ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⴰⴷ ⵜⴻⵣⵎⴻⵔ ⵜⵎⴻⵟⵟⵓⵜ ⵜⴰⴼⵔⵉⵇⵉⵜ ⵉ ⵢⵉⵎⴰⵏ-ⵏⵏⴻⵙ

ⵍⴻⵣⵣⴰⵢⴻⵔ – ⴰⵎⵖⴰⵔ ⵏ ⵜⴻⴳⵔⴰⵡⵜ ⵜⴰⴷⵉⵒⵍⵓⵎⴰⵜⵉⵜ ⵜⴰⵎⵏⴰⴹⴰⵏⵜ ⵏ ⵜⴻⴼⵔⵉⵇⵜ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵅⴻⴷⴷⵉⵎ ⴰⴽⴽⴻⵏ ⴰⴷ ⵜⴻⵣⵎⴻⵔ ⵜⵎⴻⵟⵟⵓⵜ ⵜⴰⴼⵔⵉⵇⵉⵜ ⵉ ⵢⵉⵎⴰⵏ-ⵏⵏⴻⵙ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵍⵎⴻⵏⴷ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⴻⴼⵔⵉⵇⵜ ⴰⵢ ⵙⴼⵓⴳⵓⵍⴻⵏ ⵢⴰⵍ ⴰⵙⴻⴳⴳⴰⵙ ⴷⴻⴳ 25 ⵎⴰⵢⵓ.

ⵎⵧⵓⵙⵙⴰ ⵒⴰⵎⴱⵧⵓ ⵎⴰⴽⵧⵙⵙⵧ, ⴰⵏⵎⴰⵀⴰⵍ ⵏ ⴳⴰⴱⵓⵏ ⴷⴻⴳ ⵍⴷⵣⴰⵢⴻⵔ ⵢⴻⵙⵙⴰⵡⴻⵍ-ⴷ ⴷⴻⴳ ⵢⵉⵡⴻⵜ ⵏ ⵜⴼⴰⴳⵍⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵉ ⵓⵙⴼⵓⴳⴻⵍ ⵏ ⵡⴰⵙⵙ-ⴰ ⴰⵢ ⴷ-ⵢⴻⵖⵍⵉⵏ ⴷⴰⵖ ⴷ ⵓⵎⵓⵍⵍⵉ ⵡⵉⵙ 52 ⵏ ⵓⵙⵙⴻⴱⴷⴻⴷ ⵏ ⵜⵓⴷⴷⵙⴰ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵢⴻⵔⵏⴰ ⵉⵃⴻⵜⵜⴻⵜ-ⴷ ⵓⵏⵎⴰⵀⴰⵍ-ⴰ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵄⴰⵡⴻⵏ ⵏ ⵜⵎⴻⵟⵟⵓⵜ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⵜⴻⵣⵎⴻⵔ ⵉ ⵢⵉⵎⴰⵏ-ⵏⵏⴻⵙ ⵉⵎⵉ ⴰⵢⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⴷ ⵢⴻⴷⴷⵓ ⵖⴻⴼ ⵍⴻⵃⵙⴰⴱ ⵏ ⵓⵎⴳⴻⵔⵔⴰⴷ ⵢⴻⵜⵜⵉⵍⵉⵏ ⴷⴻⴳ ⵜⵓⴷⴻⵔⵜ ⵏ ⵜⵉⴷⴻⵜ.

ⴰⵙⴼⵓⴳⴻⵍ ⵏ ⵡⴰⵙⵙ-ⴰ ⵢⴻⵍⵍⴰ-ⴷ ⵙ ⵓⵙⴻⵏⵜⴻⵍ ⵏ « ⵓⵙⴼⵓⵍⵎⴻⵏ ⵏ ⵜⵎⴻⵟⵟⵓⵜ ⴷ ⵜⵏⴻⴼⵍⵉⵜ ⵉ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⵏ 2063 ⵏ ⵜⴻⴼⵔⵉⵇⵜ », ⵢⴻⵔⵏⴰ ⵢⴻⵏⵏⴰ-ⴷ ⴷⴻⴳ-ⵙ ⵓⴷⵉⵒⵍⵓⵎⴰⵜⵉ-ⴰ ⴰⴳⴰⴱⵓⵏⵉ, « ⵛⵛⵖⴻⵍ ⵏ ⵓⵄⴰⵡⴻⵏ ⵏ ⵜⵎⴻⵟⵟⵓⵜ ⴰⴽⴽⴻⵏ ⴰⴷ ⵜⴻⵣⵎⴻⵔ ⵉ ⵢⵉⵎⴰⵏ-ⵏⵏⴻⵙ ⴷⴻⴳ ⵜⵎⵓⵔⵜ ⵢⴻⵎⴳⴻⵔⵔⴰⴷ ⵖⴻⴼ ⵡⵉⵏ ⵏ ⵓⵄⴰⵡⴻⵏ-ⵏⵏⴻⵙ ⴷⴻⴳ ⵜⴻⵎⴷⵉⵏⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵎⴳⴻⵔⵔⴰⴷ ⵓⵄⴰⵡⴻⵏ ⵏ ⵜⵎⴻⵟⵟⵓⵜ ⵢⴻⵜⵜⴰⵖⴻⵏ ⵜⴰⵛⴻⵀⵕⵉⵜ ⴷ ⵜⵉⵏ ⵢⴻⵜⵜⴳⴻⵏ ⵜⵜⵊⴰⵕⴰ, ⵏⴻⵖ ⵜⵉⵏ ⵉⵣⴻⵡⵊⴻⵏ, ⵜⴻⵇⵇⵉⵎ ⴷⴻⴳ ⵓⵅⵅⴰⵎ ⵡⴰⵔ ⴰⵅⴻⴷⴷⵉⵎ, ⵡⴰⵔ ⴰⵎⴻⴷⵅⵓⵍ ⵢⴻⵔⵏⴰ ⵜⴻⵜⵜⴽⴻⵍ ⴽⴰⵏ ⵖⴻⴼ ⵓⵔⴳⴰⵣ-ⵏⵏⴻⵙ ».

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⴰⵄⴰⵡⴻⵏ ⵏ ⵜⵎⴻⵟⵟⵓⵜ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⵜⴻⵣⵎⴻⵔ ⵉ ⵢⵉⵎⴰⵏ-ⵏⵏⴻⵙ ⵙⴻⴳ ⵢⵉⴷⵉⵙ ⵏ ⵓⵎⴻⵚⵔⵓⴼ ⴷ ⴰⴱⵔⵉⴷ ⴰⵡⵃⵉⴷ ⴰⵔⴰ ⵉⴹⴻⵎⵏⴻⵏ ⵉ ⵜⴻⴼⵔⵉⵇⵜ ⴰⴷ ⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⴻⵙⵎⴻⴽⵜⴰⵢⵜ ⵏ 2063 », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵄⴰⵡⴻⵏ-ⴰ ⴷ « ⵡⵉⵏ ⴰⵔⴰ ⴰⵖ-ⵢⴻⵊⵊⴻⵏ ⴰⴷ ⴷ-ⵏⴻⵍⵀⵓ ⵙ ⵜⴻⵎⵙⴰⵍⵜ ⵏ ⵜⴳⴰⴷⴷⴰ » ⴳⴰⵔ ⵓⵔⴳⴰⵣ ⴷ ⵜⵎⴻⵟⵟⵓⵜ.

ⴰⴽⴽⴻⵏ ⴰⴷ ⵄⴻⴷⵍⴻⵏ ⵢⵉⵔⴳⴰⵣⴻⵏ ⴷ ⵜⵍⴰⵡⵉⵏ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵎⴰⴽⵧⵙⵙⵧ, « ⵢⴻⵙⵙⴻⴼⴽ ⴰⴷ ⵉⵍⵉⵏ ⴽⵉⴼⴽⵉⴼ-ⵉⵜⴻⵏ ⴷⴻⴳ ⵜⵍⴻⵎⵎⵉⵥⵉⵏ ⴰⵢ ⴰⵙⴻⵏ-ⵢⴻⵜⵜⵓⵏⴻⴼⴽⴻⵏ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵄⴻⵡⵡⵉⵍⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵙⵡⴰⵏ ⵏ ⵓⵎⴰⴳⵉⵎ ⵉ ⵓⵏⵏⴻⵔⵏⵉ ⴰⵢ ⴷ-ⵀⴻⵢⵢⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵜⴰⴱⴰⵏⴽⴰ ⵜⴰⵎⴰⴹⵍⴰⵏⵜ ⴷ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⴷ ⵜⵏⴻⴼⵍⵉⵜ ⵏ ⵜⵓⵕⵓⴼⵜ, ⴰⴷⵉⵒⵍⵓⵎⴰⵜⵉ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵇⵇⵍⴻⵏ « ⴷ ⵍⵍⵙⴰⵙ ⵉⵛⴻⵔⴽⴻⵏ ⴰⴽⴽ ⴰⵎⴰⴹⴰⵍ ⴰⴽⴽⴻⵏ ⴰⴷ ⴷ-ⵏⴻⵙⵙⴻⴼⵔⵓ ⵉⵙⵡⴰⵏ ⴰⵔⴰ ⵏⴰⵡⴻⴹ ⵢⴻⵔⵏⴰ ⴰⴷ ⵏⵃⴰⵕⴻⴱ ⵍⴻⵅⵚⴰⵚ ⵏ ⵛⵛⵉ ⴰⵢ ⵉⵃⵓⵣⴰⵏ ⵍⴰⴷⵖⴰ ⵜⵉⵍⴰⵡⵉⵏ ».