ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴰⵎⴰⵏⴰƔⵜ (ⵜⴰⵏⴻⴳⴳⴰ) – ⴰⵣⴰⵍ 1,5 ⵏ ⵓⵎⴻⵍⵢⵓⵏ ⵏ ⵢⵉⵏⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ ⵉⵎⴰⵢⵏⵓⵜⴻⵏ ⴰⵔⴰ ⴷ-ⵉⴽⴻⵛⵎⴻⵏ, ⴰⵙⴻⴳⴳⴰⵙ-ⴰ ⴰⵖⵓⵔⴱⵉⵣ ⵏ 2015-2016 ⵖⴻⵔ ⵜⴻⵙⴷⴰⵡⵉⵢⵉⵏ, ⵢⴻⵏⵏⴻⵔⵏⴰ ⵓⵎⴹⴰⵏ ⵏ ⵢⵉⵏⴻⵍⵎⴰⴷⴻⵏ ⵙ 200.000 ⵎⴰ ⵏⵎⵓⵇⴻⵍ ⵙ ⴰⵙⴻⴳⴳⴰⵙ-ⴰ, ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵓⵙⴻⵇⵇⴰⵎⵓ ⵏ ⵢⴻⵖⵍⵉⴼⴻⵏ.

ⴰⵏⵏⴻⵛ-ⴰ ⴰⴽⴽ ⵏ ⵢⵉⵏⴻⵍⵎⴰⴷⴻⵏ ⴰⴷ ⵜⴻⵏ-ⵜⵇⴰⴱⵍⴻⵏⵜ 49 ⵜⴻⵙⴷⴰⵡⵉⵢⵉⵏ ⴷ ⵜⵉⵏ ⵏ ⵓⵙⵉⵍⴻⵖ ⵓⵔ ⵏ ⵃⴻⴱⴱⴻⵙ, 10 ⵉⵍⴻⵎⵎⴰⵙⴻⵏ ⵉⵙⴷⴰⵡⴰⵏⴻⵏ, 20 ⵉⵖⴻⵔⴱⴰⵣⴻⵏ ⵉⵖⴻⵍⵏⴰⵡⴻⵏ ⴷ 7 ⵉⵖⴻⵔⴱⴰⵣⴻⵏ ⵓⵏⵏⵉⴳⴻⵏ, ⵎⴰ ⵏⴻⵊⵎⴻⵄ-ⵉⵜⴻⵏ ⴰⴷ ⴰⵡⴹⴻⵏ ⵖⴻⵔ 98 ⵏ ⵢⵉⵖⵙⵓⵔⴻⵏ ⵢⴻⵣⵔⴰⵏ ⵖⴻⴼ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵉ ⴷ-ⵢⴻⵜⵜⵎⴻⵙⵍⴰⵢⴻⵏ ⵖⴻⴼ ⵓⵀⴻⴳⴳⵉ ⵏ ⵓⵏⴻⴽⵛⵓⵎ ⴰⵙⴷⴰⵡⴰⵏ ⵉ ⴷ-ⵉⵜⴻⴷⴷⵓⵏ, ⵢⴻⵔⵙ-ⴷ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵉ ⵢⴻⵙⵙⴻⵍⵡⵉ ⵓⵖⴻⵍⵍⴰ ⵏ ⵓⵡⴰⵏⴻⴽ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⵓⵎⵓⵖ-ⴰ ⴰⴷ ⵜ-ⵙⴵⴻⵀⴷⴻⵏ ⴰⵡⴵⴰⴷ ⵡⴻⴵⴷⴻⵏ ⵡⵓⴳⴰⵔ ⵏ 75.000 ⵏ ⵢⵉⵎⴻⴹⵇⴰⵏ ⵉⵖⵓⵔⴱⵉⵣⴻⵏ, ⵉ ⴷ-ⵢⴻⵏⵏⴰ.

ⵎⴰ ⴷ ⵜⴰⴼⴻⴽⴽⴰ ⵏ ⵢⵉⵙⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ, ⴰⴷ ⵜ-ⵙⴵⴻⵀⴷⴻⵏ ⵙ ⵓⵙⴻⴽⵛⴻⵎ ⵏ 4.600 ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ, ⴰⵢⴰ ⴰⴷ ⵢⴻⵔⵏⵓ ⵙ ⴰⴽⴰⵜⴰⵔ ⴰⵖⵓⵔⴱⵉⵣ ⵉ ⵢⴻⵙⵙⴰⵡⴹⴻⵏ ⵜⵓⵔⴰ ⵖⴻⵔ 52.500 ⵏ ⵢⵉⵙⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ, ⵉⴷⴻⴳ ⵇⵔⵉⴱ 5.500 ⵏ ⵢⴻⵒⵔⵓⴼⵉⵙⵓⵔⴻⵏ ⴷ 11.500 ⵏ ⵢⵉⵖⴻⵍⵍⴰ ⵉⵙⴰⵔⴰⴳⴻⵏ0.

ⵔⵏⵓ ⵉ ⵡⴰⵢⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵓⵏⵉ, ⴰⵙⴻⴳⴳⴰⵙ-ⴰ ⴰⵙⴷⴰⵡⴰⵏ ⴰⴷ ⵏⵙⴻⴽⵍⴻⵙ ⴰⵡⴵⴰⴷ ⵏ 50.000 ⵏ ⵢⵉⵎⴻⴹⵇⴰⵏ ⵏ ⵜⴳⵓⵏⵉ ⵉⵎⴰⵢⵏⵓⵜⴻⵏ, ⴷ ⴰⵢⴻⵏ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ 680.000 ⵏ ⵢⵉⵎⴻⴹⵇⴰⵏ, ⵢⴻⴱⴹⴰⵏ ⵖⴻⴼ 394 ⵏ ⵜⵏⴻⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ.