ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵜⵡⵉ ⵏ ⵍⴻⵎⵄⵉⵡⵏⴰ ⵜⴰⵖⴻⵍⵏⴰⵡⵜ ⴷⵉ ⵍⴼⴰⵢⴷⴰ ⵏ ⵓⴳⴰⵔ ⵓⵎⴻⵍⵢⵓⵏ ⴷ ⵡⴻⵣⴳⴻⵏ (1.700.000) ⵏ ⵢⴻⵎⴷⴰⵏⴻⵏ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ

ⵍⴻⵣⵣⴰⵢⴻⵔ- ⴰⵎⴻⵜⵡⵉ ⵏ ⵍⴻⵎⵄⵉⵡⵏⴰ ⵜⴰⵖⴻⵍⵏⴰⵡⵜ, ⴷ ⴰⵙⴻⵏⵜⴻⵍ ⵏ ⵢⵉⵡⴻⵏ ⵓⵙⴰⵔⴰⴳ ⵉⴷ-ⵢⴻⵜⵜⵡⴰⵏⵏⴰⵏ ⴰⵙⵙ ⵏ ⵍⵃⴻⴷⴷ ⵣⴷⴰⵜ ⵙⵖⵓⵔ ⵓⵏⴻⵖⵍⴰⴼ ⵏ ⵍⴻⵎⵄⵉⵡⵏⴰ ⵜⴰⵖⴻⵍⵏⴰⵡⵜ ⴷⵉ ⵍⴻⵛⵖⴰⵍ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ, ⴰⴷ ⴷ-ⵙⴼⴰⵢⴷⵉⵏ ⵙⴻⴳ-ⵙ ⴰⵣⴰⵍ 1.700.000 ⵏ ⵢⴻⵎⴷⴰⵏⴻⵏ ⴷⴻⴳ ⵡⴰⴳⴳⵓⵔ ⵏ ⵕⴻⵎⴹⴰⵏ 2015, ⵉⴷ-ⵉⵡⴻⴽⴽⴻⴷ ⵡⵓⵍⵖⵓ ⵏ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ.

ⴰⵎⴻⵜⵡⵉ ⴰⵎⵥⴰⵢⴻⵥ ⵢⴻⵔⵣⴰⵏ ⵍⴻⵎⵄⵉⵡⵏⴰ ⵜⴰⵖⴻⵍⵏⴰⵡⵜ ⵢⴻⵔⵣⴰ ⴰⵄⴰⵡⴻⵏ ⵏ ⵜⵡⴰⵛⵓⵍⵉⵏ ⵢⴻⵏⵅⴰⵚⵚⴻⵏ ⵍⴰⴷⵖⴰ ⵜⴰⵇⵓⴼⴻⵜⵜ ⵏ ⵕⴻⵎⴹⴰⵏ, ⵍⴻⵎⵄⵉⵡⵏⴰ ⵙ ⵜⴻⴷⵔⵉⵎⵜ, ⴰⴽⴽ ⴷ ⵉⵎⵏⵙⵉ ⴰⵔⴰ ⵢⴻⵜⵜⵡⴰⵙⴻⵔⴱⵉⵏ ⴷⵉ ⵜⵓⵖⵣⵉ ⵏ ⵡⴰⴳⴳⵓⵔ ⵏ ⵕⴻⵎⴹⴰⵏ, ⵉⴷ-ⵜⵡⴻⴽⴽⴻⴷ ⵜⴻⵖⴱⴰⵍⵓⵜ-ⴰⴳⵉ. ⴷⴻⴳ ⵡⴰⵢⴰⴳⵉ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⴻⴳⴳⵉ ⵏ ⵡⴰⴳⴳⵓⵔ ⵏ ⵕⴻⵎⴹⴰⵏ, ⵜⴰⵏⴻⵖⵍⴰⴼⵜ ⵏ ⵍⴻⵎⵄⵉⵡⵏⴰ ⵜⴰⵖⴻⵍⵏⴰⵡⵜ, ⵏ ⵜⵡⴰⵛⵓⵍⵜ, ⴷ ⵡⴰⴷⴷⴰⴷ ⵏ ⵜⵎⴻⵟⵟⵓⵜ, ⵎⵧⵓⵏⵉⴰ ⵎⴻⵙⵍⴻⵎ, ⵜⴻⵏⵏⴰ ⴱⴻⵍⵍⵉ ⵍⵍⴰⵏ ⵍⴰⵕⵢⵓⵢ ⵢⴻⵜⵜⵡⴰⴷⴷⵎⴻⵏ ⵢⴰⴽⴰⵏ ⵉⵡⴰⴽⴽⴻⵏ ⴰⴷ ⵜⵜⵓⵙⴻⵔⴱⵉⵏⵜ ⵜⵇⵓⴼⵜⵉⵏ ⵉ ⵡⵉⴷ ⵢⴻⵃⵡⴰⴵⴵⴻⵏ.

ⵜⵉⵇⵓⴼⵜⵉⵏ-ⴰⴳⵉ ⴰⵔⴰ ⵢⴻⵜⵜⵡⴰⵙⴻⵔⴱⵉⴱⵏ ⴷⵉ ⵢⴰⴽⴽ ⵜⴰⵎⵉⵡⵉⵏ ⵏ ⵜⵎⵓⵔⵜ, ⴷⴷⵓⵔⵜ ⵓⵇⴱⴻⵍ ⴰⴳⴳⵓⵔ ⵏ ⵕⵕⴰⵃⵎⴰ, ⵍⴰⴷⵖⴰ ⴰⵢⴻⵏ ⵢⴻⵔⵣⴰⵏ ⵜⵉⵖⴰⵡⵙⵉⵡⵉⵏ ⵏ ⵡⵓⵞⵞⵉ. Ɣⴻⴼ ⵍⴰⵃⵙⴰⴱ ⵏ ⵜⵏⴻⵖⵍⴰⴼⵜ, ⵜⴰⴷⵔⵉⵎⵜ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵡⴰⵢⴰ ⵜⴻⵡⵡⴻⴹ ⴰⵣⴰⵍ ⵏ ⵜⴰⵎ (8) ⵉⵎⴻⵍⵢⴰⵕⴻⵏ ⵏ ⴷⵉⵏⴰⵔ.