ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵓⵖⵍⵉⵡⵉⵏ ⵉⵛⴻⵔⴽⴻⵏ ⴳⴰⵔ ⵍⴷⵣⴰⵢⴻⵔ ⴷ ⵎⴰⵚⴻⵔ ⵖⴻⴼ ⵜⴻⵎⵙⴰⵍ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵓⵎⵄⴰⵡⴻⵏ
ⴰⵏⴻⵖⵍⴰⴼ ⴰⵎⴰⵚⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵙⴰⵎⴻⵀ ⵛⵀⵧⴽⵔⵉ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⴰⵎⴰⵚⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵙⴰⵎⴻⵀ ⵛⵀⵧⴽⵔⵉ, ⵢⴻⵏⵏⴰ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵜⵉⵎⵓⵖⵍⵉⵡⵉⵏ ⵏ ⵍⴷⵣⴰⵢⴻⵔ ⴷ ⵎⴰⵚⴻⵔ ⴷ ⵜⵓⵛⵔⵉⴽⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵓⵎⵄⴰⵡⴻⵏ ⴳⴰⵔ-ⴰⵙⴻⵏⵜ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⵉⴳⴰ ⵉ ⵜⵖⴻⵎⵙⴰ ⵙⴷⴻⴼⴼⵉⵔ ⵏ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵎⴰⵙⵙ ⵛⵀⵧⴽⵔⵉ ⵢⴻⵏⵏⴰ-ⴷ ⴷⴰⴽⴽⴻⵏ « ⵍⵍⴰⵏⵜ ⵜⵎⵓⵖⵍⵉⵡⵉⵏ ⵜⵓⵛⵔⵉⴽⵉⵏ ⴳⴰⵔ ⵍⴷⵣⴰⵢⴻⵔ ⴷ ⵎⴰⵚⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵎⴻⵊⵀⵓⴷ ⵏ ⴼⴻⵔⵔⵓ ⵏ ⵜⴻⵎⵙⴰⵍ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵓⵎⵄⴰⵡⴻⵏ ⴳⴰⵔ-ⴰⵙⴻⵏⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵖⴻⴼ ⵓⵎⵄⴰⵡⴻⵏ ⵏ ⵍⴷⵣⴰⵢⴻⵔ ⴷ ⵎⴰⵚⴻⵔ ⵖⴻⴼ ⵜⵍⵓⴼⴰ ⴰⵢ ⵜⴻⵏⵜ-ⵢⴻⵔⵣⴰⵏ ⴷ ⵜⵉⴷ ⴰⵢ ⵢⴻⵔⵣⴰⵏ ⵜⴰⵎⵏⴰⴹⵜ ⴰⵢⴷⴻⴳ ⵍⵍⴰⵏⵜ ⴷ ⵜⵍⵓⴼⴰ ⵜⵉⴳⵔⴰⵖⵍⴰⵏⵉⵏ ».
« ⴰⵙⵙⴰⵖⴻⵏ ⵓⵇⵔⵉⴱⴻⵏ ⴰⵢ ⵉⵛⴻⵔⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵍⴷⵉⵏ ⴰⴱⵔⵉⴷ ⵉ ⵓⵙⵙⴻⵊⵀⴻⴷ ⵏ ⵓⵎⵄⴰⵡⴻⵏ ⵉ ⵍⴼⴰⵢⴷⴰ ⵜⴰⵎⴻⵇⵔⴰⵏⵜ ⵏ ⵓⵖⵔⴻⴼ ⴰⵎⴰⵚⵔⵉ ⴷ ⵓⵖⵔⴻⴼ ⴰⴷⵣⴰⵢⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴰⵎⴰⵚⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵎⵢⴰⴳⴻⵔ-ⴰ « ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⴻⴷⵢⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ, ⵍⴰⴷⵖⴰ ⵜⴰⴳⵏⵉⵜ ⴷⴻⴳ ⵍⵉⴱⵢⴰ, ⴷⴻⴳ ⵙⵓⵔⵢⴰ, ⵍⵄⵉⵔⴰⵇ ⴷ ⵢⴰⵎⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵏⴻⵙⵙⴻⵃⴱⵉⴱⴻⵔ ⴰⴽⴽⴻⵏ ⵜⵉⵍⵓⴼⴰ ⴰⵢ ⵉⵃⵓⵣⴰⵏ ⵜⵉⵎⵓⵔⴰ ⵜⴰⵄⵕⴰⴱⵉⵏ ⵓⵔ ⴷ-ⵏⴻⴼⴼⵍⴻⵏⵜ ⴰⵔⴰ ⵖⴻⵔ ⵡⴰⵏⴷⴰ ⵏⵉⴹⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵢⵉⵙⵙⵓⵎⴰⵔ ⴷ ⵜⵉⴼⵔⴰⵜⵉⵏ ⴰⵔⴰ ⴷ-ⵢⴻⴽⴽⴻⵏ ⵙⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴽⴽⴻⵏ ⴰⴷ ⴹⴻⵎⵏⴻⵏⵜ ⵜⴰⴷⵓⴽⵍⵉ ⵏ ⵏⵏⴼⴻⵄ-ⵏⵙⴻⵏⵜ ⵢⴻⵔⵏⴰ ⴰⴷ ⵃⴻⵔⵣⴻⵏⵜ ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴰⵄⵕⴰⴱⵜ ».
ⴰⵏⴻⵖⵍⴰⴼ ⴰⵎⴰⵚⵔⵉ ⵉⵃⴻⵜⵜⴻⵜ-ⴷ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ « ⵓⵙⵙⴻⵊⵀⴻⴷ » ⵏ ⵡⴰⵙⵙⴰⵖⴻⵏ « ⵓⵇⵔⵉⴱⴻⵏ » ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵉ ⵏⵏⴼⴻⵄ-ⵏⵙⴻⵏⵜ ⴷ ⵢⵉⵖⴻⵔⴼⴰⵏ-ⵏⵙⴻⵏⵜ ⴷⴻⴳ ⵙⵏⴰⵜ. ⵎⴰⵙⵙ ⵛⵀⵧⴽⵔⵉ ⵉⵃⴻⵜⵜⴻⵜ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ ⵖⴻⴼ « ⵢⵉⵡⴻⵀⵀⵉⵢⴻⵏ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ, ⵢⴻⵔⵏⴰ ⵢⴻⵙ-ⵙⴻⵏ ⴰⵔⴰ ⵏⴽⴻⵎⵎⴻⵍ ⵍⵎⴻⵊⵀⵓⴷ-ⵏⵏⴻⵖ ⴰⵎⴰ ⵙⴻⴳ ⵢⵉⴷⵉⵙ ⴰⵜⴻⴽⵏⵉ, ⴰⵎⴰ ⵙⴻⴳ ⵢⵉⴷⵉⵙ ⴰⵙⴻⵔⵜⵉ, ⴰⴽⴽⴻⵏ ⴰⴷ ⴷ-ⵏⴻⵍⵀⵓ ⵙ ⵜⴻⵎⵙⴰⵍ ⵜⵉⵎⴰⵢⵏⵓⵜⵉⵏ ⵏ ⵓⵎⵄⴰⵡⴻⵏ ».
