ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵍⵣⵓⵣ ⴰⵣⵣⴰⵢⵔⵉ ⵏ ⵜⴻⵥⵡⴻⵔⵜ ⵉ ⴷ-ⵢⴻⵜⵜⵓⵖⴰⵍⴻⵏ ⵙⵉⵎⵎⴰⵍ ⵢⴻⵜⵜⵉⵎⵖⵓⵔ

ⵍⴻⵣⵣⴰⵢⴻⵔ ⵜⴰⵎⴰⵏⴰƔⵜ – ⴽⵔⴰ ⵏ ⵜⵉⴳⴰⵡⵉⵏ ⵢⴻⵙⵙⴻⴱⵖⴰⵙⴻⵏ ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⴰⵖⴻⵍⵏⴰⵡ ⵏ ⵢⵉⵎⵉⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵥⵡⴻⵔⵜ ⵉ ⴷ-ⵢⴻⵜⵜⵓⵖⴰⵍⴻⵏ, ⵜⴻⵙⵏⴻⵔⵏⴰ ⴰⵣⴰⵍ ⵉ ⵡⵓⵍⵣⵓⵣ ⴰⵣⵣⴰⵢⵔⵉ ⵖⵓⵔ ⵢⴻⵎⵙⴻⴼⵜⵉⵢⴻⵏ ⵉⵖⴻⵍⵏⴰⵡⴻⵏ ⴷ ⵢⵉⴳⵔⴰⵖⵍⴰⵏⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵍⴻⵎⵎⴰⵙ ⵏ ⵜⵏⴻⴼⵍⵉⵜ ⵏ ⵜⴻⵥⵡⴰⵔ ⵉ ⴷ-ⵢⴻⵜⵜⵓⵖⴰⵍⴻⵏ (ⵛⴷⴻⵔ), ⵏⵧⵓⵔⴻⴷⴷⵉⵏⴻ ⵢⴰⵙⵙⴰⴰ.

‘’ⴰⵣⴰⵍ ⴰⵎⴻⵇⵔⴰⴱ, ⵉ ⴼⴽⴰⵏ ⵢⴰⴽⴰⵏ ⵉ ⵡⵓⵍⵣⵓⵣ ⴰⵣⵣⴰⵢⵔⵉ ⵏ ⵜⴻⵥⵡⴰⵔ ⵉ ⴷ-ⵢⴻⵜⵜⵓⵖⴰⵍⴻⵏ (ⵜⴰⵥⵡⴻⵔⵜ ⵜⴰⴼⵓⴽⴰⵏⵜ, ⵜⴰⵎⴻⵙⴱⴻⵃⵔⵉⵜ, ⵜⵉⵎⴻⵥⵖⴻⵍⵜ) ⵉⵕⴻⵎⵎⴰⵙⴻⵏ ⵉⵖⴻⵍⵏⴰⵡⴻⵏ ⴷ ⵢⵉⴳⵔⴰⵖⵍⴰⵏⴻⵏ, ⵢⴻⵏⵏⴻⵔⵏⴰ ⵙⴻⴳ ⵡⴰⵙⵎⵉ ⵏⴻⵙⵎⴻⵔ ⴷⴻⴳ ⴼⵓⵔⴰⵔ 2015 ⴰⵀⵉⵍ ⴰⵖⴻⵍⵏⴰⵡ ⵏ ⵜⴻⵥⵡⴰⵔ ⵉ ⴷ-ⵢⴻⵜⵜⵓⵖⴰⵍⴻⵏ, ⵉ ⵢⴻⴱⴷⴰⵏ ⴷⴻⴳ ⵓⵙⴻⴳⴳⴰⵙ 2011’’, ⵉ ⴷ-ⵢⴻⵙⵙⴻⴳⵣⵉ ⵎⴰⵙⵙ ⵢⴰⵙⵙⴰⴰ ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⵉ ⵜⵏⴻⴳⴳⴰ.

ⵜⵉⵔⵉⵔⵉⵜ ⵖⴻⵔ ⵜⵉⵎⵉⵔⵜ ⵏ ⵓⵀⵉⵍ ⴷ ⵜⵏⴻⴼⵍⵉⵜ ⵏ ⵜⴻⵥⵡⴻⵔⵜ ⴰⵔⴰ ⵢⴻⴵⴵⴻⵏ, ⵙⵢⴰ ⵖⴻⵔ ⵢⵉⵙⴻⴳⴳⴰⵙⴻⵏ 2030, ⴰⵙⴻⵎⵖⴻⵔ ⵏ ⵜⴻⵥⵡⴻⵔⵜ ⵜⴰⴼⵓⴽⴰⵏⵜ ⴷ ⵜⵎⴻⵙⴱⴻⵃⵔⵉⵜ, ⴰⴷ ⴰⵙ-ⴷ-ⵏⴻⵔⵏⵓ ⵙⵢⴰ ⵖⴻⵔ ⵙⴷⴰⵜ ⴰⴼⴰⵔⴻⵙ ⵏ ⵜⴻⵥⵡⴻⵔⵜ ⵜⴰⴼⵓⴽⴰⵏⵜ-ⵜⵉⵎⴻⵥⵖⴻⵍⵜ, ⵢⴻⵜⵜⵡⴰⵇⴱⴻⵍ ⵡⴰⵢⴰ ⵎⵉ ⵉⵄⴻⴷⴷⴰ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵉ ⵢⴻⵙⵙⴻⵍⵡⵉ ⴰⵙⵙ ⵏ ⵍⵃⴻⴷⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⵓⵔ ⵏⴻⵜⵜⵄⴻⵟⵟⵉⵍ ⴰⵔⴰ, ⵜⵉⵥⵡⴰⵔ ⵉ ⴷ-ⵢⴻⵜⵜⵓⵖⴰⵍⴻⵏ ⴰⴷ ⵙⵙⵉⵡⴹⴻⵏⵜ ⵖⴻⵔ 37% ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⵏ ⵜⵔⵉⵙⵉⵜⵉ, ⴰⵢⴰ ⴰⴷ ⵏⴻⵔⴱⴻⵃ ⵙⴻⴳ-ⵙ 300 ⵏ ⵢⵉⵎⴻⵍⵢⴰⵔⴻⵏ ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⵏ ⵍⴳⴰⵣ ⵉ ⵓⴽⵓⴷ ⴰⵔⴰ ⵢⵉⵍⵉⵏ ⵙⴻⴳ ⴳⴻⵔ 2021 ⴰⵔ 2030 ⴰⵔⴰ ⵡⴻⵍⵀⴻⵏ ⵖⴻⵔ ⵓⵙⵉⴵⴻⵡ, ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.

ⵙⴻⴳ ⴳⴻⵔ ⵜⵉⴳⴰⵡⵉⵏ ⵏ ⵓⵙⴻⴱⵖⴻⵙ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵛⴷⴻⵔ ⴱⴻⵍⵍⵉ ⴰⵡⴰⵏⴻⴽ ⵉⵄⴰⵡⴻⵏ ⵙ ⵜⴻⴷⵔⵉⵎⵜ ⴰⵣⴰⵍ ⵏ ⵜⵉⵖⵉⵏ ⵏ ⵜⵔⵉⵙⵉⵜⵉ ⵉ ⴷ-ⵢⴻⴽⴽⴰⵏ ⵙⴻⴳ ⵜⴻⵥⵔⴻⵡⵜ ⵜⴰⴼⵓⴽⴰⵏⵜ ⴷ ⵜⵎⴻⵙⴱⴻⵃⵔⵉⵜ, ⴷ ⵓⵙⵏⴻⵔⵏⵉ ⵏ ⵜⴻⵣⵎⴻⵔⵜ ⵏ ⵓⵙⴻⴽⵛⴻⵎ ⵏ ⵜⴻⵥⵔⴻⵡⵜ ⵉ ⴷ-ⵢⴻⵜⵜⵓⵖⴰⵍⴻⵏ ⴷⴻⴳ ⵓⴼⴰⵔⴻⵙ ⵏ ⵜⵔⵉⵙⵉⵜⵉ ⴷⴻⴳ ⵢⵉⵡⴻⵏ ⵢⵉⵙⵡⵉ ⴰⵔⴰ ⴰⵖ-ⵢⴻⵙⵙⵉⵡⴹⴻⵏ ⵖⴻⵔ ⵜⵉⵙ ⴽⵔⴰⴹ ⵏ ⵓⵙⴻⵎⵔⴻⵙ ⵏ ⵜⵔⵉⵙⵉⵜⵉ ⵏ ⵢⴻⵅⵅⴰⵎⴻⵏ ⵙⵢⴰ ⵙ ⵉⵙⴻⴳⴳⴰⵙⴻⵏ ⵏ 2030.

ⴰⵙⵎⴻⵔ ⵏ ⵡⴰⵀⵉⵍ ⴰⵖⴻⵍⵏⴰⵡ ⵏ ⵜⴻⵥⵡⴻⵔⵜ ⵉ ⴷ-ⵢⴻⵜⵜⵓⵖⴰⵍⴻⵏ ⵢⴻⴵⴵⴰ-ⴰⵖ ⴰⴷ ⵏⴻⵙⵏⴻⵔⵏⵉ ⵜⴰⵣⵎⴻⵔⵜ ⵏ ⵓⴼⴰⵔⴻⵙ ⵏ ⵜⵔⵉⵙⵉⵜⵉ ⵉ ⴷ-ⵢⴻⴽⴽⴰⵏ ⵙⴻⴳ ⵜⴻⵥⵡⴻⵔⵜ ⵜⴰⴼⵓⴽⴰⵏⵜ ⴷ ⵜⵎⴻⵙⴱⴻⵃⵔⵉⵜ, ‘’ⵢⴻⵍⵍⴰⵏ ⵢⴰⴽⴰⵏ 12.000 ⵉⵎⵉⴳⴰⵡⴰⵟⴻⵏ, ⵙⴰⴽⵉⵏ ⵏⵏⴻⵔⵏⴰⵏ ⵖⴻⵔ 22.000 ⵉⵎⵉⴳⴰⵡⴰⵟⴻⵏ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵎⴰⵙⵙ ⵢⴰⵙⵙⴰⴰ ⵉ ⵢⴻⵜⵜⵡⴰⵍⵉⵏ ⴱⴻⵍⵍⵉ ⴰⵢⴰ ‘’ⵜⵜⵏⴰⴷⵉⵏ ⴼⴻⵍⵍ-ⴰⵙ ⴰⵟⴰⵙ ⵢⴻⵎⵙⴻⴼⵜⵉⵢⴻⵏ ⴰⴱⴻⵄⴷⴰ ⵉⴱⴻⵕⵕⴰⵏⵉⵢⴻⵏ’’.