ ⵢⴰⵎⴰⵏ, ⴰⴱⴷ ⵔⴰⴱⴱⵧⵓ ⵀⴰⴷⵉ, ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 25 ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵜⵎⵓⵔⵜ-ⵏⵏⴻⵙ, « ⴰⴱⴷⴰⴷ ⵏ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵢⴰⵎⴰⵏⵉ ⵢⴻⵔⵏⴰ ⴰⵜⴰⵏ ⵖⴻⵔ ⵢⵉⴷⵉⵙ ⵏ ⵜⵉⴽⵍⵉ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵍⵍⵙⴰⵙ ⵏ ⵜⵓⴳⴷⵓⵜ ⴷ ⵓⵙⵙⴻⵊⵀⴻⴷ ⵏ ⵜⵙⵓⴷⴰ ⵜⵉⵎⴻⵏⴹⴰⵡⴰⵏⵉⵏ ».
« ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵖⵔⴻⴼ ⴰⵢⴰⵎⴰⵏⵉ ⵍⴰ ⵢⴻⵙⴼⵓⴳⵓⵍ ⴰⵎⵓⵍⵍⵉ ⵡⵉⵙ 25 ⵏ ⵜⴷⵓⴽⵍⵉ-ⵏⵏⴻⵙ ⵜⴰⵖⴻⵍⵏⴰⵡⵜ, ⵙ ⵜⵓⵎⴻⵔⵜ ⴰⵔⴰ ⴰⵡⴻⵏ-ⴰⵣⵏⴻⵖ, ⵙ ⵢⵉⵙⴻⵎ ⵏ ⵓⵖⵔⴻⴼ ⴷ ⵓⵏⴰⴱⴰⴹ ⵉⴷⵣⴰⵢⵔⵉⵢⴻⵏ ⵢⴻⵔⵏⴰ ⵙ ⵢⵉⵙⴻⵎ-ⵉⵏⵓ ⵓⴷⵎⴰⵡⴰⵏ, ⴰⵀⴻⵏⵏⵉ-ⵏⵏⴻⵖ ⴰⵃⵎⴰⵢⴰⵏ, ⴷ ⵡⵉⵏ ⵡⵓⴽⵓⴷ ⴰⵔⴰ ⵏ-ⵙⵙⴻⴷⴷⵓⵖ ⴰⵙⵙⵉⵔⴻⵎ-ⵏⵏⴻⵖ ⵉⵎⵅⴻⵢⵢⴻⵔ ⵏ ⵜⴷⴰⵡⵙⴰ ⴷ ⵍⴻⵀⵏⴰ ⵉ ⴽⴻⵛⵛ ⵙ ⵜⵉⵎⵎⴰⴷ-ⵏⵏⴻⴽ, ⴷ ⵡⵓⴳⴰⵔ ⵏ ⵓⴼⴰⵔⴰ, ⵜⴰⵖⴻⵍⵍⵉⵙⵜ ⴷ ⵓⵔⴽⴰⴷ ⵓⵖⵔⴻⴼ ⴰⵢⴰⵎⴰⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵙⴻⵍⵡⴰⵢ ⴱⵧⵓⴻⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵏⵏⴻⵙ.
« ⴰⵇⵍ-ⵉⵢⵉ ⵜⵜⵡⴰⵙⵇⴻⵏⵄⴻⵖ ⴷⴰⴽⴽⴻⵏ ⴰⵖⵔⴻⴼ ⴰⵢⴰⵎⴰⵏⵉ ⴷ ⴰⵖⵔⴻⴼ ⴰⵄⴻⵇⵍⵉ ⵢⴻⵜⵜⵡⴰⵍⵉⵏ ⵜⵉⵖⴰⵡⵙⵉⵡⵉⵏ ⵙ ⵚⵚⵡⴰⴱ ⵢⴻⵔⵏⴰ ⴰⴷ ⵢⴻⵣⵎⴻⵔ ⴰⴷ ⵢⴻⴽⴽ ⵉ ⵜⴰⵍⵓⴼⵜ-ⴰ ⵏ ⵢⵉⵎⵉⵔ-ⴰ ⵙ ⵓⵎⵛⵉⵡⴻⵕ ⴰⵙⴻⵔⵜⵉ ⴰⵎⴰⵜⵓ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ ⵙ ⵓⵃⵔⴰⵣ ⵏ ⵜⵏⴰⵢⴰ ⴷ ⵓⵔⴽⴰⴷ ⵏ ⵢⴰⵎⴰⵏ ⴷ ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ⵢⴻⵔⵏⴰ ⴷ ⴰⵢⴰ ⴰⵔⴰ ⵢⴻⵊⵊⴻⵏ ⴰⵖⵔⴻⴼ ⴰⵢⴰⵎⴰⵏⵉ ⴰⴷ ⵢⴻⵙⵙⵉⵡⴻⴹ ⵖⴻⵔ ⵍⴻⴱⵖⵉ-ⵏⵏⴻⵙ ⵏ ⵜⴰⵍⵡⵉⵜ ⴷ ⵍⴻⵀⵏⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
« ⴰⴷ ⵜⵜⵔⴻⵖ ⵕⴻⴱⴱⵉ, ⴱⴰⴱ ⵏ ⵜⴻⵣⵎⴻⵔⵜ, ⴰⴷ ⴽⴻⵏ-ⵉⵄⴰⵡⴻⵏ ⴰⴷ ⵜⴽⴻⵎⵎⵍⴻⵎ ⵍⵎⴻⵊⵀⵓⴷ-ⵏⵡⴻⵏ ⵉ ⵍⴻⴱⵏⵉ ⵏ ⵓⵣⴻⴽⴽⴰ ⵉⵀⴻⵏⵏⴰⵏ ⴰⵢⴷⴻⴳ ⴰⵖⵔⴻⴼ ⴰⵢⴰⵎⴰⵏⵉ ⴰⴳⵎⴰⵜ ⴰⴷ ⵢⴻⵣⵎⴻⵔ ⴰⴷ ⵢⴻⴼⵕⴻⵃ ⵙ ⵍⴻⵀⵏⴰ ⴷ ⵜⵏⴻⴼⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
