ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⴷⴰⵏ ⵏ ⵓⵏⵥⵓⵍ: ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵡⵜⴻⵏ-ⴷ ⴷⴻⴳ ⵓⵄⴼⴰⵙ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ

ⴳⴻⵏⴻⵠⴻ – ⵉⵡⴻⴽⴽⴻⵍ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵣⴻⵉⴷ ⵔⴰⴰⴷ ⴰⵍ ⵀⵓⵙⵙⴻⵉⵏ ⵉⵄⴻⵢⵢⴻⵏ-ⴷ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵓⵄⴼⴰⵙ ⵓⴼⴹⵉⵃ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵍⵇⴰⵏⵓⵏ ⴰⵍⵙⴰⵏ ⴰⴳⵔⴰⵖⵍⴰⵏ ⴰⵢ ⵜⴳⴰ ⵙⵓⴷⴰⵏ ⵏ ⵓⵏⵥⵓⵍ ⴰⵢⴷⴻⴳ ⵢⴻⵏⴽⴻⵔ ⵢⵉⵎⴻⵏⵖⵉ ⴳⴰⵔ ⵓⵏⴰⴱⴰⴹ (ⵍⵃⵓⴽⵓⵎⴰ) ⴷ ⵢⵉⵖⴰⵍⵍⴻⵏ ⵏ ⵜⴻⵏⵎⴻⴳⵍⴰ ⵢⴻⵔⵏⴰ ⵣⴰⴷⴻⵏ ⴷⴻⴳ ⵍⴻⴷⵡⴰⵕ-ⴰ ⵜⵉⵏⴻⴳⴳⵓⵔⴰ.

« ⵓⴳⴰⵔ ⵏ 17 ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⵜⵉⵍⴰⵡⵉⵏ, ⵉⵔⴳⴰⵣⴻⵏ ⴷ ⵢⵉⴳⴻⵔⴷⴰⵏ ⵏⴹⴻⵔⵔⴻⵏ ⵙⴻⴳ ⵜⵡⴰⵖⵉⵜ-ⴰ ⵓⵔ ⵢⴻⵎⵄⵉⵏⴻⵏ, ⵢⴻⵔⵏⴰ ⴷⴷⵔⴻⵏ ⴷⴻⴳ ⵜⴻⴳⵏⵉⵜ ⵓⵔ ⵢⴻⵜⵜⵡⴰⵇⴱⴰⵍⴻⵏ ⴰⴽⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⵡⴻⴽⴽⴻⵍ ⵓⵏⵏⵉⴳ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⴳⴻⵏⴻⵠⴻ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵓⴳⴰⵔ ⵏ ⵙⵉⵏ ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴰⵢ ⵢⴻⵙⵕⵓⵃⴻⵏ ⵉⵅⵅⴰⵎⴻⵏ-ⵏⵙⴻⵏ, ⵜⵜⴰⵡⵉⵍ-ⵏⵙⴻⵏ ⵏ ⵓⵅⴻⴷⴷⵉⵎ ⴷ ⵢⵉⵄⴻⵢⵢⴰⵍⴻⵏ ⵏ ⵜⵡⴰⵛⵓⵍⵉⵏ-ⵏⵙⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵏⴻⵖ ⵙⵙⴰⴷⴼⴻⵏ-ⵜⴻⵏ ⵖⴻⵔ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵙ ⵢⵉⵖⵉⵍ.

« ⵉⵎⵉⵔ-ⴰ, ⴷⴻⴳ ⵍⴻⴷⵡⴰⵕ-ⴰ ⵜⵉⵏⴻⴳⴳⵓⵔⴰ, ⵉⴷⵉⵙⴰⵏ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵎⴻⵏⵖⵉ ⵙⵙⴰⵡⴹⴻⵏ ⴰⴷ ⵔⵡⵉⵏ ⵜⴰⴳⵏⵉⵜ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ.

ⵎⴰⵙⵙ ⵣⴻⵉⴷ ⵢⴻⴱⴷⴻⵔ-ⴷ ⵉⵕⴰⴱⵓⵍⴻⵏ « ⴰⵢ ⵢⴻⵙⵙⴰⴳⴰⴷⴻⵏ » ⵉⵎⵉ ⴰⵢ ⴷ-ⴱⴻⴷⵔⴻⵏ ⴰⵄⴼⴰⵙ ⵓⴼⴹⵉⵃ ⵏ ⵍⵇⴰⵏⵓⵏ ⴰⵍⵙⴰⵏ ⴰⴳⵔⴰⵖⵍⴰⵏ ⴷ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵙⴻⴳ ⵡⴰⵙⵎⵉ ⴰⵢ ⵉⵣⴰⴷ ⵢⵉⵎⴻⵏⵖⵉ ⴷⴻⴳ 29 ⵢⴻⴱⵔⵉⵔ, ⴰⵎ ⵡⴰⴽⴽⴻⵏ ⴰⵢ ⵔⵏⴰⵏⵜ ⵜⵎⴻⵏⵖⵉⵡⵉⵏ, ⴰⵜⵄⴻⴷⴷⵉ ⵖⴻⴼ ⵍⵃⴻⵕⵎⴰ ⵏ ⵜⵍⴰⵡⵉⵏ, ⴰⵅⴹⴰⴼ, ⴰⵙⵙⴻⵔⵖⵉ ⴷ ⵜⵔⵓⵥⵉ ⵏ ⵜⴻⵎⴷⵉⵏⵉⵏ ⴷ ⵜⵓⴷⴷⴰⵔ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵡⴰⵏⴰⴽ ⵏ ⵜⴷⵓⴽⵍⵉ (ⵓⵏⵉⵜⵢ).

« ⴰⵣⴰⵍ ⵏ 10.000 ⵏ ⵢⵉⵎⴷⴰⵏⴻⵏ ⴰⵢ ⴷ-ⵢⴻⵔⵏⴰⵏ ⵖⴻⵔ 60.000-ⵏⵏⵉ ⴰⵢ ⴷ-ⵉⵔⴻⵡⵍⴻⵏ ⵙⴻⴳ ⵢⵉⵎⵓⴽⴰⵏ ⴰⵏⴷⴰ ⴰⵢ ⵣⴻⴷⵖⴻⵏ ⵢⴻⵔⵏⴰ ⴼⴼⵔⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵃⵓⴷⴷⵓ ⵏ ⵢⵉⵖⴰⵔⵉⵎⴻⵏ [ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵓⴷⴰⵏ ⵏ ⵓⵏⵥⵓⵏ (ⵎⵉⵏⵓⵙⵙ)] ⴷⴻⴳ ⴱⴻⵏⵜⵉⵓ, ⴷⴻⴳ ⵓⵡⴰⵏⴰⴽ ⵏ ⵜⴷⵓⴽⵍⵉ ⴷⴻⴳ ⵍⴻⴷⵡⴰⵕ-ⴰ ⵜⵉⵏⴻⴳⴳⵓⵔⴰ, ⵢⴻⵔⵏⴰ ⴰⵟⴰⵙ ⵙⴻⴳ ⵢⵉⵎⴷⴰⵏⴻⵏ-ⴰ ⵡⵜⴻⵏ-ⴷ ⵉⵎⴻⵛⵛⴰⵇⴻⵏ ⴷ ⵉⵖⴻⵣⴼⴰⵏⴻⵏ ⵖⴻⴼ ⵓⴹⴰⵔ ⴷⴻⴳ ⵜⴻⴳⵏⴰⵜⵉⵏ ⵢⴻⵙⵙⴻⵡⵃⴰⵛⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵄⴻⴷⴷⴰⵏ ⵖⴻⴼ ⵢⵉⵎⵓⴽⴰⵏ ⴰⵢⴷⴻⴳ ⵣⴻⵎⵔⴻⵏ ⴰⴷ ⴷ-ⵎⵎⵖⴻⵏⵜ ⴼⴻⵍⵍ-ⴰⵙⴻⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴻⵉⴷ ⵙ ⵡⵓⵔⴼⴰⵏ.