ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴻⵕⵕⵓⴽ: ⴰⵄⴰⵇⴻⴱ ⵏ ⵙⵏⴰⵜ ⵏ ⵜⵏⴻⵖⵎⴰⵙⵉⵏ ⵉⵎⵉ ⴰⵢ ⴷ-ⵏⵏⴰⵏⵜ ⴷⴰⴽⴽⴻⵏ ⵜⴰⴳⴻⵔⵎⴰⵏⵜ ⵜⴰⵙⴻⵔⴷⴰⵙⵉⵜ ⴷⴻⴳ ⵢⴰⵎⴰⵏ ⴷ ⴰⵜⵄⴻⴷⴷⵉ

ⵔⵔⴱⴰⵟ - ⵜⵜⵡⴰⵄⴰⵇⴱⴻⵏⵜ ⵙⵏⴰⵜ ⵏ ⵜⵏⴻⵖⵎⴰⵙⵉⵏ ⵏ ⵜⴻⵔⴳⴰ ⵏ ⵜⵎⵓⵔⵜ ⵏ ⵎⴻⵕⵕⵓⴽ 2ⵎ ⵎⵉ ⴷ-ⵉⵄⴻⴷⴷⴰ ⵢⵉⵡⴻⵏ ⵏ ⵓⵔⵓⵒⵓⵔⵟⴰⵊ ⴰⵢⴷⴻⴳ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⵍⴻⵛⵖⴰⵍ ⵉⵙⴻⵔⴷⴰⵙⵉⵢⴻⵏ ⵏ ⵜⴻⵎⵙⵉⵙⵉⵜ ⵜⴰⵄⵕⴰⴱⵜ ⴷⴻⴳ ⵢⴰⵎⴰⵏ (ⴰⵢⴷⴻⴳ ⵜⴻⵜⵜⴻⴽⴽⴰ ⵎⴻⵕⵕⵓⴽ) ⴷ « ⴰⵜⵄⴻⴷⴷⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵢⵉⵎⴹⴻⴱⴱⴻⵔ ⵏ ⵜⴻⵔⴳⴰ-ⴰ.

ⵜⴰⵔⴳⴰ ⵜⴰⵏⴰⴳⴷⵓⴷⵜ ⵏ 2ⵎ ⵜⴻⵙⵄⴻⴷⴷⴰ-ⴷ ⴰⵙⵙ ⵏ ⵍⴰⵕⴻⴱⵄⴰ, ⴷⴻⴳ ⵓⵖⵎⵉⵙ-ⵏⵏⴻⵙ ⵏ ⵢⵉⵙⴰⵍⴰⵏ ⵏ ⵜⵍⴻⵎⵎⴰⵙⵜ ⵏ ⵡⴰⵙⵙ, ⵢⵉⵡⴻⵏ ⵏ ⵓⵔⵓⵒⵓⵔⵟⴰⵊ ⵖⴻⴼ ⵜⵉⴽⵍⵉ ⵏ ⵢⵉⵎⵍⵉⵛⵉⵢⴻⵏ ⵉⵃⵓⵜⵉⵢⴻⵏ ⴷⴻⴳ ⵢⴰⵎⴰⵏ, ⴰⵢⴷⴻⴳ ⵜⴰⵏⴻⵖⵎⴰⵙⵜ ⵏ 2ⵎ ⵜⴻⵙⵙⴻⵇⴷⴻⵛ ⴰⵡⴰⵍ ⵏ « ⴰⵜⵄⴻⴷⴷⵉ » ⵎⵉ ⴷ-ⵜⴻⴱⴷⴻⵔ ⵜⵉⵢⵜⵉⵡⵉⵏ-ⵏⵏⵉ ⵏ ⵜⴻⵎⵙⵉⵙⵉⵜ.

« ⴷⴻⴳ ⵡⴰⴽⴰⵍ ⵏ ⵢⴰⵎⴰⵏ, ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵓⵜⵄⴻⴷⴷⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ ⴷⴻⴳ ⵓⵡⴻⵏⵏⵉⵜ ⵏ ⵓⵔⵓⵒⵓⵔⵟⴰⵊ-ⵏⵏⵉ, ⴰⵏⴷⴰ ⴰⵢ ⵢⴻⵜⵜⵓⵏⴻⴼⴽ ⵡⴰⵡⴰⵍ ⵉ ⵢⵉⵎⴻⵙⴱⴰⵏⵉⵢⴻⵏ ⵉⵃⵓⵜⵉⵢⴻⵏ.

ⵜⴰ ⴷ « ⵜⵓⵛⵛⴹⴰ ⴷⴻⴳ ⵓⵅⴻⴷⴷⵉⵎ » ⴰⵛⴽⵓ « ⴰⵡⴰⵍ ⵏ ‘ⵓⵜⵄⴻⴷⴷⵉ’ ⵎⴰⵛⵉ ⴷ ⵏⴻⵜⵜⴰ ⴰⵢ ⵉⵡⴰⵜⴰⵏ ⵉ ⵡⴰⵢⴻⵏ ⴰⵢ ⵍⴰ ⴷ-ⵜⵜⴳⴻⵏ ⴷⴻⴳ ⵓⵏⵔⴰⵔ ⵢⵉⵖⴰⵍⵍⴻⵏ ⵏ ⵜⴻⵎⵙⵉⵙⵉⵜ (…) ⴰⵎ ⵡⴰⴽⴽⴻⵏ ⵓⵔ ⵢⴻⴷⴷⵉ ⴰⵔⴰ ⵡⴰⵢⴰ ⴷ ⵕⵕⴰⵢ ⵏ ⵜⴻⵔⴳⴰ ⵏ 2ⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⴷⴻⴳ ⵏ ⵍⴻ360 ⵜⵏⴻⵎⵀⴰⵍⵜ ⵏ ⵓⵙⵙⴻⵍⵖⵓ ⵏ 2ⵎ, ⵙⴰⵎⵉⵔⴰ ⵙⵉⵜⴰⵉⵍ.

ⵙ ⵡⴰⵢⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⴷ ⵜⵜⵡⴰⵄⴰⵇⴱⴻⵏⵜ ⵜⵏⴻⵖⵎⴰⵙⵜ ⴷ ⵜⵏⴻⵎⵀⴰⵍⵜ ⵏ ⵜⵎⵉⵔⴰⵡⵜ. ⵜⴰⵎⴻⵣⵡⴰⵔⵓⵜ ⴰⴷ ⵜⴻⵜⵜⵡⴰⵃⴱⴻⵙ ⵙⴻⴳ ⵓⵅⴻⴷⴷⵉⵎ 30 ⵏ ⵡⵓⵙⵙⴰⵏ, ⵎⴰ ⴷ ⵜⵉⵙ ⵙⵏⴰⵜ ⴰⴷ ⴰⵙ-ⵢⴻⵜⵜⵓⵏⴻⴼⴽ ⵓⵄⴻⵢⵢⴻⵏ.

ⴰⵄⴰⵇⴻⴱ-ⴰ ⴰⵢ ⴷ-ⵢⴻⵍⵍⴰⵏ ⵙ ⵜⵉⵏ ⵏ ⵍⴱⴰⵟⴻⵍ ⵎⴳⴰⵍ ⵢⵉⵏⴻⵖⵎⴰⵙⴻⵏ ⵢⴻⴹⵔⴰ-ⴷ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵍⴰ ⵢⴻⵜⵜⴽⴻⵎⵎⵉⵍ ⵓⵄⴼⴰⵙ ⵓⴼⴹⵉⵃ ⵏ ⵜⵍⴻⵍⵍⵉ ⵏ ⵡⴰⵡⴰⵍ.

ⴷⴻⴳ ⵓⵕⴰⴱⵓⵍ-ⵏⵏⴻⵙ ⵏ 2014/2015, ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵜⴻⵏⵏⴰ-ⴷ ⴷⴰⴽⴽⴻⵏ ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ « ⵛⵓⵕⵄⴻⵏ ⵉⵏⴻⵖⵎⴰⵙⴻⵏ, ⵉⵎⴻⵖⵏⴰⵙⴻⵏ, ⵉⵏⴰⵥⵓⵔⴻⵏ ⴷ ⵢⵉⵎⴷⴰⵏⴻⵏ ⵏⵉⴹⴻⵏ ⴰⵢ ⴷ-ⵉⵡⵜⴻⵏ – ⵏⴻⵖ ⵡⴰⵍⴰⵏ-ⵜⴻⵏ ⵔⴻⴳⵎⴻⵏ- ⴰⴳⴻⵍⵍⵉⴷ ⵏⴻⵖ ⵜⵉⵙⵓⴷⴰ ⵏ ⵓⵡⴰⵏⴰⴽ (…) »

ⴰⵕⴰⴱⵓⵍ-ⴰ ⵢⴻⴱⴷⴻⵔ-ⴷ ⵉⵙⵎⴰⵡⴻⵏ ⵏ ⵡⴰⵟⴰⵙ ⵏ ⵢⵉⵏⴻⵖⵎⴰⵙⴻⵏ ⴰⵢ ⵢⴻⵜⵜⵡⴰⵄⴰⵇⴱⴻⵏ, ⴳⴰⵔ-ⴰⵙⴻⵏ ⴰⵍⵉ ⴰⵏⵧⵓⵣⵍⴰ ⴷ ⵀⴰⵎⵉⴷ ⴻⵍ ⵎⴰⵀⴷⴰⵧⵓⵉ.