ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵜⴻⵡⵡⴻⴹ ⵖⴻⵔ ⵜⴻⴳⵏⵉⵜ ⵏ « ⵓⵃⴱⴰⵙ ⵏ ⵓⵅⴻⵍⵍⴻⵚ » (ⵍⴰⴽⵙⴰⵛⵉ)

ⵍⴻⴱⵍⵉⴷⴰ – ⴰⵏⴻⴱⴱⴰⴹ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, ⵎⵧⵀⴰⵎⴻⴷ ⵍⴰⴽⵙⴰⵛⵉ, ⴰⵢ ⵉⴱⴻⴷⴷⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵍⴻⴱⵍⵉⴷⴰ ⵙ ⵢⵉⵙⴻⵎ-ⵏⵏⴻⵙ ⴷ ⴰⵏⴰⴳⵉ ⴷⴻⴳ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴱⴰⵏⴽⴰ-ⴰ ⵜⴰⵇⴱⵓⵔⵜ ⵜⴻⵡⵡⴻⴹ ⵖⴻⵔ ⵜⴻⴳⵏⵉⵜ ⴰⵢⴷⴻⴳ « ⵓⵔ ⵜⴻⵙⵄⵉ ⴰⵔⴰ ⵉⴷⵔⵉⵎⴻⵏ ⵉⵡⴻⵊⴷⴻⵏ » ⵏⴻⵖ, ⵙ ⵡⴰⵡⴰⵍ ⵏⵉⴹⴻⵏ, ⴷ ⵜⴰⴳⵏⵉⵜ ⵏ « ⵓⵃⴱⴰⵙ ⵏ ⵓⵅⴻⵍⵍⴻⵚ » ⴷⴻⴳ ⵜⴻⴼⵙⵓⵜ ⵏ 2003, ⴷⵖⴰ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵜⴰⴱⴰⵏⴽⴰ ⵏ ⵍⴷⵣⴰⵢⴻⵔ ⴰⴷ ⴰⵙ-ⵜⴻⵙⵙⴻⴱⵟⴻⵍ ⵜⵜⴻⵙⵔⵉⵃ-ⵏⵏⴻⵙ.

ⵎⵉ ⵢⴻⴱⴷⴻⴷ ⵙⴷⴰⵜ ⵛⵛⵕⴻⵄ, ⵎⴰⵙⵙ ⵍⴰⴽⵙⴰⵛⵉ ⵢⴻⴼⴽⴰ-ⴷ ⵍⴻⵃⵙⴰⴱⴰⵜ ⵏ ⵡⴰⵎⴻⴽ ⴰⵢ ⵏⴻⵇⵙⴻⵏ ⵢⵉⴷⵔⵉⵎⴻⵏ ⴰⵢ ⵜⴻⵊⵎⴻⵄ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴷⴻⴳ ⵜⴱⴰⵏⴽⴰ ⵏ ⵍⴷⵣⴰⵢⴻⵔ.

« ⴷⴻⴳ ⴼⵓⵕⴰⵕ ⵏ 2003, ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵜⴻⵍⵍⴰ ⵜⴻⵙⵄⴰ 18,9 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵙⴰⴽⴽⵉⵏ ⵜⴻⵇⵇⴻⵍ ⵜⴻⵙⵄⴰ 5,3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵍⴻⵡⵀⵉ ⵏ ⵜⴳⴰⵔⴰ ⵏ ⵎⴻⵖⵔⴻⵙ ⵏ ⵓⵙⴻⴳⴳⴰⵙ-ⵏⵏⵉ, ⵙⴰⴽⴽⵉⵏ ⴳⴳⵔⴰⵏ-ⴰⵙ-ⴷ 500 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⴰⴽⵙⴰⵛⵉ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵜⴰⴱⴰⵏⴽⴰ-ⴰ ⵜⴻⵡⵡⴻⴹ ⵙ ⵡⴰⵢⴰ ⵖⴻⵔ ⵓⵙⵡⵉⵔ ⴰⵢⴷⴻⴳ « ⵓⵔ ⵜⴻⵙⵄⵉ ⴰⵔⴰ ⵉⴷⵔⵉⵎⴻⵏ ⵉⵡⴻⵊⴷⴻⵏ », ⵢⴻⵔⵏⴰ ⴷ ⵙ ⵡⴰⵢⴰ ⴰⵢ ⵜⴻⵡⵡⴻⴹ ⵖⴻⵔ ⵜⴻⴳⵏⵉⵜ ⵏ « ⵓⵃⴱⴰⵙ ⵏ ⵓⵅⴻⵍⵍⴻⵚ ».

ⴰⵏⴻⴱⴱⴰⴹ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, ⵓⵇⴱⴻⵍ ⵎⴰ ⵢⴻⴽⵛⴻⴼ-ⴷ ⵍⴻⵃⵙⴰⴱⴰⵜ ⵏ ⵢⵉⴷⵔⵉⵎⴻⵏ ⴰⵢ ⵜⴻⵙⵙⴻⵔⵙ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴷⵉⵏ, ⵢⴻⵏⵏⴰ-ⴷ ⵢⴰⴳⵉ ⴷⴰⴽⴽⴻⵏ ⴰⵙⵙⴻⴷⴷⵓ ⵏ ⵜⴻⴷⵔⵉⵎⵜ ⵏ ⴽⵀⴰⵍⵉⴼⴰ ⵢⴻⵍⵍⴰ ⵉⴱⴰⵏ ⵓⵔ ⵢⴻⵄⴷⵉⵍ ⴰⵔⴰ.

ⴷ ⴰⵛⵓ ⴽⴰⵏ, ⵜⴰⵎⵃⴰⴷⴷⵉⵜ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵓⵔ ⵜⴻⵙⵜⴻⵄⵕⴻⴼ ⴰⵔⴰ ⴷⴰⴽⴽⴻⵏ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵜⴻⵡⵡⴻⴹ ⵖⴻⵔ ⵜⴻⴳⵏⵉⵜ ⵏ ⵓⵃⴱⴰⵙ ⵏ ⵓⵅⴻⵍⵍⴻⵚ.

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵜⴰⵎⵃⴰⴷⴷⵉⵜ ⵜⴻⴱⴷⴻⵔ-ⴷ ⴰⵢⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵎⵧⵀⴰⵎⴻⴷ ⴷⵊⴻⵍⵍⴰⴱ, ⴰⵏⴻⴷⴱⴰⵍ ⴰⵇⴱⵓⵔ ⵏ ⵜⴱⴰⵏⴽⴰ-ⴰ ⵙⴻⴳ ⵎⴻⵖⵔⴻⵙ ⵏ 2003 ⴷ ⴰⵙⴰⵡⴻⵏ, ⵉⵎⵉ, ⵖⴻⴼ ⵍⴻⵃⵙⴰⴱ ⵏ ⵜⴻⵎⵃⴰⴷⴷⵉⵜ, ⴰⵏⴻⴷⴱⴰⵍ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵓⵔ ⵜⴻⵡⵡⵉⴹ ⴰⵔⴰ ⵖⴻⵔ ⵜⴻⴳⵏⵉⵜ ⵏ ⵓⵃⴱⴰⵙ ⵏ ⵓⵅⴻⵍⵍⴻⵚ.

ⴷ ⴰⵛⵓ ⴽⴰⵏ, ⵎⵧⵀⴰⵎⴻⴷ ⵍⴰⴽⵙⴰⵛⵉ ⵢⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ ⴷⴻⴳ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, « ⵜⴰⴱⴰⵏⴽⴰ ⵜⴻⵜⵜⵡⴰⵃⵙⴰⴱ ⴷⴻⴳ ⵜⴻⴳⵏⵉⵜ ⵏ ⵓⵃⴱⴰⵙ ⵏ ⵓⵅⴻⵍⵍⴻⵚ, ⵎⴻⵃⵙⵓⴱ ⴷⴻⴳ ⵜⴻⴳⵏⵉⵜ ⵏ ⵓⴼⵍⴰⵙ, ⵖⴻⴼ ⵍⴻⵃⵙⴰⴱ ⵏ ⵡⴰⵏⴻⵛⵜ ⴰⵢ ⵜⴻⵙⵙⴻⵔⵙ ⴷ ⵉⴷⵔⵉⵎⴻⵏ ⴷⴻⴳ ⵜⴱⴰⵏⴽⴰ ⵏ ⵍⴷⵣⴰⵢⴻⵔ ⴷ ⵛⵡⵉⵟ-ⵏⵏⵉ ⵏ ⵢⵉⴷⵔⵉⵎⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵏ-ⵜⴻⵙⵙⴻⵔⵙ » ⴰⵎⴰ ⵙ ⵓⴷⵉⵏⴰⵕ, ⴰⵎⴰ ⵙ ⵢⵉⴷⵔⵉⵎⴻⵏ ⵉⴱⴻⵕⵕⴰⵏⵉⵢⴻⵏ.

ⵎⴰⵙⵙ ⵍⴰⴽⵙⴰⵛⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵙⵙⴻⴱⴱⴰⵜ ⴰⵢⵖⴻⴼ ⵜⴰⴱⴰⵏⴽⴰ ⵏ ⵍⴷⵣⴰⵢⴻⵔ ⵓⵔ ⵜⴳⵉ ⴰⵛⴻⵎⵎⴰ ⵎⵉ ⵜⵡⴰⵍⴰ ⴷⴰⴽⴽⴻⵏ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵜⴻⴼⴼⴻⵖ ⵉ ⵓⴱⵔⵉⴷ ⴰⵛⵃⴰⵍ ⴷ ⵜⵉⴽⴽⴻⵍⵜ, ⴷⵖⴰ ⵖⴻⴼ ⵡⴰⵢⴰ, ⴰⵏⴰⴳⵉ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵔ ⵢⴻⵍⵍⵉ ⴰⵔⴰ ⵢⴻⵙⵄⴰ ⵍⴻⴽⵡⴰⵖⴻⴹ ⴰⵔⴰ ⴷ-ⵉⴽⴰⴼⴻⵏ ⴰⴽⴽⴻⵏ ⴰⴷ ⴷ-ⵢⴻⴼⴽ ⵜⵜⴱⵓⵜ ⵢⴻⵔⵏⴰ ⴰⴷ ⵢⴻⴳ ⴰⵢⴻⵏ ⵉⵡⴰⵜⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴼⴼⵖⵉⵡⵉⵏ ⵉ ⵓⴱⵔⵉⴷ.

ⵙⴻⴳ ⵜⴰⵎⴰ ⵏⵉⴹⴻⵏ, ⵍⴰⴽⵙⴰⵛⵉ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴰⴱⴰⵏⴽⴰ ⵏ ⵍⴷⵣⴰⵢⴻⵔ ⵜⴻⵙⵙⴻⵊⵀⴻⴷ ⴰⵙⵙⴻⵏⵇⴻⴷ-ⵏⵏⴻⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵍⴷⵣⴰⵢⴻⵔ, ⵉⵎⵉⵔ-ⵏⵏⵉ, « ⵜⴻⵍⵍⴰ ⵍⴰ ⵜⴻⵜⵜⵄⴻⴷⴷⵉ ⵖⴻⴼ ⵜⵜⴻⵊⵕⵉⴱⴰ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵏⵔⴰⵔ ⵏ ⵜⴱⴰⵏⴽⵉⵡⵉⵏ ⵜⵓⵙⵍⵉⴳⵉⵏ, ⵢⴻⵔⵏⴰ ⵓⵍⴰ ⴷ ⴰⵙⵙⵉⵍⴻⵖ ⵏ ⵢⵉⵎⴰⵙⵡⴰⴹⴻⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⵢⴻⵍⵍⴰ ⵢⴻⵃⵡⴰⵊ ⵍⴻⵎⵄⴰⵡⵏⴰ ⵜⴰⵜⴻⴽⵏⵉⵜ ⵙⴻⴳ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ ».

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⵙⴻⴳ ⵡⴰⵙⵙ-ⵏⵏⵉ ⵖⴻⵔ ⵡⴰⵙⵙ-ⴰ, ⵢⴻⵍⵍⴰ-ⴷ ⵓⵙⵙⴻⵜⵔⴻⵔ ⴷⴻⴳ ⵜⴱⴰⵏⴽⴰ ⵏ ⵍⴷⵣⴰⵢⴻⵔ ⵉⵎⵉ ⴰⵢ ⴷ-ⵙⴱⴻⴷⴷⴻⵏ ⵜⵉⵙⵡⴰⴹ ⵜⵉⵎⴰⵢⵏⵓⵜⵉⵏ ⵏ ⵓⵙⵙⴻⵏⵇⴻⴷ ⵉⵎⵉ ⴰⵢ ⵍⴷⵉⵏ ⴰⵃⵔⵉⵛ-ⴰ ⵉ ⵡⵓⵙⵍⵉⴳⴻⵏ ».

ⵍⴰⴽⵙⴰⵛⵉ ⵉⵡⴻⴽⴽⴻⴷ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ ⴷⴰⴽⴽⴻⵏ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵓⵔ ⴰⵙ-ⴷ-ⵢⴻⵜⵜⵓⵏⴻⴼⴽ ⴰⵔⴰ « ⵜⵜⴻⵙⵔⵉⵃ » (ⴰⴽⴽⴻⵏ ⴰⵢ ⴷ-ⵢⴻⵜⵜⵉⵏⵉ ⵍⵇⴰⵏⵓⵏ ⵏ ⵢⵉⴷⵔⵉⵎⴻⵏ) ⴰⴽⴽⴻⵏ ⴰⴷ ⵜⴻⵙⵙⴻⵏⵣ ⵜⴰⴼⵓⵍⵉⵏ (ⵉⵎⵓⵔⴻⵏ ⵙⴻⴳ ⵕⴰⵙⴻⵍⵎⴰⵍ-ⵏⵏⴻⵙ ⵢⴻⵔⵏⴰ ⴰⴷ ⵜⴱⴻⴷⴷⴻⵍ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵕⴰⵙⴻⵍⵎⴰⵍ, ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⵓⵔ ⵢⴻⵙⵄⵉ ⴰⵔⴰ ⵜⵉⵍⵖⴰ ⵖⴻⴼ ⵓⵔⵥⴰⵎ ⵏ ⵕⴰⵙⴻⵍⵎⴰⵍ ⵏ ⵜⴱⴰⵏⴽⴰ-ⴰ ».