ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷⵉⵎⴰⵛⵇ- ⵏⵏⴰⵏ-ⴷ ⴽⵔⴰ ⵏ ⵢⴻⵎⵙⴻⵔⵎⵓⴷⴻⵏ ⵉⵙⵓⵔⵉⵢⴻⵏ ⴷ ⴰⴽⴽⴻⵏ ⵜⵓⴷⴷⵙⴰ ⵜⵉⵎⵙⴻⵍⵍⴻⵃⵜ ⵏ ⵉⵔⴻⴱⵔⴰⴱⴻⵏ ⵏ “ⴷⴰⵄⴻⵛ” ⵜⴻⵏⵖⴰ ⴰⵣⴰⵍ ⵏ 1300 ⵏ ⵢⴻⵎⴷⴰⵏⴻⵏ ; ⴳⴰⵔ-ⴰⵙⴻⵏ ⵜⵓⵍⴰⵡⵉⵏ ⴷ ⵢⵉⴳⵓⵔⴷⴰⵏ ⴷⵉ ⵜⴻⵎⴷⵉⵏⵜ ⵜⴰⵇⴱⵓⵕⵜ ⵏ ⵜⴰⴷⵎⵓⵔ ; ⵖⴻⴼ ⴰⴽⴽⴻⵏ ⵉⴷ- ⵡⴻⴽⴷⴻⵏⵜ ⵜⴻⵖⴱⴰⵍⵓⵜⵉⵏ-ⴰⴳⵉ ⵉ ⵜⵏⴻⴳⴳⴰ ⵏ « ⵙⴽⵢ ⵏⴻⵡⵙ » .

ⵜⵉⵖⴱⴰⵍⵓⵜⵉⵏ-ⴰ ⵡⴻⴽⴷⴻⵏⵜ-ⴷ ⴷⴰⵖⴻⵏ ⴰⵙⵙ-ⴰ ⵏ ⵍⵃⴻⴷ ⴷ ⴰⴽⴽⴻⵏ ⵍⴻⵃⵙⴰⴱ ⵏ ⵜⵎⴻⵏⵖⵉⵡⵉⵏ ⵙⴻⴳ ⵜⴰⵎⴰ ⵢⵉⵖⴰⵍⵍⴻⵏ ⵏ ⴷⴷⵓⵍⴰ ⵜⴰⵙⵓⵔⵉⵜ ⵖⴻⴼ ⵓⴼⵓⵙ ⵏ ⵉⵔⴻⴱⵔⴰⴱⴻⵏ ⵏ ⴷⴰⵄⴻⵛ ⵙⴻⴳ ⵎⵉ ⴽⴻⵛⵎⴻⵏ ⵖⴻⵔ ⵜⴻⵎⴷⵉⵏⵜ-ⴰ ⵢⴻⵡⵡⴻⴹ 900 , ⴷⵉ ⵍⴰⵡⴰⵏ ⴷⴻⴳ ⵉ ⵢⴻⵡⵡⴻⴷ ⵍⴻⵃⵙⴰⴱ ⵏ ⵢⴻⵎⴷⴰⵏⴻⵏ ⵢⴻⵜⵜⵡⴰⵏⵖⴰⵏ ⵖⴻⵔ 400 ; ⴳⴰⵔ-ⴰⵙⴻⵏ ⴰⵟⴰⵙ ⵏ ⵜⵍⴰⵡⵉⵏ ; ⵉⴳⵓⵔⴷⴰⵏ ⴷ ⵢⴻⵎⵖⴰⵔⴻⵏ. ⴰⴽⴽⴻⵏ ⵉ ⵃⴻⵜⵜⵎⴻⵏ ⵉⵎⴻⵏⵏⵓⵖⴻⵏ ⵉⵎⵉⵀⵉⵜⴻⵏ ⵉ ⴷ-ⵢⴻⵍⵍⴰⵏ ⴳⴰⵔ ⵉⵖⴰⵍⵍⴻⵏ ⵏ ⵍⴰⵎⴰⵏ ⴷ ⵜⴻⴳⵔⴰⵡⵉⵏ ⵏ ⵉⵔⴻⴱⵔⴰⴱⴻⵏ ⴰⵟⴰⵙ ⵏ ⵎⴻⴷⴷⴻⵏ ⵉ ⵡⴰⴽⴽⴻⵏ ⴰⴷ ⵔⴻⵡⵍⴻⵏ ⵙⴻⴳ ⵢⴻⵅⵅⴰⵎⴻⵏ-ⵏⵙⴻⵏ ⵡ ⴰⴷ ⵔⵓⵃⴻⵏ ⵖⴻⵔ ⵜⴻⵎⵏⴰⴹⵉⵏ- ⵏⵏⵉⴹⴻⵏ.

ⵜⵉⵖⴱⴰⵍⵓⵜⵉⵏ-ⴰⴳⵉ ⵏⵏⴰⵏⵜ-ⴷ ⴷⴰⵖ ⴷ ⴰⴽⴽⴻⵏ ⵜⵉⵎⴻⵏⵖⵉⵡⵉⵏ ⵏ ⵢⴻⵎⴷⴰⵏⴻⵏ « ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⵉⵖⴰⵍⵍⴻⵏ ⵏ ⵓⵏⴰⴱⴰⴹ ⴰⵙⵓⵔⵉ ⴷ ⵉⵎⴻⵏⵖⴰⵏ ⵏ ⵜⴻⵎⵍⵉⵛⵉⵏ ⵢⴻⵜⵃⴰⵔⴰⴱⴻⵏ ⴼⴻⵍⵍ-ⴰⵙ ⴷⴻⴳ ⵜⴻⵎⴷⵉⵏⵜ “ ⵙⴻⴳ ⵜⴰⵎⴰ ⵏ ⵉⵔⴻⴱⵔⴰⴱⴻⵏ ⵏ ⴷⴰⵄⴻⵛ ⵜⴻⵜⵜⴽⴻⵎⵎⵉⵍ ⵢⴰⵍ ⴰⵙⵙ ⴷⴻⴳ ⵢⴻⵖⵍⵉⴷⴻⵏ ⴷ ⵢⵉⵣⴻⵏⵇⴰⵏ ⵏ ⵜⴻⵎⴷⵉⵏⵜ.

ⵢⴻⵙⵙⴻⴼⴽ ⴰⴷ ⵏⴻⵙⵎⴻⴽⵜⵉ ⴷ ⴰⴽⴽⴻⵏ ⵜⴰⵎⴷⵉⵏⵜ ⵜⴰⵇⴱⵓⵕⵜ ⵏ ⵜⴰⴷⵎⵓⵔ ⴷⴻⴳ ⵓⵏⴻⵥⵔⵓⴼ ⵏ ⵙⵓⵔⵢⴰ, ⵜⴻⵖⵍⵉ ⴳⴰⵔ ⵉⴼⴰⵙⵙⴻⵏ ⵏ « ⵉⵎⵙⵃⴻⵔⵚⵉⵢⴻⵏ » ⵏ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⵏ ⴷⴰⵄⴻⵛ ⴰⵙⵙ ⵏ ⵍⴰⵔⴱⵄⴰ ⵢⴻⵣⵔⵉⵏ , ⴰⵢⴻⵏ ⵉⴷ-ⵉⵅⴻⵍⵇⴻⵏ ⴰⵟⴰⵙ ⵏ ⵜⵓⴳⴷⵉ ⵜⴰⵎⴰⴳⵍⴰⵢⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⴻⵔⵔⵓⵊ ⴰⵎⵓⵇⵔⴰⵏ ⵏ ⵍⴰⵜⴻⵔ ⴰⵇⴱⵓⵕ ⵉ ⵢⴻⵍⵍⴰⵏ ⴷⵉ ⵜⴻⵎⴷⵉⵏⵜ-ⴰ , ⵉ ⵢⴻⵜⵜⵡⴰⵚⴻⵏⴼⴻⵏ ⴷⴻⴳ ⵓⵎⵓⵖ ⵏ ⵓⴳⴻⵔⵔⵓⵊ ⴰⵎⴰⴹⵍⴰⵏ ⵏ ⴷⴷⵓⵏⵉⵜ.