ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴰⵍ ⵏ 100.000 ⵏ ⵢⵉⵅⴻⴷⴷⴰⵎⴻⵏ ⵏ ⴷⴷⵓⵍⴰ ⴰⵔⴰ ⴷ-ⵉⴽⴻⵛⴼⴻⵏ ⴰⵢⵍⴰ-ⵏⵙⴻⵏ (ⴰⴳⵎⴰⵏ ⵏ ⵓⵃⴰⵕⴻⴱ ⵏ ⵜⵊⴰⵄⴰⵍⵜ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵣⴰⵍ ⵏ 100.000 ⵏ ⵢⵉⵎⴻⴳⴳⵉⵢⴻⵏ ⵉⵏⴰⴳⴷⵓⴷⴻⵏ ⴰⵔⴰ ⴷ-ⵉⴽⴻⵛⴼⴻⵏ ⴰⵢⵍⴰ-ⵏⵙⴻⵏ ⵉ ⵓⴳⵎⴰⵏ ⴰⵖⴻⵍⵏⴰⵡ ⵏ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵓⵙⴳⵓⴼⵙⵓ (ⵧⵏⵒⵍⵛ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵎⴹⴻⴱⴱⴻⵔ ⵏ ⵜⵙⵓⴷⵓⵜ-ⴰ.

ⵎⴰⵙⵙ ⵎⵧⵀⴰⵎⴻⴷ ⵀⴰⴷⵊⴰⵍⵉ ⵢⴻⵏⵏⴰ-ⴷ ⴰⵢⴰ ⵎⵉ ⴷ-ⵢⴻⵙⵙⴰⵡⴻⵍ ⵉ ⵍⵎⴻⵏⴷ ⵏ ⵡⴰⵙⵙ ⵏ ⵜⴻⵣⵔⴰⵡⵉⵏ ⴷ ⵓⵙⵙⴻⵍⵖⵓ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵓⵙⴳⵓⴼⵙⵓ (ⵍⴻⴼⵙⴰⴷ), ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵣⴰⵍ 100.000 ⵏ ⵢⵉⵅⴻⴷⴷⴰⵎⴻⵏ ⵢⴻⴹⴹⴼⴻⵏ ⵉⵎⵓⴽⴰⵏ ⵓⵏⵏⵉⴳⴻⵏ ⴰⵔⴰ ⵢⴻⵔⵣⵓ ⵡⴰⵢⴰ.

ⵙ ⵡⴰⵢⴰ, ⵙⵎⴻⵖⵔⴻⵏ ⴰⵃⵔⵉⵛ ⵏ ⵎⴻⴷⴷⴻⵏ ⴰⵔⴰ ⴷ-ⵉⵃⴰⵣ ⵓⴽⵛⴰⴼ ⵏ ⵡⴰⵢⴰ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵓⵃⴰⵕⴻⴱ ⵏ ⵓⵙⴳⵓⴼⵙⵓ, ⵢⴻⵔⵏⴰ ⵉⵃⵓⵣⴰ-ⴷ ⵓⴳⴰⵔ ⵏ ⵢⵉⵎⴷⴰⵏⴻⵏ ⴰⵢ ⵉⵣⴻⵎⵔⴻⵏ ⴰⴷ ⴰⵖⴻⵏ ⵜⵉⵊⵓⵄⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ.

ⵣⵉⴽ, ⴰⵍⴰ ⴷ ⵓⴼⵔⵉⵏⴻⵏ ⵉⴷⵉⴳⴰⵏⴻⵏ (ⴷⴻⴳ ⵜⵖⵉⵡⴰⵏⵉⵏ ⴷ ⵜⵡⵉⵍⴰⵢⵉⵏ) ⴰⵢ ⵜⴻⵍⵍⴰ ⵜⴻⵔⵣⴰ ⵜⴻⵎⵙⴰⵍⵜ-ⴰ. ⵍⵇⴰⵏⵓⵏ ⵢⴻⵜⵜⵄⴰⵇⴰⴱ ⵙ 6 ⵏ ⵡⴰⵢⵢⵓⵔⴻⵏ ⵖⴻⵔ 5 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⴷ ⵍⴻⵅⴹⴻⵢⵢⴰ ⵏ 50.000 ⵖⴻⵔ 500.000 ⵏ ⵢⵉⴷⵉⵏⴰⵕⴻⵏ ⵙ ⴽⵔⴰ ⵏ ⵓⵅⴻⴷⴷⴰⵎ ⵏ ⴷⴷⵓⵍⴰ ⵓⵔ ⴷ-ⵉⴽⴻⵛⵛⴼⴻⵏ ⴰⵔⴰ ⴰⵢⵍⴰ-ⵏⵏⴻⵙ ⵏⴻⵖ ⴰⴷ ⴷ-ⵢⴻⴳ ⴰⴽⵛⴰⴼ ⵏ ⵜⴽⴻⵍⵍⴰⵅ ⵏⴻⵖ ⴰⴽⵛⴰⴼ ⵉⵅⵓⵚⵚⴻⵏ.

ⵏⵏⵉⴳ ⵡⴰⵢⴰ, ⵎⴰⵙⵙ ⵀⴰⴷⵊⴰⵍⵉ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⴰⴽⵛⴰⴼ ⵏ ⵡⴰⵢⵍⴰ ⴷ « ⴰⵍⵍⴰⵍ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵚⵚⴼⴰ ⵏ ⵜⵓⴷⴻⵔⵜ ⵜⴰⵏⴰⴳⴷⵓⴷⵜ, ⵉⵎⵉ ⴰⵢ ⵜⴻⵜⵜⴻⴽⴽⴰⵢ ⴷ ⵓⵃⵓⴷⴷⵓ ⵏ ⵡⴰⵢⵍⴰ ⵏ ⴷⴷⵓⵍⴰ, ⴰⵎ ⵡⴰⴽⴽⴻⵏ ⴰⵢ ⵜⴻⵜⵜⵃⵓⴷⴷⵓ ⵉⵙⴻⵖ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⴽⴻⵍⵍⴼⴻⵏ ⵙ ⵍⴻⵛⵖⴰⵍ ⵉⵏⴻⴼⵄⴻⵏ ⴰⴳⴷⵓⴷ ».